محتاج مساعدتكم و نصحيتكم

[Mikamy]

السلام عليكم

أنا عضو جديد هنا و أتمنى انكم تقبلوني كأخوكم معاكم و أقدر أفيد المنتدى جزء صغير حتى من اللي استفدته منه....
أنا كنت عايز عربية شبابي كده شكلها تمام و كمان من الداخل مرفهة و بتشد كويس..أنا كنت بفكر في فانتازيا سبورت يعني حدود اللي معايا 190 كده و في ناس قالولي ممكن اجيب مستعمل بالسعر ده أحسن ما أجيب زيرو..و برضه ناس قالتلي أستنى عشان 2012 على الأبواب و ممكن تبقى في عروض..انا مش محب للمستعمل و أنا كمان من الناس اللي مش بتحب تعدل في العربية و مش بفكر في اعادة بيع ان شاء الله...
محتاج نصيحتكم أشتري ايه و امتى..اسف على الازعاج و الاطالة :)

[albasha]

لو عايز عربيه شبابيه تشد بيها
شوف الميجان3 أو الأوبل أسترا إنجوي

[Mikamy]

ألف شكر و منتظر المزيد من الاراء :)

[samoreception]

بصراحة اختيارك للفانتازيا اختيار موفق جدا جدا عربية اعتمادية وعملية جداااااااااااا

[Mikamy]

كل الناس بتشكر فيها طبعا و موجودة بكثرة في البلد...بس هي الاليجانس تفرق كتير عن السبورت ؟ و برضه بصراحة انا مش بحب شكلها اوي و هي تقيلة زي ما عرفت يعني مش هتنفع في الشد ؟ و لو في حاجه أفضل منها في نفس حدود السعر كده 190,000 يا ريت تدلوني عليها

[Mikamy]

أنا عايز رأيكم أجيب السبورت ولا التيبترونيك في فرق حوالي 15,000 جنيه بينهم...هل الفرق بين الفئتين يستاهل المبلغ ده ؟ و أجيب العربية من الوكيل ولا من اي معرض و أجيب خليجي ولا لأ ؟ و يا ريت حد يوضحلي الفروق بينهم بارك الله فيكم
:)

[Mikamy]

محدش هيساعدني تاني :( ؟!

[scientist9508]

بسم الله الرحمن الرحيم
أحمد الله و أثنى عليه أن لم يتخذ صاحبة ولا ولد و لم يكن له شريك فى الملك ثم أما بعد,
سأعرض عليك رأى مختلف ربما لم تفكر فيه سالفآ. ما رأيك فى الهوندا سيفيك 2011 فهى
1 - أقوى محرك 1600 موجود فى مصر
2 - شديده الثبات على السرعات العاليه و ذلك لأنها عريضه و لإقترابها من الأرض(إن كانت رحلاتك فى أماكن كثيره المطبات فيمكنك إعتبار ذلك عيب)
3 - سياره معمره جدآ و بفضل الله عمرها طويل جدآ(مقارنة بكثير من الماركات بدون تحديد ماركه محدده)
4 - فاخره جدآ من الداخل و مرفهه جدآ
5 - لك حريه إختيار الصيانه ما بين التوكيل و الميكانيكيون و أنا أعرف بشكل شخصى ميكانيكي لها فى الحرفيين
6 - لاتقلق على عمليه إعاده البيع فهى سياره مرغوبه
و لمزيد من المعلومات عن هذه الرائعه يمكنك زياره القسم الخاص بها فى هذا المنتدى

و إن كانت إمكانياتك الماديه تسمح بالأعلى فأنا أرشح لك فولكس فاجن سبورت 2012 وهى 2 باب فقط ذات محركين إما 1400 tsi و إما 1600 و يمكنك الإستفسار و السؤال عنها عند محمد زكى على الطريق الدائرى ولكى أكون دقيق معك, إن إشتريت هذه السياره فأنت مرهون بالوكيل لتعذر قطع الغيار و صعوبه وجود ميكانيكى يتعامل معها و هذه مشقه كبيره و تكلفه كبيره أيضآ
هذا رأى و الله أعلى و أعلم

السلام عليكم و رحمة الله و بركاته

[Mikamy]

شكرا جدا لحضرتك..أنا شفت صور الفولكلس ما شاء الله تحفة..بس سعرها كام تقريبا ؟
و أنا من عشاق الهوندا بس للأسف واطيه و بتحك في المطبات و حضرتك عارف شوارع مصر :( !

[elmkaneeki]

285 الف

[scientist9508]

بسم الله الرحمن الرحيم
السلام على عباد الله ثم أما بعد
أعلم أن بعض موديلات الفولكس تكون مجمعه فى بلاد أخرى غير ألمانيا مثل البرازيل أو المكسيك أو أى بلد آخر و أعلم أيضآ أن أسعار هذه السيارات تكون بنصف سعر الألمانى.
لذلك أهيب بك أن تسأل محمد زكى إن كان متوفر منها ميكسيكى أو برازيلى أو حتى تركى و كم سعرها

وفقك الله لأرشد أمرك

السلام عليكم و رحمة الله و بركاته

[ntahssen]

السلام عليكم ورحمه الله

الاوكتافيا الخليجي اوطي من المصري في الارتفاع ومش مصفحه بالكامل وخلافه - بس مش عربيه شد وخلافه (عربيه عائليه)(اعتماديه وصيانه كويسه )
الجيتا رائعه لكن مش عربيه شد اقوي لكن الموتور انسب مع جسم العربيه (شببابيه اكتر من الاوكتافبا)(اقل من اوكتافبا وسيفيك في الارتفاع)
السيفيك رائعه لكن اوطي من الاوكتافيا شويه صغيره لكن موتور وتكييف ممتاز لكن شكل قديم شويه.
كل ما سبق لحد 190 الف حسب الفئات.

توصياتي :الشيروكو و البي ام 318 حوالي 285 الف .

[Mikamy]

و بالنسبة للجولف سعرها كام و هي افضل ولا الفانتازيا

[scientist9508]

بسم الله الرحمن الرحيم
السلام عليكم و رحمة الله و بركاته ثم أما بعد,
إن كنت تريدها عائليه فهى الفانتازيا و إن كنت تريدها لك وحدك فهى الجولف
هذا رأى و الله أعلم
السلام عليكم و رحمة الله و بركاته

[Sehsss]

طيب ما تفكر في الجيتا .. عربية محترمة جدااااااااااا .. وأداء عالي .. وثبات رائع واعتمادية