فيكترا 2002 و لا سيراتو

[mhbcas]

للتوضيح مافيش حاجه اسمها بتحب ماركه وبتكره ماركه بالنسبالى
بس فى حاجه اسمها مقارنه
والمقارنه علشان تبقى صح لازم ليها قواعد وده موجود فى كل برامج السيارات فى العالم

مش حانقول ماينفعش تقارن كورى بالمانى رغم انه فعلا ماينفعش

بس على الاقل قارن فى نفس الفئة
يعنى لو حضرتك عايز تقارن عربيتك السيراتوا ال2011 الجامده اخر 3 حجات قارنها بالالنترا 2011
او قارن بالفئة السعرية مثلا مع اللانسر 2011

لكن مش عارف ليه انتم اخترتم الاوبل القديم طيب ليه ماقرنتوش بالاوبل فيكترا 2011 او الاسترا 2011 عارفين ليه ساعتها حاتتصدموا فى الواقع المؤلم انه فعلا مش حاتعرف تقارن كورى بالمانى

لما اجى اقارن الاوبل القديم اقارنه بال باسات القديمه اقارنه بال بى ام القديم اقارن نفس الموديل بنفس الموديل او نفس السعه اللترية او نفس فئة السعر

عايز تقلى ان لو معاك 200 الف مخصصهم لشراء عربية وادامك اقتراحين مالهمش تالت
اما سيراتو 2011 او فيكترا 2011 حاتختار السيراتوا
ولو قلت اه السيراتوا تبقى خسرت كتتتتتتتتتتتتتتتير

[احمد فهمى]

اوبل 2002 طبعاً مليون مره لو معاك وسليمه متسبهاش ولو مش سليمه تتظبت بكلام فارغ وبعدين لو جيت تبيعها هتسمع 50 الف يعنى 50 كمان علشان تجيب سيراتو والسيراتو متسواش ال50 الف اصلاً وعلى فكره عربيتك بيركبلها مثبت سرعه وحاجتها فى الحرفيين ببلاش وصاج اقوى من البى ام دبليو بجد واى خبطه تروح تجيب باب رفرف شنطه اكصدام من الحرفيين نفس اللون بكلام فاضى وليها مرايات ضم اصلى وكراسى جلد كهرباء رياضيه كل ده تجيبو استيراد وعربيتك تبقى افضل من كل الجديد وعلى فكره انا ركبت فيكترا ا وبى 10 سنين ومعايا سى حالياً وبجد شكل افيكترا بى احسن شكل عربيه اتعمل حافظ عليها وروح عند حد محترم وعلى فكره عربيتك متقدمه اكتر من دولة كوريا كلها الفتيس عندك بيفصل مع الفرامل على الدى وغيرم من الحاجات اللى مش موجوده فى كيا ايوا الكيا طابلو شكل بس لو جبتها هتندم والله المستعان

[yasserelsayad]

للتوضيح مافيش حاجه اسمها بتحب ماركه وبتكره ماركه بالنسبالى
بس فى حاجه اسمها مقارنه
والمقارنه علشان تبقى صح لازم ليها قواعد وده موجود فى كل برامج السيارات فى العالم

مش حانقول ماينفعش تقارن كورى بالمانى رغم انه فعلا ماينفعش

بس على الاقل قارن فى نفس الفئة
يعنى لو حضرتك عايز تقارن عربيتك السيراتوا ال2011 الجامده اخر 3 حجات قارنها بالالنترا 2011
او قارن بالفئة السعرية مثلا مع اللانسر 2011

لكن مش عارف ليه انتم اخترتم الاوبل القديم طيب ليه ماقرنتوش بالاوبل فيكترا 2011 او الاسترا 2011 عارفين ليه ساعتها حاتتصدموا فى الواقع المؤلم انه فعلا مش حاتعرف تقارن كورى بالمانى

لما اجى اقارن الاوبل القديم اقارنه بال باسات القديمه اقارنه بال بى ام القديم اقارن نفس الموديل بنفس الموديل او نفس السعه اللترية او نفس فئة السعر

عايز تقلى ان لو معاك 200 الف مخصصهم لشراء عربية وادامك اقتراحين مالهمش تالت
اما سيراتو 2011 او فيكترا 2011 حاتختار السيراتوا
ولو قلت اه السيراتوا تبقى خسرت كتتتتتتتتتتتتتتتير

هو انت بتتكلم على مين ؟؟ ومين انتم ومين اللى اختار ؟؟
انت داخل موضوع غلط ولا ايه ؟؟ صاحب الموضوع هو اللى بيسأل وهو اللى معاه اوبل اصلا.

و لو مخصص 200 الف لعربية ايه اللى يخلينى احط السيراتو فى الحسبة ومش هشترى اوبل فيكترا طبعا (دا لو موجودة اصلا) .. هشترى جيتا او فانتازيا او حتى جولف 1.4 او ازود شوية واجيب a3 وممكن كمان افكر فى الاسترا التربو.

[AhMeD MeTwAlY]

حضرتك الاوبل دي متعرفش انها الماني؟!؟؟!؟(ومعني الماني)افضل عربيه في كل شئ

[minicooper20]

تانىىىىىىىىىىىىىىىىى المانى و كورى
هههههههههههههههه مفيش فايده

[AHMED1718]

وقفا للنزيف المستمر ف كل الاقسام

حكمة ف محلها

(القرد ف عين امه غزال )

انا لو راكب صينى هتبقا ف عينى برقبه كل اللى ف السوق وده فكر كل اللى ف المنتدى دون التطرق لاى شىء علمى واضح

السيراتو حلوة ليها عيب وليها ميزة
الاوبل سيارة محترمة جداا ليها عيب وليها ميزة

لو حابين نتكلم على عيوب الاوبل والسيراتو هيا بنا نتحدث

احد عيوب الاوبل ومحدش بيختلف عليها
1- كتر المشاكل الميكانيكية لكثرة الحساسات (فيه ناس كرهت حياتها بسبب المشاكل دى )
2- قطع غيار غالية ومش اى حد يشتغل فيها زى الرينو
3- تكييف مش زى اليبانى والكورى

احد مميزاتها علشان ممكن انسى حاجة
1- مواتير قوية جدا ومعمرة
2- ثبات محترم جداا وبينافس بشدة
3 فخامة

نيجي للسيراتو :
مميزاتها
1- فرامل محترمة
2- ماتور قوى تجميع سريع حتى 160
3- وسع الصالون وشكل الانتريور والبادى عصرى وشبابى
4- منشرة فبالتالى قطع غيارها بالمثل ومشاكلها اقل كتير من الاوبل
عيوب :

1- ثباتها مقبول ليس كسيارة اوبل او هوندا طبعا والكل معترف بذلك
2- نشوفيه عفشتها (ودى تتحس وانتا نازل من يبانى لكن نازل من بي ام او جولف او اوبترا مثلا هتلاقى الفرق مش محسوس( ودى ضريبة ثبات على المنحنيات اللى محدش واخد باله منها ) وفيه معادلة معروفة
ثبات اكتر = نشوفيه اكتر
هنقول بس الاوبل ثبات اعلى ونشوفيه اقل

نرد نقول الاوبل وزنها كام بقا كده يعنى مش هنوصل لحل يرضى جميع الاطراف

فى النهاية سيارتك حافظ عليها هتستمتع بيها

شكرن

[sha2e]

رد مرتب ومقنع وواضح انك تعبت فى كتابته
بس للاسف جيت لاخر كلمه وبوظت المجهود دا كله

[AHMED1718]

رد مرتب ومقنع وواضح انك تعبت فى كتابته
بس للاسف جيت لاخر كلمه وبوظت المجهود دا كله

لو حضرتك من رواد كتاب الوجه اللى هوا الفيس بوك
هتعرف ان لل اللغة العربية طرق كثيرة

شكرا ممكن تبقا شكرن وممكن تبقا شكرنز وحجات كتير عديها يامان

[yassal]

لو حضرتك من رواد كتاب الوجه اللى هوا الفيس بوك
هتعرف ان لل اللغة العربية طرق كثيرة

شكرا ممكن تبقا شكرن وممكن تبقا شكرنز وحجات كتير عديها يامان

هههههههههه - حلوة - ورد مفصل مقنع

[amrhussien87]

بصراحة يا جماعة النقاش الداذر ده غريب جدا جدا جدا جدا؟؟؟؟
اولا من الظلم للسيراتو مقارنتها باوبل فكترا لفروق الثبات والمتانة والصناعة وهي فروق الشرق من الغرب لصالح الفكترا طبعا
ده من الناحية الفنية
ثاااااااااانيا العضو الفاضل اللي بيقول الاكسنت والدايو حمير شغل انا اعترض لان العربيات دي مش حمير شغل خالص عربيات ضعيفة ومستهلكة هي ااه حاجتها رخيصة بس العمر قصير مقارنة باي مدرسة اخري في صناعة السيارات
ثالثا اعتقد ان اللي هيحسم الموضوع ده هو صاااحب السؤال نفسه هل هو عاوز يحتفظ مبزايا الثبات والراحة والامان والصناعة المحترمة
ولا هيقرر يتنازل عن ده كله لصالح الشكل والحداثة والرفاهية ودي حاجة ترجعله وهو صاحب القرار فيها فقط الموضوع وما فيه هو اعطاء المعلومات اللي علي اساها يقدر المالك يتخذ القرار وهو مرتاح انه عارف كل حاجة وملم بكل التفاصيل وبالتالي ما يلومش الا نفسه
والسلام عليكم ورحمة الله وبركاته

[Typerr]

اوبل طبعا يا باشا

اوبل ايه بس ياباشا الاوبل دي اقل عربيه الماني ومتباعه لجينرال موتورز من سنين يعني هي مش الماني علي ابوه
وللعلم العربيه دي انا ركبتها عربيه سوبر فكسانه لاتقارن بالسيراتو اطلاقا
والله انا بسوق السيراتو علي 140 و 150 وبتحكم فيها زي ما انا عايز غرز وكله وثابته جدا
انا برضه بسوق اوكتافيا a4 اكيد دي عربيه مافيش عليها غبار خارجه من مصنع فولكس تاني اكبر مصنع في العالم الثبات بين السيراتو والاوكتافيا فرق مش كبير
للعلم انا معايا هاي لاين جنط 17 ممكن يكون ليه عامل الثبات

[Dino]

مع احترامى لرأى حضرتك

لو الأوبل أقل حاجة فى الألمانى!
يبقى الاسكودا أقل حاجة فى الأوروبى كله!!

وبعدين الـA4 اللى بتتكلم عليها عربية تشيكى على شاسيه وموتور جولف, ومتقفلة بمكونات تشيكية فى مصانع سكودا

عايز تعرف بجد اختها اللى المانى على أبوها... كنت شوف البورا اللى كانت بتنزل معاها
طبعا الفرق شاسع فى الأداء بين الأتنين, واللى ركب الـ2 هيعرف ان البورا كانت فايقة اكتر من الـA4 والسيات توليدو كمان (اختهم الـ3)

بالنسبة للفكترا والسيراتو:
- الركيب أو السواق الـEnthusiast لو نزل من الفكترا على سيراتو ... هيحس بـ "قرف" شديد جدا!!!
فى كل حاجة أداء وموتور وسواقة وهاندلينج وثبات.. فيه حاجات ميقدرهاش غير السواقين, واحنا معاهم
يا راجل دى كمان الفكترا اللى صاحب الموضوع بيتكلم عليها B2 موديلات 2002-2004 ودى أفضل فكترا على الاطلاق, وناس كتير (ركيبة) بتفضلها حتى على الفكترا C
مش عايزين ننسى ان الـ2000cc منها 136 حصان كانت بتتقارن ساعتها بالـ318 والـC180..!!!

[abokhairy]

بصوا يا جماعة انا سؤالي كله كان عن الفروق بين السيارتين

وانا عندي الأوبل بصراحة عربية ملهاش مثيل وكل يوم بسوقها بتأكد ان الألمان هم أفضل ناس في صناعة السيارات وتشعر بانهم يصنعون السيارة باحساس عالي وبصراحة العربية السيراتو انا لا اعترف بها وحتى ولو كانت سريعة فأكيد مش ثابتة زي الأوبل

وكان صديقي بيقولي كان مسافر مرة بعربيته اوبل فيكترا 2001 ومعاة صاحبه معاه سيراتو جديدة جنط 17 نبيتي المهم انه جاب بالاوبل 150 والعربية في قمة الثبات على الطريق اما السيراتو بمجرد ما جاب 120 وحس ان العربية عومت منه على الطريق
فلذلك انا طول عمري لما اجيب عربية
ترتيب دول الصناعة كالتالي :
1 - ألمانيا 2 - اليابان 3- كوريا