بدون تحيز: رينو سكالا والا أوبترا ؟

[alaa7sh]

من الأخر بقي أنا دماغي خلاص قربت تنفجر. وبعد ماكنت استقريت علي الجين 2 بدأت أرجع في كلامي
وبصراحة حسبتها مع نفسي لقيت موضوع العربية ده لازم أدرسه بعيد عن العواطف اللي مخلياني متحيز للجين 2. والسبب: استهلاك الجين 2 العالي للبنزين وده حسبته مع نفسي ولقيته خارج طاقتي :( للأسف :(

دلوقتي أنا بفكر في الشيفرولية أوبترا أوتوماتيك فول أوبشن ... والرينو سكالا أوتوماتيك فول أوبشن

عايز أقارن بينهم وأعرف مميزاتهم وعيوبهم
ومدي اعتماديتهم واستهلاكهم للبنزين والثبات والهيكل والأوبشنز

مايهمنيش قطع الغيار وسعر اعادة البيع. بس للمعرفة عايز أعرف نظامهم اية

مستني الأراء

[MOUSTAFA_SAAD]

انا ركبت الاوبترا مع واحد صاحبى موديل 2010
بصراحه ماتحسس انك راكب عربيه تمنها 90 الف جنيه
تصميم عادى جدا سواء خارجى او داخلى
الاسكالا مشوفتهاش خالص
رايى لو ينفع تزود شويه وتجيب سيراتو او اكسنت ار بى اول فئه الا اذا كان الاوتوماتيك ضرورى او ده اخرك فى الفلوس

وان شاء الله تجد من جرب السيارتين من الاخوه الاعضاء ويفيدك اكثر منى

[ramy01011]

بدون تحيز لو بتقارن بين العربيتين دول بس يبقي الاوبترا و انت مغمض عايز رأيي اصبر شوية علي الالنترا الشكل الحالي 2010 اكيد علي اخر السنة غبور هينزل في سعرها علشان يخلص من المخزون اللي عنده

[SonaSteel]

بدون تحيز ........... !!!
الصني طبعا ... لو المقارنة بين الاتنين دول بالذات :))
ومش علشان عربيتي والله ... علشان ده الاختيار الطبيعي في الفئة ديه :))
انزل شوف الاسكالا في اي معرض ...... وشوف الصني في نفس المعرض
بس بشرط اقعد في الاسكالا الاول .... وبعد كده الصني
ومستني رأيك :)))

[alaasaid]

السلام عليكم

بالنسبة للاوبترا هى أغلى من رينو سكالا و مفهاش اى وسائل أمان أو اوبشن زى رينو اسكالا ممكن حضرتك تقارن اسكالا مع الصنى و برسونا , سعرهم متقارب و نفس الكماليات تقريبا . و بالتوفيق ان شاء الله

[Abdm]

لو عايز تريح نفسك من كل وجع الدماغ وتمشى فى السليم.
السعر اللى بتلعب فية يجيب نيسان صنى وهى أحسن عربية فى السعر دة وخدها منى نصيحة .
والله الموفق والمستعان

[تامر.محمد]

مش هاتجيب جين2 يبقى صني

[Bassem Raafat]

من وجهة نظرى المتواضعه شايف إن السكالا أحسن من الصنى .

وبمقارنة السكالا بالأوبترا .... الأوبترا تتفوق فى المساحه الداخليه فقط .

ولو موتور السكالا هو هو الصنى ... يبقى السكالا والصنى والأوبترا كمان غير موفرين للبنزين ... ( 2 كامه ) .

[alaa7sh]

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

[SonaSteel]

مشكلتك ... او مشكلة السوق بتاعنا مفيش عربية كاملة
لازم هاتتنازل عن حاجة
استخير الله عز وجل وشوف انت مستريح لأيه
والمهم تنزل تشوفهم علي الطبيعه لانها هاتفرق

[Bassem Raafat]

مشكلتك ... او مشكلة السوق بتاعنا مفيش عربية كاملة
لازم هاتتنازل عن حاجة
استخير الله عز وجل وشوف انت مستريح لأيه
والمهم تنزل تشوفهم علي الطبيعه لانها هاتفرق

+ 11111111

[asas2]

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

هى الجين تو .. وصدقنى استهلاك بنزينها مش زى مانتا متخيل ..
زيها زى اى عربية ١٦٠٠ .. كلهم زى بعض بنسب متفاوتة قليلة جدا ..
بصراحة اى حاجة فى الرينج دة من وجهة نظرى (أقل من الجين والبيرسونا بكتيير) ..
انا اما كنت زيك كان الاختيار بينها وبين الصنى .. بس اما تخيلت ان كل مرة حروح افتح العربية حبص عليها ومش حيعجبنى شكلها قلت لاااااا .. استحمل عدم انتشار ولا استحمل شكلها .. وحتفضل كل اما تشوفها فى الشارع تقول يا ريتنى كنت جبتها وجربت احساسها المختلف .. عارف والله تحس انك راكب عربية ماليه عينك .. ودة مهم مهم مهم جدا ..

[memo823000]

الصني امكانياتها كويسة. بس شكلها مخليني مستبعدها من تفكيري

طيب من الأخر بقي علشان انا خلاص والله فعلا دماغي بدأت تفصل
أنا أخري 103 ألف جنية. وعايز عربية جديدة خلال شهر من دلوقتي بالكتييير.
طلباتي بالترتيب :
تكون شكل خارجي ممتاز.
استهلاك بنزين جيد
أوبشنز
ثبات
هيكل خارجي قوي

انا شايف ان افضل اختيار النترا الشكل القديم اتوماتيك
قطع غيار مرطرطه
استهلاك بنزين ممتاز
العربيه ناعمة
البودى مش وحش لاهو قوى ولا هوه ضعيف بس بصراحه العربيه اعتماديه جدا ومصارفها حنينه جدا واعطالها قليلة جدا جدا وموتور وناعم وجبار
انت لو دخلت على كونتاكت كارز هتلاقى فرص جامده جدا وعربيات هاى لاين وجنوط وفتحة سقف وايه بى اس وكليهوات قليلة وباسعار ممتازه
واللى بيجيب العربيه دى على طول مبسوط منها ومفيش حد بيشتكى منها
صلى استخاره وربنا يكرمك للى فيه الخير

[Bassem Raafat]

انا شايف ان افضل اختيار النترا الشكل القديم اتوماتيك
قطع غيار مرطرطه
استهلاك بنزين ممتاز
العربيه ناعمة
البودى مش وحش لاهو قوى ولا هوه ضعيف بس بصراحه العربيه اعتماديه جدا ومصارفها حنينه جدا واعطالها قليلة جدا جدا وموتور وناعم وجبار
انت لو دخلت على كونتاكت كارز هتلاقى فرص جامده جدا وعربيات هاى لاين وجنوط وفتحة سقف وايه بى اس وكليهوات قليلة وباسعار ممتازه
واللى بيجيب العربيه دى على طول مبسوط منها ومفيش حد بيشتكى منها
صلى استخاره وربنا يكرمك للى فيه الخير

وجهة نظر تحترم .

[elmkaneeki]

بدون تحيز ........... !!!
الصني طبعا ... لو المقارنة بين الاتنين دول بالذات :))
ومش علشان عربيتي والله ... علشان ده الاختيار الطبيعي في الفئة ديه :))
انزل شوف الاسكالا في اي معرض ...... وشوف الصني في نفس المعرض
بس بشرط اقعد في الاسكالا الاول .... وبعد كده الصني
ومستني رأيك :)))

سورى
بس فى حاجة اسمها الاختيار الطبيعى؟
دة كدة اجبار يا هندسة