عربية صغيرة يا اهل الخبرة

[hamdy916]

بصوا انا جديدة مش بعرف اسوق بس عارفة الاساسيات وبعرف امشى بالعربية لو المكان فاضى


المهم عايزة اشترى عربية تساعدنى شوية وترحمنى من تعب المواصلات بس متكونش غالية وتكون جديدة لان جوزى رافض المستعمل وبيقولى كل شوية هتعطل منك

المهم انا عايزة اجيب عربية صغيرة كدة ومش عارفغة اجيب اية ماروتى حلوة ورخيصة بس مش بحب شكلها مفيش حاجة سعرها قريب من الماروتى كدة وتكون صغيرة انا بشوف انواع كتيرة زى هيونداى اتوس وهيونداى سبارك وسوزوكى الجديدة دى وكمان فيات الصغيرة بونتو والصينى خايفة اشترية والكيا طبعا غالية بسبعين وانا عايزة حاجة من اربعين ومن الاخر ستين مزدش عن كدة ممكن تنصحونى اجيب اية

[Bassem Raafat]

هيونداى I 10 بـ 64500 جنيه .
هيونداى أتوس بـ 61000 جنيه .
شيفروليه سبارك بـ 58000 جنيه .
سوزوكى ماروتى بـ 39000 جنيه .

الأسعار دى كلها ممكن تزيد أو تقل حاجه بسيطه ، بس نصيحه من أخ إتعلمى كويس على مستعمل وبعدين هاتى الزيرو .

وطالما ناويه تبعدى عن الصينى كمان فأنا شايف إنك ممكن تفاضلى بين الـ I 10 والـ سبارك ... أنا جربت العربيتين دول مع ناس كتير والحمد لله شكروا فيهم .

وده موضوع ملخص عن السبارك وإن شاء الله تستفادى منه :

http://www.nilemotors.net/Nile/204258-a.html

وبالتوفيق

[vetdody]

شكرا لرد حضرتك علية بس هل اجيبهم عربية جديدة ولا ادور على حاجة منهم مستعملة ولو هجيب مستعمل اية الاماكن اللى ممكن اجيب منها نستعمل

[إبراهيم المصرى]

البونتو عربيه حلوه اوى ممكن مستعمل موديل 2002 تعملها 40 وتبقى حالتها كويسه اوى وممكن احدث حسب المبلغ والحاله وعلى فكره هى زيرو 2011 ب 72 الف
اللوجان الرينو الزيرو البيزك ب 56 الف وممتازه وهاف اوبشن بحوالى 62 الف وعائليه جداً

[Bassem Raafat]

العفو يا فندم ..

بصراحه أنا لو مكانك حجيب عربيه مستعمله الأول وتعبانه كمان علشان أتعلم السواقه عليها صح وعلى أصولها ولو لاقدر الله إتخبطت منى فى الأول مش حبقى زعلان .... يعنى ممكن 127 أو أى حاجه قديمه وصغيره .

بس لو ناويه على الموديلات إللى إحنا إتكلمنا فيها قبل كده .. يبقى ده شيئ يرجعلك ، بمعنى إنك حابه تركبى زيرو وتكونى أول من ركبها ولا مستعمله بحاله حلوه .... مش حتفرق كتير .

حاولى تدخلى على www.contactcars.com وإتفرجى على حالات وأسعار العربيات دى جديده وإستعمال وعلى حسب ميزانيتك ... وتحت أمرك فى أى وقت .

بس زى ماقولتلك قبل كده أنا من الناس اللى بفضل الـ I 10 والسبارك فى رينج الأسعار المتاحه ليكى .

وبالتوفيق مره تانيه .

[Abdm]

عندك سوزوكى سلاريو اللى هية الآلتو الجديدة ممتازة ويابانى ورخيصة بتعمل 57000 جنية هاف أوبشنز و 62000 فول أوبشنز ودية أفضل عربية فى الرينج السعر دة وكمان توكيل مودرن موتورز محترم جدا وواسعة من جو ومليانة حركات .ودية نصيحة أخوية لله .
والله الموفق والمستعان

[virus2007]

اتفضلى ادخلى على الموقعين دول

ظپط§ط¨ط±ظٹظƒط§ - ط§ظ„طµظپطط© ط§ظ„ط±ط¦ظٹط³ظٹط© || ContactCars


حتلاقى عليهم اسعار المستعمل والجديد

اعتقد الانسب لحضرتك I10
بس زى ما زملائنا قالوا ... اتعلمى على عربية قديمة مستعملة بعدين هاتى جديد اتوماتك ... دا الافضل

[ayman1204]

ممكن تجيبى سانديرو ( لوجان هاتش باك ) شكلها تحفة
وبالنسبة انك جديدة فى السواقة

انا وامى جبنا العربية ورخصنا العربية واحنا مش بنعرف نسوق واتعلمنا عليها عادى
عربيتى لوجان

وبالتوفيق ان شاء الله

ملاحظة بس

انتى مش هتجيبى عربية كل يوم فلما تجيب تجيبى وانتى تكونى مقنتعه بيها

[wael abbass]

في راي هاتي عربية مستعملة تتعلمي فيها السواقة لمدة سنة علي الاقل وبعدين تجيبي عربية زيرو اي نعم هتخسري مبلغ بسيط بس احس كتير ما تتعلمي علي عربية زيرو
الواحد في اول السواقة بيبق متلخبط و رجلة تقيلة و العربيات الجديدة بتجري انا كنت زي حضرتك من اربع سنوات وجبت 128 طلعت عنيها في الاول وبعد كدة بقيت 10/10
ولكن نصيحة متجبيش 128 في الاول لانها هتكرهك في العبيات و السواقة