هوندا سيفيك ولا بيجو 308 sw

[wdramiz]

الاخوة الكرام

الميزانية حوالي 160 الف بعد 7 سنين تحويش
وامامي هوندا سيفيك 2010 وبيجو 308sw 2011
الكل اتوماتيك

الهوندا ممتازة بس عيبها انها واطية وبتحك في المطبات .... وهل هذا الحك يؤثر علي عفشة العربية والكارتيرة وغيرة ... نفسي اسأل حد راكبها عن هذا الموضوع ..... ناس بتقول انها بتحك في مكان الكوريك وليس هناك تأثير علي العفشة

البيجو حاسس انها منفوخة وقرأت ان الرفارف فبر وليست صاج كما انها بتجيب فتيس بعد حوالي سنتين او 100000 كم

الكلام دة كلة موجود في المنتدي

برجاء المشورة والنصيحة لانني محتار فعلا مع ذكر المميزات والعيوب للسيارتين

مع جزيل الشكر

[wdramiz]

ايها الاخوة الكرام

اين ردودكم السديدة ونصائحكم الغالية

[Unendlich]

ال 308 مش بتجيب فتيس ولا حاجة (جايز حالة فردية ) و الرافارف الأمامية فبر لامتصاص الصدمات
الناس برة اهم حاجة عندهم حياة البني ادم مش إن العربية تتسمكر بعد الخبطة و كده كده هو التأمين بيدفعله كل حاجة
احنا في مصر معندناش قوي المبدأ ده نظرا للمبالغ المهولة اللي بندفعها في العربيات (سرقة الجمارك و بتاع) فالواحد بيبقى حاطط تحويشة العمر في العربية و مرعوب من أي غلطة

[Mahmode]

أعتقد السيفيك أحسن كتير بس موضوع إنها واطية ده مضايقني أنا كمان ومش عارف تأثير الحك في المطبات عليها الصراحة.

[wdramiz]

فعلا الواحد تعب في جمع المبلغ واريد التأكد قبل الشراء وخصوصا كما قال الاخ Unendlich جميع الوكلاء حرامية ونصابين ومكسبهم فاحش في السيارات وطبعا البلد ليس بها رقيب علي الاسعار وكل واحد بيسرق في الشعب الغلبان

هل المواطن المصري اغني من الخليجي علشان نشتري العربيات بضعف الثمن

[moh19227]

هل المواطن المصري اغني من الخليجي علشان نشتري العربيات بضعف الثمن

والله كلام 100%

[ahmedhawas]

أومال لو عرفتوا سعر السيفيك الجديدة هتعملوا إيه !!!!
http://www.nilemotors.net/Nile/232428-a.html