الحيرة اسمها كليو

[ashrafsaif]

من شهرين بدأت رحلة بحثي عن أول عربية لية ومن ساعتها وكليو بالذات محيرة جدا بالنسبالي

أنا عن نفسي حاببها جدا ونفسي تبقي عربيتي بس كل شوية حد يقلقني منها.. بالتحديد من صيانتها وقطع غيارها الناااااااااار .. لكن كله بيشكر في الأداء والثبات وعلوها عن الأرض والراحة والأمان الداخلي..

ممكن حد من خبراء الكليو يديني رأي نهائي في الموضوع ده.. يعني لو حبيت أقارن بينها وبين اللانوس تحديدا هيكون رأيكو ايه

علما باني باتكلم عن حاجة في حدود 40-42 الف ويهمني في المقام الأول الاعتمادية العالية

وشكرا لكل أساطير الكليو مقدما

[gym1974]

مرحبا بك اخى الكريم بص يا باشا انا معايا كليو 2003/1200 عامل بيها 160 الف كليو لحد دلوقتى العربية اقسم بالله مش علشان خاطر عربيتى بشهاده كل الناس اللى ركبوها زى الفل سحب ممتاز جدا عفشة ناشفة شوية علشان العربية عاليا عن الارض ثبات معايا لحد120 وده مشكلتى معها علشان كده بفكر اغير واجيب الميجان يعنى رينو برده استهلاك بنزين عشرة على عشرة بتمشى برائحة البنزين زى ما بيقولوا التكييف مرضى بالنسبة لى هو طبعا مش زى اليابانى بس عاما كويس مش وحش قطع الغيار مش غالية قوى بس معمرة جدا جدا نيجى بقى للمهم انا كل شغل عربيتى بعملوه فى فرنش موتورز وده مركز صيانة متخصص زى التوكيل بالظبط بس الميزة عن التوكيل بروح كده من غير حجز وخلاص بس فى ناس كتير دلوقتى بيشتغلوا فى الرينو بس نصيحة اخ ادى العيش لخبزه وهين ارشك وريح دماغك اما بخصوص الانوس راى لا ترقى لمستوى الكليو عربية الميزة فيها فقط ممكن تعمل صيانتها عند اى حد وده فى راى مش ميزة ولا حاجة وقطع الغيار ارخص من الكليو الى حدما وانا تحت امر حضرتك فى اى خدمة

[ashrafsaif]

لسة محتار ومستني اجابات..

[mido51eg]

متابع

[M.Alaa92]

و الله العربية محترمة جدااااااااااااااااااااا و قطع الغيار متوفرة فى كذا مكان بالنسبة للثبات و البنزين مجربتهاش
بس الصالون بتاعها ضيق (مرتحتش فيه عشان طويل) و العربية موديل 2003 كانت ب 38 تقريباااا

[gebreel]

توكل على الله

[ahmedmodi]

رينو

[akmall]

اوعى مشه هاقولك عربية وحشة لكن قطع غيار غالية بدون مبرر

وممكن تضلعك بالمقارنة بالكورى او حتى الياباني

مثلا :-

فردة كوبلن واحدة 850 جنيه ومش اصلي الاصلي ب 2200 للفردة ومصتعية 350 جنيه

سير كاتينة 570 جنيه بالبلية

وخد عندك ومش اي ميكانيكي يفهم فيها غير ان عشان تعمل حاجة صغيرة بتهد قبليها حاجات كتير

[ashrafsaif]

قطع الغيار؟؟؟

طب عشان نفض الاشتباك وبما ان كل اللي بيخوفني منها بيتكلم عن أسعار قطع الغيار مش عن الأداء أو الثبات..

ممكن حد يقولي لستة بأهم قطع الغيار اللي لازم أبقي عارف أسعارها ودي النقطة اللي هتخليني آخد قراري بإذن الله.. طبعا يبقي جميل لو حد قدر يقولي أسعار كمان وتكون updated أو فين أسأل عن الأسعار برة التوكيل..

عارف اني داوشكو معايا بس الخبرات اللي هنا لازم الواحد يستغلها

[mostafa mahmod]

يا باشا لو هتتكلم فى الاسعار يبقى لانووووووووووووووووووووووووووووووس تكسب بدون مناذع

انما كل واحد و زوقه
الكليو عربيه كويسه و اللانوس كويسه دى ليها مميزات و عيوب و دى ليها مميزات و عيوب

و شوف حضرتك محتاج ايه
لو عايز اسعار قطه غيار و سعر اعاده بيع عاليه و اعتماديه و الكل بيفهم فيها و قطع غيارها فى السوبر ماركت يبقى اللانوس

لو عايز توفير فى البنزين و عربيه عاليه عن الارض و ثثبات يبقى الكليو

و هكذا شوف حضرتك عايز ايه و احنا نفيدك

[benmatar]

السلام عليكم
طبعا من واقع تجربة أنصح بالرينو الكليو أولا وذلك للأسباب التالية:
1- طبعا الأوروبي أفضل من الكوري بمراحل من حيث معدلات الأمان والاتزان وكفاءة المحرك
2- موتور الكليو 16 صباب سواء 1200 أو 1400 وهذا يؤدي إلى توفير وقود للكليو ومعدل سحب وتسارع أعلى مع كفاءة المحرك
3- اتزان الكليو متجرب واتزان الكوري متجرب والفارق كبير ولصالح الكليو طبعا ومعاك لغاية 160
4- تقفيل الكليو تركي (الغالب تركي والقليل فرنساوي) أما الكوري فأقل في نظافة التقفيل ودقته
5- صالون الكليو أفضل من الكوري مع استغلال المساحات
6- ارتفاع الكليو أعلى من الكوري وعفشة الكليو أقوى بمراحل
7- قطع الغيار أغلى بس معمرة وتتحمل شوارعنا القاسية ومعظمها صناعة أوروبي

[megamoudy]

يا باشا لو هتتكلم فى الاسعار يبقى لانووووووووووووووووووووووووووووووس تكسب بدون مناذع

انما كل واحد و زوقه
الكليو عربيه كويسه و اللانوس كويسه دى ليها مميزات و عيوب و دى ليها مميزات و عيوب

و شوف حضرتك محتاج ايه
لو عايز اسعار قطه غيار و سعر اعاده بيع عاليه و اعتماديه و الكل بيفهم فيها و قطع غيارها فى السوبر ماركت يبقى اللانوس

لو عايز توفير فى البنزين و عربيه عاليه عن الارض و ثثبات يبقى الكليو

و هكذا شوف حضرتك عايز ايه و احنا نفيدك

الكلام ده مظبوط ............. اكبر غلطة ف حياتي الرينو ده اشتريت الرينو من خمس سنين ويعت العربية من شهر بخسارة عشرين ألف جنيه من تمنها الاصلي لندرتها

ومش هقولك بقى قرف الميكانيكية ومحدش فاهلملها الا في المراكز المعتمدة اللي طبعا هيدفعوك مبلغ وقدره

خليك فعلا في اللانوس عربية 1500 تكييفها حلو وصيانتها سهلة وأي حد يفهم فيها مش تجيب عربية تدوخك