طلب رأى : أفيو أو لانوس أو fsv أو m11

[i_samy]

مساء الخير
الحقيقة الله عز وجل أنعم عليا بمبلغ مالى ... مما جعلنى أفكر فى شراء سيارة جديدة
وكنت عاوز مقارنة على حسب عدة نقاط فقط للسيارات المذكورة

• إستهلاك البنزين
• معدل التسارع و قوة وأداء الموتور
• أسعار قطع الغيار
• سهولة الصيانة
• معدل دوران البيع

و أرجو عدم ذكر مواصفات أخرى للسيارات الأربع لإن الحقيقة أنا مذاكرهم عن ظهر قلب ما عدا النقاط المذكورة .......... وشكرا لكم على أية حال

[M.Alaa92]

الانوس تمتلك أسعار قطع الغيار
سهولة الصيانة
معدل دوران البيع
و لو تقدر تتخلى عن الباقى يبقى الانوس اما عن الافيو ف خدلك لفة ف قسم الشيفورلية و تعرف اد اية الافيو وحشة اوى ى ى ى

[amado318]

الافيو صاج ورق فى ورق ابعد عنها خالص غير ان ماتورها نفس ما تور الانوس اختلاف بسيط الباقى معرفش

[i_samy]

شكر ليكو يا جماعة .... طيب بالنسبة لباقى العربيات إيه الأخبار ؟

[fineart607]

سيبك من الأفيو خالص والانوس كمان راحت عليها خصوصا بعد تجميع منصور ليها

استخير ربنا فى fsv ,m11

وانا ارجح لك الأولى وربنا يوفقك

[memo823000]

رينو لوجان - صاج محترم - تقفيل وخامات محترمه - عفشه مريحه جدا وعاليه كانك راكب 4x4 وثبات ممتاز - امان لوجود ايرباج للسائق
تكييف ممتاز - واسعه من جوه - شنطه بحر

فيرنا - تتباع وانت واقف - موتور جبار - عربيه حمارة شغل - قطع غيار على الرصيف - اى بتاع فاكهة ولا خضار يفهم فيها العفشه مريحه - تكييف تلاجه
يعبها - الكنبه الخلفيه ديقه شويه - محتاجه جنط خفيف مقاس 15/55/185 عشان يظبط الثبات مع كوتش محترم

انا راى ممكن تدور فى كونتاكت كارز او اى مكان مخصص لبيع السيارات على نيو اكسنت اتوماتيك مستعمله ماشيه كليوهات قليله وتبقى كدا اخذت ميزات كتيره
جوده تقفيل - عفشه قويه للعمل الشاق - الصالون اوسع من الفيرنا - موتور حديث لاستهلاك البنزين - انتشار قطع الغيار - سهولة الصيانه - قلة الاعطال - سهولة اعادة البيع - تكييف ممتاز - وتقفيل كورى مش غبورى - انت بس محتاج جنط خفيف ونوع كويس مقاس 15/55/185 عشان يظبط الثبات والفرامل مع كوتش محترم وشكل العربيه هيبقى روعه
والله انا شايف ان ده احسن حل وهتتمتع بالعربيه من كل النواحى

صلى استخاره وربنا يهديك للخير

[amado318]

ابعد عن الصينى وغنيله انا معايا لانوس 2004 ماشيه 380 الف كيلو ولسه الماتور زى الفل العربيات الصينى منتهى الفشل حتى الان

[elmkaneeki]

ابعد عن الصينى وغنيله انا معايا لانوس 2004 ماشيه 380 الف كيلو ولسه الماتور زى الفل العربيات الصينى منتهى الفشل حتى الان

تعميم غريب اوى!!!!

[amado318]

والله عن تجربه الصينى ممكن كمان خمس سنين يبقه ممتاز الان لااااااااااااااااااااااا

[elmkaneeki]

والله عن تجربه الصينى ممكن كمان خمس سنين يبقه ممتاز الان لااااااااااااااااااااااا

تجربة اية يا فندم
معنى كدة انك جربت جميع انواع الصينى؟
اكيد لا
عشان كدة انا مش مع التعميم
التجربة كانت مع انهى عربية؟

[amado318]

لا مش كله طبعا بس اصحابى راكبين عربيات صينى والحمد لله عربيات بلاستيك على ورق مقوى ممكن الاكرة لو اتعافيت عليها تطلع فى اديك والتابلوة شكله بيتغير من الشمس غير العيوب الميكانيكيه غير انى كنت هتقلب بواحدة منهم وربنا ستر ملف باخدة عادى زى ما باخدة بعربيتى لقيت العربيه بقت على عجلتين وربنا ستر دة غير التزييق مش لازم كاسيت استمتع بالتزييق نغمات من كل مكان

[elmkaneeki]

لا مش كله طبعا بس اصحابى راكبين عربيات صينى والحمد لله عربيات بلاستيك على ورق مقوى ممكن الاكرة لو اتعافيت عليها تطلع فى اديك والتابلوة شكله بيتغير من الشمس غير العيوب الميكانيكيه غير انى كنت هتقلب بواحدة منهم وربنا ستر ملف باخدة عادى زى ما باخدة بعربيتى لقيت العربيه بقت على عجلتين وربنا ستر دة غير التزييق مش لازم كاسيت استمتع بالتزييق نغمات من كل مكان

الانواع اية يا فندم بردو؟

[amado318]

والله الناس ممكن تزعل منى لو قلت بس اظرف موقف صحبى معاه اسبرانزا وجه بات عندى وانا الى كنت سايق فانا سبت العربيه معشقه زى ما بعمل فى عربيتى نزل الصبح يدور والعربيه معشقه المارش اتحرق الحمد لله كانت فى الضمان

[elmkaneeki]

تمام اتفق معاك ان الصينى فيه عربيات مش تمام....بس فى عربيات حلوة اكيد
وكلمة عربية صينى ...كلمة وقعها صعب اوى على ملاك العربية...كأنها شتيمة مثلا...

[amado318]

ما اكيد الحلوة مش هتعدى على مصر العربيات الى بتيجى ممنوعه من دخول اوربا لازم تاشيرة وفيزا الاول انما مصر الى عاوز يجى يتفضل