فيات بونتو ايفو vs نيسان تيدا

[maxayma]

انا من واقع متابعتى للمنتدى هنا هدخل فى الموضوع على طول و هقول اللى عايزه من العربية الأول:
طبعا اتوماتيك علشان شوراع المحروسة

انا مش بتاع شد و جرى و الكلام ده ( الشوارع اصلا مش مشجعة على اى حاجة)
الامان و ان تكون برده العربية فيها شوية اوبشنز يعنى مش فاضية
العربية تكون اعتمادية و عمرها الافتراضى طويل لانى مش من هواه التغيير (انا اصلا مش عارف اجيب اول واحدة اصلا)
البنزين يكون استهلاك معقول مش لازم موفرة جدا (اتوماتيك و زحمة يعنى طبيعى انه يكون عالى شوية انا مشوارى الاساسى اليومى بتاع الشغل يعتبر من اول كوبرى اكتوبر من عند المنصة لحد اخره فى الدقى عند نادى الصيد رايح جاى و هيكون دا الاساسى يعنى عز الزخمة بالذات فى الرجوع)
قطع الغيار الاهم تكون موجودة و لو غالية سنة مقارنة بالعربيات التانية مش فارقة مادام لما احتاجها هلاقيها
التوكيل يكون كويس مش لازم يكون محترم بس على الاقل بيعرف يحل مشاكل العربية لما تظهر من غير عطلة


الايفو اقتصادية طبعا بس المشكلة فى توكيلها و طبعا مواصفات امان و اخدة 5 نجوم و تقفيل ايطالى دا غير برده الاستايل بتاعها برة و جوى و الاوبسنز اللى فيها طبعا انا بتكلم على اول فئة اوتو 113 الف و عيبها انها مش بتاعة شد علشان ال 77 حصان انا مش فارق معايا بس اللى مخوفنى التوكيل بصراحة و اسعار الصيانات و قطع الغيار المبالغ فيها

التيدا الفل اوبشنز 115 الف مافيهاش المواصفات اللى فى البونتو بس برده الامان فيها عالى غير انها اوسع و توكيلها محترم و قطع غيارها و صيانتها اعتقد معقولين بشهادة ناس كتير بس شكلها مش قد كده من بره شبه اللوجان و من جوة برده تحس انها مش قد كده يعنى تحس انك مش دافع كل الفلوس دى فيها دا غير ان الحالية تقفيل مكسيكى و ان كان مافيش منه شكاوى

[szaalouk]

سيدي الفاضل ،
انت حسمت بنفسك المقارنه لصالح التيدا ، انا حاتكلم كلام عن الفيات يمكن ما يعجبش اخواتنا في منتدي فيات .
الفيات شركه عريقه و حاليا امبراطوريه كبيره في أوروبا و هما بدون مبالغه من كبار اسياد العالم في التصميمات و بالذات الداخليه اكتر من الخارجيه ( التابلوه و الصالون ) ثق تماما انه مش حاييجي اشيك من كده .
لكن في المقابل زيها زي معظم الأوروبي بما فيه البيمرز و الفولكس واجن
عربيات مستهلكه لنفسها و محتاجه تصرف عليها علشان تفضل في أوج اناقتها و اداءها .
مستهلكه بمعني اجزاء من العفشه علي السريع ، معدل تآكل تيل و طنابير اسرع من الياباني بكتير و ده علشان فرق الوزن عاده و مش عاوز اقول ان حتي دهاناتهم مش معمره زي الياباني تحت شمسنا الجميله بتلاقيهم كشفوا سوك اسرع.
طبعا دول كلهم مش بتوع الجو المرعب بتاعنا ( حار بشده جدا صيفا - حار فقط شتاءا ) و انك ممكن تفضل واقف من نص ساعه لساعه كامله علي كوبري اكتوبر و مطلوب من نكييف العربيه انه يدي كامل كفاءته ( دي لعبه الياباني كله ) الأوروبي عامه بيتعب بعد 10-15 دقيقه و تلاقي التبريد يظبط تاني لما العربيه تاخد سرعتها .
في المقابل الياباني بوجه عام ممكن تعتبرها ( آسف في التعبير ) جاريتك
و تحت أمرك في أي لحظة 24/7 و يادوب عايشه بلقمتها ( بنزين و زيت في ميعاده ) و اكتر من كده مش عاوزه و تخدمك بعنيها و تبعدك عن الورش و تنسي الموضوع ده خالص يمكن كل سنه تعدي علي الميكانيكي في دخله رمضان زي الأيام دي علشان تقول له كل سنه و انت طيب و حتي لو عندها مشكله فنيه يادوب بتديك انذار و تيجي علي نفسها و توصلك مشاويرك و من النادر جدا انها تعمل دقه نقص معاك لكن الأوروبي لأ لأ لأ .

حتلاقي ناس تقوللك الأمان و الصاج التقيل و الكلام ده ، ممكن يكون فيه شيء من الصحه و من ضمن مميزات الاوروبي زي ما هو عيب انا قلته قبل كده الوزن - لما بيطلعوا علي الطريق ماشيين زي القطر و مافيش شويه هوا يجيبهم يمين و شمال او لوري ولا اوتوبيس يأثر فيها بفرق الهوا.
لكن انت مش كل يوم علي الطريق و مشوارك في عز زحمه قاهره المعز
( ربنا يكون في عونك ) علشان كده اليابانيه سياره المدينه نمره واحد للأسباب السابقه و لسهوله المناوره و مش عاوز اعدد مميزات الياباني الكتير قوي.
يمكن ناس تقول ان قطع الغيار اغلي.
(مثال صغير : احسبها لو قطعه ب 300 جم و قعدت في العربيه كام سنه قصاد نفس القطعه ب 150 جم لكن اتغيرت 3-4 مرات في نفس المده ) .
طبعا مش محتاج اقوللك ان الموضوع مش السعر بس لكن اضف اليه بحثك عن القطعه و وقوفك عند الميكانيكي او في مركز الخدمه كذا مره مقابل مره واحده بس في الياباني .
أنا قلت لك رأيي الشخصي و اتعشم ما حدش يزعل مني بس طبعا انا من انصار التيدا و بشده .
اخوك شريف .

[maxayma]

سيدي الفاضل ،
انت حسمت بنفسك المقارنه لصالح التيدا ، انا حاتكلم كلام عن الفيات يمكن ما يعجبش اخواتنا في منتدي فيات .
الفيات شركه عريقه و حاليا امبراطوريه كبيره في أوروبا و هما بدون مبالغه من كبار اسياد العالم في التصميمات و بالذات الداخليه اكتر من الخارجيه ( التابلوه و الصالون ) ثق تماما انه مش حاييجي اشيك من كده .
لكن في المقابل زيها زي معظم الأوروبي بما فيه البيمرز و الفولكس واجن
عربيات مستهلكه لنفسها و محتاجه تصرف عليها علشان تفضل في أوج اناقتها و اداءها .
مستهلكه بمعني اجزاء من العفشه علي السريع ، معدل تآكل تيل و طنابير اسرع من الياباني بكتير و ده علشان فرق الوزن عاده و مش عاوز اقول ان حتي دهاناتهم مش معمره زي الياباني تحت شمسنا الجميله بتلاقيهم كشفوا سوك اسرع.
طبعا دول كلهم مش بتوع الجو المرعب بتاعنا ( حار بشده جدا صيفا - حار فقط شتاءا ) و انك ممكن تفضل واقف من نص ساعه لساعه كامله علي كوبري اكتوبر و مطلوب من نكييف العربيه انه يدي كامل كفاءته ( دي لعبه الياباني كله ) الأوروبي عامه بيتعب بعد 10-15 دقيقه و تلاقي التبريد يظبط تاني لما العربيه تاخد سرعتها .
في المقابل الياباني بوجه عام ممكن تعتبرها ( آسف في التعبير ) جاريتك
و تحت أمرك في أي لحظة 24/7 و يادوب عايشه بلقمتها ( بنزين و زيت في ميعاده ) و اكتر من كده مش عاوزه و تخدمك بعنيها و تبعدك عن الورش و تنسي الموضوع ده خالص يمكن كل سنه تعدي علي الميكانيكي في دخله رمضان زي الأيام دي علشان تقول له كل سنه و انت طيب و حتي لو عندها مشكله فنيه يادوب بتديك انذار و تيجي علي نفسها و توصلك مشاويرك و من النادر جدا انها تعمل دقه نقص معاك لكن الأوروبي لأ لأ لأ .

حتلاقي ناس تقوللك الأمان و الصاج التقيل و الكلام ده ، ممكن يكون فيه شيء من الصحه و من ضمن مميزات الاوروبي زي ما هو عيب انا قلته قبل كده الوزن - لما بيطلعوا علي الطريق ماشيين زي القطر و مافيش شويه هوا يجيبهم يمين و شمال او لوري ولا اوتوبيس يأثر فيها بفرق الهوا.
لكن انت مش كل يوم علي الطريق و مشوارك في عز زحمه قاهره المعز
( ربنا يكون في عونك ) علشان كده اليابانيه سياره المدينه نمره واحد للأسباب السابقه و لسهوله المناوره و مش عاوز اعدد مميزات الياباني الكتير قوي.
يمكن ناس تقول ان قطع الغيار اغلي.
(مثال صغير : احسبها لو قطعه ب 300 جم و قعدت في العربيه كام سنه قصاد نفس القطعه ب 150 جم لكن اتغيرت 3-4 مرات في نفس المده ) .
طبعا مش محتاج اقوللك ان الموضوع مش السعر بس لكن اضف اليه بحثك عن القطعه و وقوفك عند الميكانيكي او في مركز الخدمه كذا مره مقابل مره واحده بس في الياباني .
أنا قلت لك رأيي الشخصي و اتعشم ما حدش يزعل مني بس طبعا انا من انصار التيدا و بشده .
اخوك شريف .

مش عارف اقولك ايه و لا أشكرك ازاى على الرد الشافى الوفى ولا علشان هو كمان الرد الوحيد

اخى شريف كلامك يحترم تماما و منطقك و الله سليم و انا همشى مع حضرتك و هافترض انى هاشترى التيدا بس بصراحة فى كذا حاجة مقلاقنى شوية

التقفيل المكسيكى
شكلها مبعجر شوبة من برة و من جوة زى ما قلت مش بديك احساس الفخامة (مش زى السيراتو مثلا لان ركبنت الاتنين امبارح فى المصرية ما فيش مقارنة بصراحة رغم انى مش برتاح اصلا لحاجة كورى و كنت اصلا شايلهم من المقارنة لكن السيراتو ال 119 الف لعبتلى فى دماغى بصراحة)
ان فى تيدا جديدة نازلة 2012 برة مصر و شكلها مختلف تماما (بس فى كلام انها هتكون هاتشباك بس مش سيدان زى الميجان كده يعنى اشترى عربية و خلاص كام شهر و تتغير كلها)

غير كده انا معاك فى كل مزايا التيدا

[EslaM_NagY]

من رايى تيدا
حتستغنى عن شوية كماليات موجودة فى الايفو انما اجزاء ميكانيكية 100 100 وعمر ما شاء الله طويل واسعار قطع الغيار متناسبة مع العمر الافتراضى لكل قطعة

انا بحب الايفو واحب اركبها انما مشتريهاش للأسف عشان التوكيل.

[تامر.محمد]

على فكرة سحب الايفو مش وحش بالمرة

[maxayma]

على فكرة سحب الايفو مش وحش بالمرة

استاذ تامر انا ماقولتش انه وحش دا غير انى اصلا مش فارق معايا زى ما قولت فوق انا مش عاوز عربية جرى و شد بس هى فعلا ناس كتير بتعد عنها علشان موضوع ال 77 حصان دول مع ان على فكرة هى اصلا نازلة برة مصر بموتور جديد و بتكنولوجيا عالية اسمه مالتى اير اقوى بكتير بس هنا التوكيل نزل نفس موتور الجراند بونتو

[medododo]

شوف انا برشحلك التيدا وممكن
تشوف تجربة الزميل ده

http://www.nilemotors.net/Nile/233201-a.html

[mmffor]

التيدا طبعا
و اعتقد اغلب الاراء اجمعت على التيدا

[maxayma]

شوف انا برشحلك التيدا وممكن
تشوف تجربة الزميل ده
http://www.nilemotors.net/nile/233201-a.html

شكرا يا باشا دا انا تقريبا حفظت المواضيع من كتر القرايا

انا قريت كل حاجة عن التيدا و عن البونتو

و قبليهم و اكتر منهم الجين 2 اللى قديت يمكن اكتر من سنة بقرى عليها فى قسم برتون و هى عاجبانى جدا بس حاسس ان مصارف تشغليها هتكون عالية على و شايف انى مادام مش بتاع جرى و شد يبقى مش هستفاد باهم ميزة فيها

[Ahmed.Ali]

من الاخر الايفو تقفيل فوق الوصف عربيه جميله جدا تكنولجي عاليه اوي عربيه تتحب و توكيل زفت الزفت و سعر انا شايفه عالي علي حجمها
التيدا عربيه لطفه مش وهم زي الايفو في الاوبشن بس صالون كبير بجد موتور محترم ووكيل ممتاز

لو عندك عيله كبيره نسبيا يبقي التيدا بدون نقاش بس الايفو طعمها مختلف اكيد عن التيدا

[medododo]

شكرا يا باشا دا انا تقريبا حفظت المواضيع من كتر القرايا

انا قريت كل حاجة عن التيدا و عن البونتو

و قبليهم و اكتر منهم الجين 2 اللى قديت يمكن اكتر من سنة بقرى عليها فى قسم برتون و هى عاجبانى جدا بس حاسس ان مصارف تشغليها هتكون عالية على و شايف انى مادام مش بتاع جرى و شد يبقى مش هستفاد باهم ميزة فيها

العفو على ايه
ربنا يكرمك بالاصلح
ويكفيك شرها ويديك خيرها يارب

[SonaSteel]

سيدي الفاضل ،
انت حسمت بنفسك المقارنه لصالح التيدا ، انا حاتكلم كلام عن الفيات يمكن ما يعجبش اخواتنا في منتدي فيات .
الفيات شركه عريقه و حاليا امبراطوريه كبيره في أوروبا و هما بدون مبالغه من كبار اسياد العالم في التصميمات و بالذات الداخليه اكتر من الخارجيه ( التابلوه و الصالون ) ثق تماما انه مش حاييجي اشيك من كده .
لكن في المقابل زيها زي معظم الأوروبي بما فيه البيمرز و الفولكس واجن
عربيات مستهلكه لنفسها و محتاجه تصرف عليها علشان تفضل في أوج اناقتها و اداءها .
مستهلكه بمعني اجزاء من العفشه علي السريع ، معدل تآكل تيل و طنابير اسرع من الياباني بكتير و ده علشان فرق الوزن عاده و مش عاوز اقول ان حتي دهاناتهم مش معمره زي الياباني تحت شمسنا الجميله بتلاقيهم كشفوا سوك اسرع.
طبعا دول كلهم مش بتوع الجو المرعب بتاعنا ( حار بشده جدا صيفا - حار فقط شتاءا ) و انك ممكن تفضل واقف من نص ساعه لساعه كامله علي كوبري اكتوبر و مطلوب من نكييف العربيه انه يدي كامل كفاءته ( دي لعبه الياباني كله ) الأوروبي عامه بيتعب بعد 10-15 دقيقه و تلاقي التبريد يظبط تاني لما العربيه تاخد سرعتها .
في المقابل الياباني بوجه عام ممكن تعتبرها ( آسف في التعبير ) جاريتك
و تحت أمرك في أي لحظة 24/7 و يادوب عايشه بلقمتها ( بنزين و زيت في ميعاده ) و اكتر من كده مش عاوزه و تخدمك بعنيها و تبعدك عن الورش و تنسي الموضوع ده خالص يمكن كل سنه تعدي علي الميكانيكي في دخله رمضان زي الأيام دي علشان تقول له كل سنه و انت طيب و حتي لو عندها مشكله فنيه يادوب بتديك انذار و تيجي علي نفسها و توصلك مشاويرك و من النادر جدا انها تعمل دقه نقص معاك لكن الأوروبي لأ لأ لأ .

حتلاقي ناس تقوللك الأمان و الصاج التقيل و الكلام ده ، ممكن يكون فيه شيء من الصحه و من ضمن مميزات الاوروبي زي ما هو عيب انا قلته قبل كده الوزن - لما بيطلعوا علي الطريق ماشيين زي القطر و مافيش شويه هوا يجيبهم يمين و شمال او لوري ولا اوتوبيس يأثر فيها بفرق الهوا.
لكن انت مش كل يوم علي الطريق و مشوارك في عز زحمه قاهره المعز
( ربنا يكون في عونك ) علشان كده اليابانيه سياره المدينه نمره واحد للأسباب السابقه و لسهوله المناوره و مش عاوز اعدد مميزات الياباني الكتير قوي.
يمكن ناس تقول ان قطع الغيار اغلي.
(مثال صغير : احسبها لو قطعه ب 300 جم و قعدت في العربيه كام سنه قصاد نفس القطعه ب 150 جم لكن اتغيرت 3-4 مرات في نفس المده ) .
طبعا مش محتاج اقوللك ان الموضوع مش السعر بس لكن اضف اليه بحثك عن القطعه و وقوفك عند الميكانيكي او في مركز الخدمه كذا مره مقابل مره واحده بس في الياباني .
أنا قلت لك رأيي الشخصي و اتعشم ما حدش يزعل مني بس طبعا انا من انصار التيدا و بشده .
اخوك شريف .

+11111111111111111111111111
تسمحلي ابدي اعجابي بكلامك الجميل المنسق ده ...... واستفدت منه كتيييييييييييييير وكلام سليم 100%
جزاك الله عني خيرا :))))

[szaalouk]

مش عارف اقولك ايه و لا أشكرك ازاى على الرد الشافى الوفى ولا علشان هو كمان الرد الوحيد

يا سيدي العفو و لا شكر علي واجب ، احنا كلنا اخوه في المنتدي و بنتعاون جميعا لما فيه الصالح ان شاء الله .

اخى شريف كلامك يحترم تماما و منطقك و الله سليم و انا همشى مع حضرتك و هافترض انى هاشترى التيدا بس بصراحة فى كذا حاجة مقلاقنى شوية

التقفيل المكسيكى

لم يثبت انه سيء و اعتقد انه لن يثبت لأن الرقابه هناك صارمه علشان التصدير للولايات المتحده .

شكلها مبعجر شوبة من برة و من جوة
مسأله اذواق بين واحد و التاني ( لولا اختلاف الأذواق لبارت السلع )
زى ما قلت مش بديك احساس الفخامة (مش زى السيراتو مثلا لان ركبنت الاتنين امبارح فى المصرية ما فيش مقارنة بصراحة رغم انى مش برتاح اصلا لحاجة كورى و كنت اصلا شايلهم من المقارنة لكن السيراتو ال 119 الف لعبتلى فى دماغى بصراحة)
مع احترامي للسيراتو لكن عمرك ما حتاخد نعومه التيدا و لا وسعها و لا اعتماديتها
يعني كمان 10 سنين يدينا و يديك ربنا طوله العمر شوف كام سيراتو باقيه مقابل كام تيدا في الشوارع .
ان فى تيدا جديدة نازلة 2012 برة مصر و شكلها مختلف تماما (بس فى كلام انها هتكون هاتشباك بس مش سيدان زى الميجان كده يعنى اشترى عربية و خلاص كام شهر و تتغير كلها)
ده اكيد ان فيه شكل جديد نازل في 2012 و ممكن تلاقيه وصل مصر علي النص التاني من 2012 فلو انت عندك استعداد تصبر يبقي تستني و لو انت حاتشتري و تقدر تستني بس شهرين ممكن تشوف الموديلات الجديده من كل السيارات في معرض اوتوماك اخبار اليوم حايكون اواخر شهر سبتمبر ان شاء الله .
و غالبا بيكون فيه عروض و خصومات علشان المعرض .
و اخيرا لو استقريت علي التيدا برضه استني للمعرض يكن تاخدها ارخص شويه علشان المعرض اولا و تغيير الشكل خالص ثانيا فالوكيل بيبقي عاوز يخلص الاستوك اللي عنده .
و ربنا يوفقك لما فيه الصالح .

غير كده انا معاك فى كل مزايا التيدا

[maxayma]

انا شايف ان كل التعليقات انى اشترى التيدا و طبعا ما فيش خلاف على مميزاتها بس اكتر حاجة مقلاقنى من التيدا موضوع الشكل و احتمال تغييره و طبعا لو سألت فى التوكيل حاجة من اتنين مالهوش تالت هيقولى لا مش هيتغير علشان يلبسنى او هقول لا برده بس طبعا علشان مش هيكون دريان بحاجة و لا عنده معلومات عن الموديل الجديد مش عارف اتاكد من حاجة وى دى ازاى

و من ناحية تانية موضوع انى استنى شوية لحد 9 دى مش عارف انا اجلت موضوع الشراء ده 20 مرة يمكن

[Ghosts]

يااااااااااااااااااااااااااااااااااااة ....
هو لسة فى ناس عايزة تشترى فيات ....
مفيش شك أن الفيات ماركة محترمة جدآ جدآ ....
بس للأسف الشديد توكيل أوماترا ضيعها فى مصر ....
اللى بيشترى فيات بيعانى من الصيانة و قطع الغيار الغالية ....
وسعر أعادة البيع ضااااااااااااااااااااااااااااااااااااااااااااااااا ااااااااااايع ....