اللانسر بومة vs جولف 5 2005

[demo0900]

انا بفكر اجيب لانسر و اسقط لها مايفيك 2400 مع تغير اللي عايز يتغير
ولا اجيب جولف 5 2005 ستبترونيك
وعايز اعرف الثابتة فيهم اكتر
و سوال اخر بعيد عن الموضوع اية من العربيات الياباني ثباتوة نفس ثبات اوبل فيكترا 96
و شكراااااا

[M.Alaa92]

الجولف من راى افضل من التعديل و كمان اللى اتعود ع الفيكترا و الامانى ميركبش غير المانى

اما لو غاوى الشد و الغرز اركب الانسر و عدل براحتك

[eng.m7md.ali]

الجولف طبعا ثبات اكتر بكتير من اللانسر بس لو هتعدل عفشة وشدادات يبقة كدة في كلام تاني خالص

[ahmedsadek82]

انا بفكر اجيب لانسر و اسقط لها مايفيك 2400 مع تغير اللي عايز يتغير
ولا اجيب جولف 5 2005 ستبترونيك
وعايز اعرف الثابتة فيهم اكتر
و سوال اخر بعيد عن الموضوع اية من العربيات الياباني ثباتوة نفس ثبات اوبل فيكترا 96
و شكراااااا

الجولف افضل كسيارة معمرة و اداء-فرامل-ثبات-امان , الماني يعني كل حاجة في عالم السيارات , يعيبها ان ال1600 ضعيف عليها شوية فتجميعها مش اوي بس اداء و شياكة حاجة تانية

[omar-saad]

الجولف افضل كسيارة معمرة و اداء-فرامل-ثبات-امان , الماني يعني كل حاجة في عالم السيارات , يعيبها ان ال1600 ضعيف عليها شوية فتجميعها مش اوي بس اداء و شياكة حاجة تانية

+1111111111111
وكمان مجال التعديل فيها مفتوح زيه زى اللانسر
فيه مواتير كتير بتنزل للجولف وعلى راسهم
اgti و r36

[demo0900]

الجولف طبعا ثبات اكتر بكتير من اللانسر بس لو هتعدل عفشة وشدادات يبقة كدة في كلام تاني خالص

اكيد يامعلم في تعديل في العفشة كلها و طقم شدادات كمان
اية رايك

[demo0900]

متشكر لسرعة الرد
بس في عامل هنا كمان قطع الغيار بتاعت الجولف اغلي من اللانسر
و انا مابحبش تعديل في الالماني لان قليل اللي يعمل الكلام دة بس اللانسر مصر كلها عاملها

[omar-saad]

متشكر لسرعة الرد
بس في عامل هنا كمان قطع الغيار بتاعت الجولف اغلي من اللانسر
و انا مابحبش تعديل في الالماني لان قليل اللي يعمل الكلام دة بس اللانسر مصر كلها عاملها

خد بالك ان تعديل الجولف اسهل بمراحل من تعديل اللانسر
لان الجولف مجرد فك وتركيب فقط لاغير
وفى ناس كتير معجلين فيها فى مصر
انتا علشان تحول من لانسر عادية لايفو
هتحتاج حاجات كتير جدا جدا
انما الجولف مجرد تسقيط موتور ولو الاكبر من اربعة سليندر هايبقى بالعفشة
لكن مقابل ثبات وراحة وامان اكبر من اللانسر
وربنا يوفقك للخير

[demo0900]

خد بالك ان تعديل الجولف اسهل بمراحل من تعديل اللانسر
لان الجولف مجرد فك وتركيب فقط لاغير
وفى ناس كتير معجلين فيها فى مصر
انتا علشان تحول من لانسر عادية لايفو
هتحتاج حاجات كتير جدا جدا
انما الجولف مجرد تسقيط موتور ولو الاكبر من اربعة سليندر هايبقى بالعفشة
لكن مقابل ثبات وراحة وامان اكبر من اللانسر
وربنا يوفقك للخير

لا انا مش هاعملها ايفو انا هاسقطلها موتور مايفيك 2400 سي سي و ممكن اركب تربو
لكن ايفو لالالالالالالالالالالا

[AhMeD MeTwAlY]

الجولف افضل عربيه يتعدل فيها بالاضافه ان ثبات وقوة الالماني اكيد حضرتك مجربهم في الاوبل
ولاحظ شئ انت هتعدل عشان سرعات اعلي وطرق مفتوحه وزي ما بتفكر في الحلو فكر في الوحش لقدر الله حصل شئ انت راكب الماني يعني لو حصل شئ ليك في الجولف اعرف ان ده 50 % من الي هيحصلك في اللانسر
انا اسف بجد علي الكلام بس دي حقيقه

[eng.m7md.ali]

بص يامعلم لو هنتكلم عن قطع الغيار هتلاقي ال2 متوفرين بنفس الاسعار تقريبا استيراد
الانسر مجالتها برده في التعديل كتير اوي زي الجولف
الانسر هتلاقيها عربية مجنونة بتجري بطريقة مستفزة خصوصا بعد ماتسقط وتتربن وبالفلوس دي هتقدر تركب الجولف من غير ماتعدل فيها يعني ستوك
فاشوف بقى انت تحب انك تعدل وكدة ولا تركب حاجة ستوك بريستيج وكدة خصوصا التعديلات هتقرفك وتلاقي نفسك كل فترة عن ميكانيكي

بس نصيحة اسأل الاول بالنسبة للانسر لو هتعدل وهتحتاج تلعب في الاساس يبقى فاكس وخليك في هوندا سيفك مثلا او تخليك في الجولف

[demo0900]

بص يامعلم لو هنتكلم عن قطع الغيار هتلاقي ال2 متوفرين بنفس الاسعار تقريبا استيراد
الانسر مجالتها برده في التعديل كتير اوي زي الجولف
الانسر هتلاقيها عربية مجنونة بتجري بطريقة مستفزة خصوصا بعد ماتسقط وتتربن وبالفلوس دي هتقدر تركب الجولف من غير ماتعدل فيها يعني ستوك
فاشوف بقى انت تحب انك تعدل وكدة ولا تركب حاجة ستوك بريستيج وكدة خصوصا التعديلات هتقرفك وتلاقي نفسك كل فترة عن ميكانيكي

بس نصيحة اسأل الاول بالنسبة للانسر لو هتعدل وهتحتاج تلعب في الاساس يبقى فاكس وخليك في هوندا سيفك مثلا او تخليك في الجولف

معلومات جامدة ولاهي ياكبير انا الصراحة محتارررر
و مش عارف اختار بجد

[sha2e]

بما انك معاك فيكترا أنصحك بالجولف
لان اللانسر مهما كانت قويه وبتجري هتحس ان فيها حاجه ناقصه وهيا الثبات والشعور بالامان
لو كانت الفكترا الى معاك كويسه وصيناك خليك فى الجولف عشان متحسش انك نزلت
لو كانت الفكترا قلتها معاك وفتحت بقها ممكن تفكر فى اللانسر لانك ساعتها هاتكون كرهت الالماني كله

[demo0900]

و اية رايك في البي ام 316 موديل 95 التعديلات فيها!!!!!

[ENG\AHMED]

كمقارنة العربيتين ملهمش علاقة ببعض

عربية هاتشباك ستوك
وعربية سيدان معدلة

يبقى ازاى تقارن ؟!!

كرأى .. الجولف طبعا

انت ميال للانسر علشان الموتور 2400 طيب فكرت هتوقفها ازاى
يعنى تفتكر عفشة اللانسر وثباتها هيستحمل ال 2400 ؟؟

اللانسر مش هتديك اكتر من الجولف غير الجرى
الجولف هتديك كل اللى انت عايزة واكتر الا الجرى لو هتقارنها بال 2400 طبعا
ولكن لو سقطلها موتور اعتقد هيبقى اسهل من اللانسر على الاقل مش هتحتاج تعديلات كتير علشان تحسن ثبات العربية واداء الفرامل