ستروين ولا بيجو

[mostbader]

السلام عليكم
انا كنت عاوز اعرف ايه الفرق بين البيجو 206 و الاكسارا خاصه ان الاتنين موديل واحد 2000:2003 و بنفس السعر ياريت حد يفيدنى يقولى ايه الاخبار و مواصفات و و عيوب و مميزات كل واحده فيهم

[إبراهيم المصرى]

انا فى رأيى الشخصى الاكسارا لكن شوف اعضاء قسمى الستروين والبيجو اكيد هيفيدوك عن المزايا والعيوب بشكل مفصل وبعدين عليك بصلاة الاستخاره قبل اى حاجه و مع الاراء المخلصه هيبنالك اللى فيه الخير

[benmatar]

السلام عليكم
طبعا الموديلين محترمية وعربيتين كفاءة بس عند الاختيار يتم مراعاة قطع الغيار وعمليات الصيانة مع الأخذ في الاعتبار عملية إعادة البيع في أي وقت وبالنسبة للبيجو 206 تتفوق عن سيتروين اكسارا في كل من اسعار قطع الغيار ومراكز الصيانة والورش المتخصصة للبيجو بالاضافة إلى إن عملية إعادة بيع البيجو أسهل نسبيا بالنسبة للسيتروين، وبالتوفيق

[ahmedb1]

.

ستروين اكسارا عائلية و اعلى من 206
و بنسبة للعيوب الفرنساوي عيوبه كتيره واسعار قطع غياره غالية

[mostbader]

انا كنت عاوز تفصيل اكتر

[mostbader]

و ايه رايكم فى الفيات بونتو بردو بنفس السعر و الموديل و بنفس السعر

[crayvor]

الاتنين ركوبة محترمة والاتنين لا مؤاخذة في الزبالة طالما انك في مصر
السيتروين ادخل اسمع الاسعار في المنتدي هناك اونت تعرف السبب.. أما البيجو للأسف مش شايف ان التوكيل عالي لدرجة انه يبقي مسؤول عن ماركة بالقوة دي ولا فيه ميكانيكية كتير حايفهمو فيها نتيجة لندرتها. خصوصا ان الاتنين سعرهم في حدود ال 40 ألف فا أسعار قطع الغيار غالية جدا مقارنة بسعر العربية نفسها مستعملة.. وبالأصح دا سبب وقوع سعر اعادة البيع.

أما الترشيحات في حدود ال 40 عندك لانوس مو 99 ل 2001 أو أكسنت 99 ل 2002 (بس ال 1500 مش ال 1300 عشان الكماليات) ودي أحسن حاجة ممكن أرشحهالك في رانج السعر دا الاتنين قطع غيارهم في صناديق الزبالة والجزار ممكن يصلحهم. ممكن برضه بوينتر 2004 أو 2005 رغم ندرتها بس فيه تشابه كبير بينها وبين عربيات تانية وحتلاقي اللي بيفهمو فيها وركوبة حلوة جدااااااااااااااااا بسعر كويس. فابيا بس للأسف حاندخل في قلة قطع غيار ومشاكل كتيير. ممكن بقي ندخل في بولو وابيزا وفيليشيا الخ الخ بس كل دي حاجات تحس انها بقت فيها نوع من التقل والرزالة كدة ماعرفش لييه.