لانوس

[noha86]

?eih ra2yokom fi el lanos 2011 ,hal 2ashteriha wala el aveo.
thank you

[mostafa mahmod]

Lanos

[adhamrady2000]

بلاااااااااش افيو بجد
ليا تجربة مع صديق ليا و كلها مشاكل و كان جايبها زيرو
لانوس احسن بكتيييييييير

[mero100]

شوفي ...بالنسبه للأفيو و اللانوس ...الموتور واحد....نفس الموتور.....في اللانوس 86 حصان....في الافيو 83 حصان

الفرق في الشكل الخارجي و الداخلي ....لو عاجباكي الافيو لازم تسألي اكتر من عضو معاه افيو 2011 و تسمعي مجموعه اراء وتجارب و تقرري....و خلي بالك انتي بتتحركي في الفئه السعريه مابين 70.000 و 77.000 تقريبا ....و العربيات اللي بتتتقفل في مصر زي اللانوس و الافيو و الفيرنا و غيرها كتير ...بتبقي بختك يا بو بخيت .....بالنسبه لعيوب التقفيل ....لكن الضمان و التوكيل

انا معايا لانوس 2011....كويسه علي أد سعرها .....
عوامل اختياري كانت للاسباب دي :
1- أاعلي سعر اعاده بيع
2- قطع غيار متوفره اصليه و سعرها معقول نسبيا
3- سهوله الصيانه
4- مرتفعه عن الارض كتير عن الفيرنا مثلا ...الصالون اوسع من الفيرنا و مريح اكتر بكتير في القيادة ....

تحياتي
عمرو ابراهيم

[moh_03eg]

من فضلكم كنت عايز اعرف هل استهلاك البنزين اتغير من الدايو الانوس الي الدايو شيفوليه يعني بقي استهلاك اقل ولا زي ما هو

[elbeheri]

طيب الشيفروليه تفرق عن الدايو فى ايه بالضبط ؟
وهل الصاج واحد ؟

[M.Alaa92]

الدايو الانوس هى هى الشيفورلية م فيش فرق خالص من ناحية الموتور و العفشة الفروق ف الاكسسوارات زى الشبكة و الكاسيت
بس بيقال ان طرمبة البنزين فيها صينى و فى كذا تجربة ف قسم الدايو .

بالنسبة للقاهرة و الزحمة المعهودة بتاعتها يبقى الاوتو هو المناسب لكل من يبحث عن سيارة و انا بعتبر ان الاوتو بقى اساسى لكل ساكنى مصر من شدة الزحام.

فلو حتفكرى ف الاوتو عندك بروتون ساجا 1.3 و فيها abs &airbag و عندك الفيرنا 1.6 المعروف ثباتها عامل ازاى
ولو مش عايزة اوتو ممكن تفكرى ف اللوجان شكل جديد و بدات ف الانتشار الرهيب و التوكيل محترم جداااا

[Bassem Raafat]

?eih ra2yokom fi el lanos 2011 ,hal 2ashteriha wala el aveo.
Thank you

كل عربيه فى الإتنين ليها مزاياها وليها عيوبها وفى فرق سعر بين الإتنين ... حاولى تعملى موضوعين واحد فى قسم دايو وواحد فى قسم شيفروليه وخدى أراء أكتر من الناس اللى راكبه العربيه .

[mostafa mahmod]

الدايو الانوس هى هى الشيفورلية م فيش فرق خالص من ناحية الموتور و العفشة الفروق ف الاكسسوارات زى الشبكة و الكاسيت
بس بيقال ان طرمبة البنزين فيها صينى و فى كذا تجربة ف قسم الدايو .
بالنسبة للقاهرة و الزحمة المعهودة بتاعتها يبقى الاوتو هو المناسب لكل من يبحث عن سيارة و انا بعتبر ان الاوتو بقى اساسى لكل ساكنى مصر من شدة الزحام.

فلو حتفكرى ف الاوتو عندك بروتون ساجا 1.3 و فيها abs &airbag و عندك الفيرنا 1.6 المعروف ثباتها عامل ازاى
ولو مش عايزة اوتو ممكن تفكرى ف اللوجان شكل جديد و بدات ف الانتشار الرهيب و التوكيل محترم جداااا

+1111111
طرمبه البنزين و الموبينه فى الشيفروليه فعلا صينى

لو عاوزه عربيه اوتوماتيك شوفى الساجا حلوه جدا و الناس بتشكر فيها و بلاش الفيرنا ( الاوتوماتيك بتاعها مش حلو )