مقارنة بين نيسان قاشقاي ورينو داستر

[wawoo]

انا تابعت كل اختبارت القاشقاى اللى قام بيها الاعضاء شاكرين و مستغرب ازى تم تجاهل ان السيارة بالسعر دة و دفع ثنائى فقط ....كدة الرينو داستر تتفوق بشكل ملحوظ ..

صحيح ان القاشقاى فيها شوية كمالية رفاهية زى الاضائة الزينون والسقف البانوراما و خلافة ..

لكن ,..بالعقل كدة اللى بيدور على سيارة اعتمادية فى الفئة دى حيختار سيارة دفع امامى ب 160 ال مقابل سيارة دفع رباع و نظام تعليق متطور من تصميم نيسان برضو و ضمان رينو و ارخص ب 30 الف جنية فى الداستر ...

الداستر من الناحية الميكانيكة و العملية تتفوق بشكل ملحوظ على القاشقاى و هو المطلوب بالنسبة لمن يبحث عن سيارة 4x4 دفع رباعى فى هذة الفئة و يدعم هذا سعرها الارخص بنسبة ليست قليلة بالمرة

سعر هذة السيارة يجب ان يقل بتاع 20 الف جنية عشان تكون منافسة فى الفئة بتاعتها ..و برضو حتكون اختيار ثانى لمن يريد سيارة فى هذة الفئة بامكانيات الداستر الميكانيكية المتطورة و المطلوبة فى الفئة دى..

[DarkMagician]

على فكرة انت متخيل ال 1600 على دفع رباعي حيديك اداء خيالي وتروح تطلع الهضاب والجبال
صدقني اذا عاوز دفع رباعي على 1600 اصبر الجوك تنزل وعلى فكرة الدفع الرباعي هم حاطينو في الداستر مش عشان ثبات والكلام الفاضي ده حطينو عشان التلج عندهم والطرق الوعرة لانها بالاساس صنع شركة داشيا

[mmffor]

نيسان قاشقاي الدفع الرباعي فيها نازل في المحرك ال 2000 سي سي
متخيل جمركه حيبقى كام؟؟
للاسف الموديلات نازلة كده ال 1600 نازل من غير رباعي

و مننساش العربية ياباني تقفيل انجليزي يعني صباح جودة التصنيع و الرقابة و الخامات العالية الخاصة بالانجليز و في نفس الوقت توافر قطع الغيار و رخصها و الاعتمادية بتاعة الياباني

مينفعش تتقارن بالداستر اللي بتتقفل في رومانيا!!

[mff_629]

100 100

[Youssef.Awad]

الاجابة بكل بساطة عشان القاشقاى تتباع ب160 الف ج لأنها فعلا لو دفع رباعى عاوزة موتور 2000 سى سى ع الاقل والا هاتبقى زى الدايهاتسو تيريوس اخرك تعدى بيها رصيف فى الشارع مش اوف رود
كمان مفيش مقارنة بين جودة التقفيل الانجيليزية والخامات المستخدمة وسمك الصاج وطريقة اللحام فى القاشقاى والداستر اللى صاجها اخف ومنفخة من كل اتجاه ولحام الحوض بتاعها مش حلو ومتين زى نيسان
واهم نقطة تحسم الموضوع ده التوكيل وخدمات ما بعد البيع
الرينو زى الزفت فى مصر تروح بالعربية سليمة تخرج بيها بايظة
انما نيسان بكل مراكز خدمتها ناس على قدر عالى من المستوى والكفاءة والحرفية ويكفى ان السبع فيها
تعرف لو السبع فتح مركز خدمة لرينو ... ممكن افكر فى الداستر بس بصراحة شكلها مش عاطفى بالنسبة لى

[wawoo]

على فكرة انت متخيل ال 1600 على دفع رباعي حيديك اداء خيالي وتروح تطلع الهضاب والجبال
صدقني اذا عاوز دفع رباعي على 1600 اصبر الجوك تنزل وعلى فكرة الدفع الرباعي هم حاطينو في الداستر مش عشان ثبات والكلام الفاضي ده حطينو عشان التلج عندهم والطرق الوعرة لانها بالاساس صنع شركة داشيا

هو طبعا مش حيكون اداء زى الجيب مثلا و او غيرها من سيارات ال4 بى 4 المحترفة

لكنة اداء جيدا جدا مقابل سعرها ..يعنى تنفع بسهولة فى الصحارى المصرية و الهضاب المتوسطة و الطرق المتوسطة الوعورة

دة فيدوي بيوضح بعد قدرات الدفع الرباع ..و هو نظام زكى من تصميم نيسان على فكرة و ممكن تختار دفع ثنائى او رباعى او اتومتك هو يختار و يبدل بنهم حسب الطريق

‪Dacia Duster 4x4 Test‬‏ - YouTube

[DarkMagician]

هو طبعا مش حيكون اداء زى الجيب مثلا و او غيرها من سيارات ال4 بى 4 المحترفة

لكنة اداء جيدا جدا مقابل سعرها ..يعنى تنفع بسهولة فى الصحارى المصرية و الهضاب المتوسطة و الطرق المتوسطة الوعورة

دة فيدوي بيوضح بعد قدرات الدفع الرباع ..و هو نظام زكى من تصميم نيسان على فكرة و ممكن تختار دفع ثنائى او رباعى او اتومتك هو يختار و يبدل بنهم حسب الطريق

‪dacia duster 4x4 test‬‏ - youtube

انت حتى الفيديو اللي جايبو لحاجة مستيحل تكون موجودة هنا بص يا غالي عشان بس اريحك 1600 داستر دي اخرك بيها شويت طين وتلج مستحيل هضاب والكلام الفاضي ده ممكن شوية رملة كده على الماشي

اذا انت بتتعامل مع الحتت اللي فيها رمل ربنا يكرمك وتجيب جيب شيروكي او حاجة محترمة لكن كمدينة وحتت متكسرة ومطبات عالية القشقاي مناسبة ليها
:)

[wawoo]

لكن كمدينة وحتت متكسرة ومطبات عالية القشقاي مناسبة ليها
:)

يعنى عربية ب 160 الف حجبها عشان حتت مكسرة و مطابت عالية ..دة الرينو الميجان مثلا تمشى فى الحتت دى عادى و تعديها بسهولة

و عربية مصممة اصلا انها تكون دفع رباعى للامكان الوعرة "الداستر"..مش حتعرف تمشى فى شوية حتت مكسرة و مطبات عالية ؟؟؟؟ انت متاكد من المنطق اللى فى كلامك دة ...

تصميم هايكل الداستر ممصم بحيث تقدر تتطلع و تنزل منحدرات لحد 30 درجة من الامام والخلف ...اللى هى نفس المنحدرات اللى لو القشقاى حاولت تجرب فيها بس حتلاقى المقدمة او المأخرة لبست فى الارض و دمرت المقدمة بلا شك ..

عموما انا مش بدافع عن الداستر مقابل القشقاى ..دى اختيارات شخصية لكل واحد و احتياجاتة

..و الفيديوهات موجودة و اى حد حيقدر بسهولة يعرف الفرق بين مجرد سيارة عالية شوية عن الارض و سيارة اخرى مجهزة بدفع رباعى فعلا للطرق و الاماكن الوعرة ...

كليب اخر يوضح الكلام اللى اقصدة اعلاة :

‪Duster off-road 1‬‏ - YouTube

[DarkMagician]

يعنى عربية ب 160 الف حجبها عشان حتت مكسرة و مطابت عالية ..دة الرينو الميجان مثلا تمشى فى الحتت دى عادى و تعديها بسهولة

و عربية مصممة اصلا انها تكون دفع رباعى للامكان الوعرة "الداستر"..مش حتعرف تمشى فى شوية حتت مكسرة و مطبات عالية ؟؟؟؟ انت متاكد من المنطق اللى فى كلامك دة ...

تصميم هايكل الداستر ممصم بحيث تقدر تتطلع و تنزل منحدرات لحد 30 درجة من الامام والخلف ...اللى هى نفس المنحدرات اللى لو القشقاى حاولت تجرب فيها بس حتلاقى المقدمة او المأخرة لبست فى الارض و دمرت المقدمة بلا شك ..

عموما انا مش بدافع عن الداستر مقابل القشقاى ..دى اختيارات شخصية لكل واحد و احتياجاتة

..و الفيديوهات موجودة و اى حد حيقدر بسهولة يعرف الفرق بين مجرد سيارة عالية شوية عن الارض و سيارة اخرى مجهزة بدفع رباعى فعلا للطرق و الاماكن الوعرة ...

كليب اخر يوضح الكلام اللى اقصدة اعلاة :

‪Duster off-road 1‬‏ - YouTube

انا كنت عايش في الامارات على فكرة وبكلمك بمنطق ان العربية بمعنة الكلمة لو اقل من 3000 سي سي بتبقى صعبة في الرمل حتى القشقاي 2000 سي سي مش مرغوبة عشان مش نافعة في الرمل تيجي تقولي داستر
وانا عارف الفرق كويس لان 18 سنة من حياتي قضتها في الامارات وكانت فسحتي كل اسبوع اني ادخل الرمل واطلع العراقيب فمتجيش تقولي متععرفش ومش عارف اي

لاحظ اني اعترفت ان الفوريل بتاعها كويس لاماكن الوعرة والطينية والتلجية ومقلتش انو وحش ولا حاجة
انا بكلمك بنمطق الفور ويل اللي فيها حيكون فايدتو نادرة جدا عندنا في مصر وانتهى

وربنا يكرمك باللي احسن منهم الاتنين
بس لو عجباك الداستر اوي متدايقش عشانها

[blazer]

على فكره العربيات الصغيره الدفع رباعى زى الداستر مثلا
تنفع اوى انها تدخل صحرا وتمشى عادى
بس مش اى صحرا ولا اى توع رمل
عاوزه رمله تقيله ومش عميقه
انما لو جربت تدخل حتى بلاند كروزر رمله ناعمه ومش سواق محترف هتغرز 100%
انا شايف العربيات دى تنفع للى شغله بيحتاج انه يدخل فى اراض غير ممهده وفيها مطالع ومنازل وحفر وكلام من دا انما مش عربيه صحرا

[wawoo]

لاحظ اني اعترفت ان الفوريل بتاعها كويس لاماكن الوعرة والطينية والتلجية ومقلتش انو وحش ولا حاجة
انا بكلمك بنمطق الفور ويل اللي فيها حيكون فايدتو نادرة جدا عندنا في مصر وانتهى

وربنا يكرمك باللي احسن منهم الاتنين
بس لو عجباك الداستر اوي متدايقش عشانها :e_braces[1]:

امين يا رب ..الله يخليك يا باشا ...

يعنى اكيد الفوريل بتعها حينفع برضو فى بعض الاماكن و المواقف فى مصر ..يعنى فى امكان فى الريف و امكان فى بعض الهضاب الصغيرة .. مصرعامرة برضو بامكان عجيبة ..

و انا كنت بقارن من الناحية العملية و الفرق بين الاتنين يعنى مش اكتر

[Youssef.Awad]

حصل خير بس بامانة حتى لو الداستر كانت افضل من القاشقاى تغووووووور بتوكيلها ومراكز خدمتها

[M.Elwan]

اسجل اعجابى بامكانيات الداستر مقابل سعرها بس برده فى مصر القاشقاى حتكون افضل لان محدش بييجيب 4×4 يطلع بيها الجبل يعنى

‪Dacia Duster im OFF ROAD Hأ¤rtetest‬‏ - YouTube

[omskmaher]

الداستر عربيه محترمه تستاهل كل جنيه يندفع فيها وتوكيل محترم وعمومآ الجيب مبغيرش الشكل كل سنه

[wawoo]

ما بعد البيع
الرينو زى الزفت فى مصر تروح بالعربية سليمة تخرج بيها بايظة
انما نيسان بكل مراكز خدمتها ناس على قدر عالى

طبعا الكلام دة ملوشى اى اساس من اى نوع بالواقع ...و اسئل اى حد تعامل فعلا مع التوكيلين و هو يوقلك مين الافضل

توكيل رينو من افضل توكيلات السيارات فى مصر حاليا..ان لم يكن افضلها على الاطلاق وانا شخصيا لمست دة بنفسى ..

توكيل نسيان افضل مدح لة انة توكيل متواضع فى احسن الاحوال ..