مقارنة بين نيسان صني ورينو لوجان

[Sehsss]

المواصفات الفنية لـ : نيسان صني 2011
صنى / مصر صنى كلاسيك / الخليج الطراز صالون
المحرك الاساسي 4 / 1.6 / 116
المحرك الاختياري غير متوفر
منظومة الدفع امامى
ناقل الحركة يدوى 5 / الى 4
الطول 4495
العرض 1695
الارتفاع 1445
قاعدة العجلات 2535
وزن السيارة 1120 : 1100
سعة خزان الوقود 50
من 0 الى 100 كلم 11.5
السرعة القصوى 175
معدل استهلاك الوقود 7
الطراز صالون
المحرك الاساسي 4 / 1.6 / 116
المحرك الاختياري غير متوفر
منظومة الدفع امامى
ناقل الحركة يدوى 5 / الى 4
الطول 4510
العرض 1710
الارتفاع 1440
قاعدة العجلات 2535
وزن السيارة 1185 : 1160
سعة خزان الوقود 50
من 0 الى 100 كلم 11.6
السرعة القصوى 170



_________________________________________
رينو لوجان 2011

الطراز: صالون
المحرك الأساسي: 1.6 / 90 / 4
منظومة الدفع: أمامي
ناقل الحركة: يدوى 5
الطول: 4250
العرض: 1740
الارتفاع :1525
قاعدة العجلات:2630
وزن السيارة: 980
سعة خزان الوقود: 50
من 0 إلى 100 كلم: 11.5
السرعة القصوى: 175
معدل استهلاك الوقود: 7.3

[amr.elsayed]

طبعا شكرا ليك على المقارنة مع كامل الاحترام والتقدير للعملاق اليابانى
بس متهيألى فى حاجة غلط فى السرعة القصوى
اللوجان 175 ك/س ..... والنيسان 170 ك / س !!!
اعتقد ان النيسان المفروض يكون السرعة القصوى اكبر بسبب ان ماتور النيسان 16 صباب بالاضافة انه 116 حصان
زى ما حضرتك ذكرت يعنى ماتورها اقوى بكل المقاييس .. مش عايزين ندخل اللوجان فى مقارنات مع عربيات اعلى منها
علشان يكون فيه نوع من الموضوعية يعنى ممكن مع الافيو او النيو اكسنت او كيا ريو كل العربيات دى ممكن اللوجان تدخل
معاهم فى مقارنات وحتكسب فى حاجات وحتخسر فى حاجات والفيصل بيكون احتياجات المستهلك
وعموما العربيتين سواء اللوجان او النيسان كل واحدة فيهم افضل قيمة مقابل المال فى فئتهم السعرية
تقبل مرورى

[Sehsss]

شكرا على مرورك الكريم .. أنا طبعا منضم اليوم فقط لمنتداكم الجميل.. بص ياباشا عنك حق أنا معايا نيسان صني 2011 وهي فعلا سرعتها القصوى من الكتالوج (راجعته حالا) 180 مش 170 بس اللوجان سرعتها فعلا 175 .. وعلى فكرة أنا لي صديق معاه اللوجان وبسوقها منه كثير .. العربية ما شاء الله تحس إنك راكب عربية 2 كامة 16 صباب مع العلم إنها كامة واحدة و8 صباب زي ما حضرتك عارف أكيد .. بالنسبة بقى لموضوع هي تتقارن مع إيه .. اللوجان 1600 والنيسان 1600 يبقى ممكن يتقارنوا مع بعض .. وفي حاجة تانية .. اللوجان لولا إنها مخفضة الجمارك كانت بقت بحوالى 85 ألف زي سعر أول فئة في الصني اللي هي معايا .. بس الفكرة في الجمارك ياباشا .. وبعديم الصني حاليا غليت الفول أوبشن بتاعها 2010 عامل 71 ألف .. والله أعلم 2011 هاتبقى بكام ,, وشكرا ليك ياباشا

[SonaSteel]

طبعا شكرا ليك على المقارنة مع كامل الاحترام والتقدير للعملاق اليابانى
بس متهيألى فى حاجة غلط فى السرعة القصوى
اللوجان 175 ك/س ..... والنيسان 170 ك / س !!!
اعتقد ان النيسان المفروض يكون السرعة القصوى اكبر بسبب ان ماتور النيسان 16 صباب بالاضافة انه 116 حصان
زى ما حضرتك ذكرت يعنى ماتورها اقوى بكل المقاييس .. مش عايزين ندخل اللوجان فى مقارنات مع عربيات اعلى منها
علشان يكون فيه نوع من الموضوعية يعنى ممكن مع الافيو او النيو اكسنت او كيا ريو كل العربيات دى ممكن اللوجان تدخل
معاهم فى مقارنات وحتكسب فى حاجات وحتخسر فى حاجات والفيصل بيكون احتياجات المستهلك
وعموما العربيتين سواء اللوجان او النيسان كل واحدة فيهم افضل قيمة مقابل المال فى فئتهم السعرية
تقبل مرورى

+111111111111111111111111111111111111
برده حتي من غير جمارك
الصني حاجة واللوجان حاجة تانية خااااااااالص قي كل حاجة من اول الماتور لغاية الصاج والتقفيل
وكلامي ده مش علشان معايا العربية
لا ... بس ديه فئة وديه فئة تانية خااالص
انا من رأي وده اللي كنت هاعمله .. فئة ال60 وال70الف .. ديه لوجان
وفئة ال80 لغاية ال100 الف ديه صني
تقبل مروري :))

[Sehsss]

أنا معاك والله .. وأنا معايا نيسان صني 2011 مانيوال أول فئة .. على العموم أنا آسف لو المقارنة زعلتكم أوي كده مني .. بس أنا كان قصدي إن العربيتين 1600 سي سي

[amr.elsayed]

شكرا على مرورك الكريم .. أنا طبعا منضم اليوم فقط لمنتداكم الجميل.. بص ياباشا عنك حق أنا معايا نيسان صني 2011 وهي فعلا سرعتها القصوى من الكتالوج (راجعته حالا) 180 مش 170 بس اللوجان سرعتها فعلا 175 .. وعلى فكرة أنا لي صديق معاه اللوجان وبسوقها منه كثير .. العربية ما شاء الله تحس إنك راكب عربية 2 كامة 16 صباب مع العلم إنها كامة واحدة و8 صباب زي ما حضرتك عارف أكيد .. بالنسبة بقى لموضوع هي تتقارن مع إيه .. اللوجان 1600 والنيسان 1600 يبقى ممكن يتقارنوا مع بعض .. وفي حاجة تانية .. اللوجان لولا إنها مخفضة الجمارك كانت بقت بحوالى 85 ألف زي سعر أول فئة في الصني اللي هي معايا .. بس الفكرة في الجمارك ياباشا .. وبعديم الصني حاليا غليت الفول أوبشن بتاعها 2010 عامل 71 ألف .. والله أعلم 2011 هاتبقى بكام ,, وشكرا ليك ياباشا

اولا اهلا بيك فى نايل موتورز وان شاء الله تفيد وتستفيد
انا معاك طبعا وانا معايا لوجان وداخل على سنتين معاها ومبسوط منها جدا وعربية بنت حلال
بس بينى وبينك فى فرق مش قليل بين اللوجان وبين النيسان
يعنى النيسان اثبت على الطريق ... صاج اقوى ... ماتور اقوى ودة بيكون واضح على الطريق مع العلم ان ماتور اللوجان مرضى جدا جدا بالنسبالى ومش فارق كتير فى قوته عن النيسان
بس اللى بيخليك تحس بان مافيش فرق فى قوة الماتور ان وزن النيسان اكبر من وزن اللوجان
فى حاجة عايز اضيفها بردو علشان الدقة بالنسبة للوجان
الطول: 4250 .... 4290
العرض: 1740 .... العرض دة بالمرايات لكن من غير مرايات 1481
الارتفاع :1525 ..... 1511
قاعدة العجلات:2634 ..... تمام
.................................
على فكرة اوعى تفكر انى بجادل او حاجة سماح الله بس احنا بنحاول فى المنتدى نتحرى الدقة علشان كلامنا ما يكونش ليه تاثير سلبى على حد يكون بيفكر فى نفس المقارنة
لازم كل واحد يكون عارف حيدفع ايه وحياخد ايه ... واهلا بيك يا باشا مرة اخرى

[amr.elsayed]

أنا معاك والله .. وأنا معايا نيسان صني 2011 مانيوال أول فئة .. على العموم أنا آسف لو المقارنة زعلتكم أوي كده مني .. بس أنا كان قصدي إن العربيتين 1600 سي سي

خلاص احنا فيها انا شايفك معجب باللوجان وانا معجب بالنيسان .. ايه رايك نبدل
شفت اهو كنت حتضربنى اهو ... والله يا باشا مافيش زعل ولا حاجة دة واضح ان حضرتك راجل زوق ومحترم
وعلى فكرة معنى انك تعمل موضوع زى دة وانت داخل المنتدى جديد اؤكد لك انك حتكون من اكثر الاعضاء افادة فى المنتدى فى وقت قصير
وربنا يجازيك خير لان النية خير
وتقبل مرورى

[Sehsss]

شكرا على ذوقك.. وكلامك صحيح خصوصا في موضوع الصاج .. بس اللوجان ثباتها محترم جدا لأنها مبنية على شاسيه من نيسان .. طبعا حضرتك عارف إن في شراكة بين نيسان ورينو .. وإن رينو شاريه 45 % من أسهم نيسان .. ونيسان شاريه 15 % من أسهم رينو .. هو اللي أنا حسيته فرق في السياراتين إن الصني أثبت في الملفات .. وأفضل في المناورة .. غير كده الفروق مش شاسعة .... وشكرا لذوقك

[Sehsss]

ههههههههههه.. والله أنا مش معجب باللوجان .. أنا من عشاق نيسان .. والسيارة اللي قبلها كانت دايو لانوس وكنت بحبها جدا لأني (فحتتها) 7 سنين.. ويا باشا انت أبوالاحترام كله

[amr.elsayed]

متفق معاك يا باشا ... واللى بيثبت كلام حضرتك ان اللوجان فى امريكا الجنوبية اسمها نيسان ابريو
هى هى اللوجان بس عليها علامة نيسان .. يعنى نقدر نقول ان اللوجان قريبة الصنى وممكن تطلع بنت خالتها كمان
وربنا يبارك لحضرتك فى سيارتك ويطرح لك فيها البركة ... قول امين

[Sehsss]

آآآآآآمين .. أضيف إلى كلام حضرتك إن النيسان صني هي هي الرينو سكالا اللي نزلت مصر مؤخرا .. ولاحظ التطابق بينها وبين النيسان صني (الخليجي) يدوبك شالو العلامة .. وبتبدأ من 92 ألف جنيه لفئة (mt اكسبريشن) وفئة (at اكسبريشن) بـ 97 ألف .. وحتى أعلى فئة اللي هي (at داينامك) بـ 107 ألف جنيه

[SonaSteel]

آآآآآآمين .. أضيف إلى كلام حضرتك إن النيسان صني هي هي الرينو سكالا اللي نزلت مصر مؤخرا .. ولاحظ التطابق بينها وبين النيسان صني (الخليجي) يدوبك شالو العلامة .. وبتبدأ من 92 ألف جنيه لفئة (mt اكسبريشن) وفئة (at اكسبريشن) بـ 97 ألف .. وحتى أعلى فئة اللي هي (at داينامك) بـ 107 ألف جنيه

هما عاملين عليها خصم 8000 جنيه دلوقتي
وزي ما انت قلت مفيش فرق بينها وبين الصني الخليجي .
بس مفيش وجه مقارنة بين بينها وبين الصني المصري ... ممكن نفس الشاسية ونفس الابعاد
لكن الاختلاف في كل حاجة تقريبا ... ماتور وعفشة حتي جوده وخامات التقفيل.
حاول تنزل تقعد فيها بما انك معاك الصني .. الحمد لله
وقلنا رأيك فيها :)))

[Sehsss]

أوعدك إني هاشوفها وأقعد فيها .. بس انت متأكد إن موتورها مش موتور الصني ؟؟؟؟؟؟؟

[MoMaDoW]

والله انتم الاتنين زي العسل و انا استمتعت جداً بالنقاش المفيد.. انشاء الله هاتوكل على الله وبعد مشاورات ومراجعات طويلة على المنتدى.. عايز حاجة في حدود 90000 انشاء الله نويت على صني كاملة مانيوال او اوتوماتيك.. شكرا يا شباب :-)

[hanyemad123]

الخقها بقى لانها كل 15 يوم بتغلى

اسال كده عند الموزعين المعتمدين