بروتون Gen 2 او اكسنت Rb

[أبومعاذ]

عز العرب في أسوء حالاته أحسن من غبور بس إحنا في بروتون مشاكلنا هي اللي باينة بزيادة عشان الناس بتركز على عرض المشاكل و محدش بيشكر
أنا رأيي جين 2 أحسن قيمة مقابل السعر

[hic]

[quote=أبومعاذ;3873719631]عز العرب في أسوء حالاته أحسن من غبور بس إحنا في بروتون مشاكلنا هي اللي باينة بزيادة عشان الناس بتركز على عرض المشاكل و محدش بيشكر
أنا رأيي جين 2 أحسن قيمة مقابل السعر[/quote
+++++++++++++++++1

[tutankhamoun]

أيه ده أنا ما شتفتش الرد بتاع العفشة !!!

عموما أنا ردي في موضوع تاني علشان موضوع الراجل بتاع المقارنة باظ و قلب قطط و مشمش و بتاع و كلام غير لائق خالص .
فيه موضوع كامل هاعمله علشان ارد بشكل علمي على قدر معلوماتي

[tamerosman]

طب حضرتك تنصحنى بأية ؟
أنا لسة على البر ....
أشتريها ولا ....
لأ ؟

فى 3 توكيلات فى مصر معظم الناس بتقول انها محترمة ( فى فئة السيارات المتوسطة السعر -يعنى حط مرسيدس و بى ام على جنب ) هما بالترتيب
1- رينو
2- كيا
3- نيسان

لوهتشترى هيونداى ممكن تتجنب التعامل مع غبور لانها منتشرة و ممكن تصلحها بره التوكيل اخذا فى الاعتبار انها اعتمادية جدا و ممكن ربنا ميحوجكش للتوكيل طول فترة الضمان

انا باخذر كل الناس الى بتفكر تشترى بروتون ان زى ما العربية تستاهل كل جنيه يدفع فيها و عربية محترمة جدا التوكيل على العكس لما تتعامل معاه هتلعن اليوم الى سمعت فيه كلمة بروتون

[eng.m7md.ali]

فى 3 توكيلات فى مصر معظم الناس بتقول انها محترمة ( فى فئة السيارات المتوسطة السعر -يعنى حط مرسيدس و بى ام على جنب ) هما بالترتيب
1- رينو
2- كيا
3- نيسان

لوهتشترى هيونداى ممكن تتجنب التعامل مع غبور لانها منتشرة و ممكن تصلحها بره التوكيل اخذا فى الاعتبار انها اعتمادية جدا و ممكن ربنا ميحوجكش للتوكيل طول فترة الضمان

انا باخذر كل الناس الى بتفكر تشترى بروتون ان زى ما العربية تستاهل كل جنيه يدفع فيها و عربية محترمة جدا التوكيل على العكس لما تتعامل معاه هتلعن اليوم الى سمعت فيه كلمة بروتون

+1111111111


صدقني لو لاقدر الله عربيتك فيها مشكلة ومحتاجة تغيير لبعض الاجزاء اضمنلك ان غبور هيقدر يوفرلك كل قطع الغيار المطلوبة لكن عز العرب مش هيعرف حتة لو كان احسن من غبور

[tutankhamoun]

يا جماعة التوكيل مش وحش قوي
التوكيل في القاهرة كويس جدا أو كويس بس

أنا معرفش حاجة عن فرع الاسكندرية

بس أنا هاتكلم عن توكيل أبو رواش ........... كويس جدا مقارنة مع توكيلات تانية أنا أتعاملت معاه
الفروق مش كتيرة ....
العيب الوحيد ....... إن أحيانا قطع الغيار الغيراستهلاكية مش بتكون متوفرة طول الوقت .
أنا بصراحة ما شتفتش معاهم أي مشكلة .
و لكن مقُدر طبعا آراء أخواني اللي معاهم آراء مختلفة عن رأيي

بس مش كل الناس رأيها ان التوكيل وحش كدا

[Ghosts]

ممكن الواحد تتغير طريقة تفكيرة مابين يوم وليلة ؟
أه ممكن أوى ودة حصل معايا من يومين وهاقولكوا أزاى ....
أنا دايمآ كنت بتمنى أنة يكون معايا عربية أوروبى عشان عوامل الأمان اللى فيها ....
وكنت فاكر بسذاجتى المعهودة أنة اللى معاة عربية زى ال BMW و المرسيدس والهاااااامر ....
مش ممكن حتى أنة يتعور فى حادثة وأن الحوادث بتحصل بس للناس اللى معاهم عربيات كورى ....
لحد ما دخلت على ال U Tube و شفت الفيديوهات دى ....
Hummer Crashes - YouTube
BMW CRASH - The worst world BMW Accidents - YouTube

المشكلة مش فى العربيات ....
المشكلة فينا أحنا وكل ما الواحد بيبقى معاة ....
عربية غالية و مزودة بكل وسائل الأمان كل ما تلاقية متهور أكتر ....
يعنى واحد معاة عربية هامر مثلآ وماشى فى طريق فاضى هتلاقى الشيطان ....
بيلعب فى دماغة ويقولة :
دة أنت معاك دبابة مش عربية وفيها كل حااااااااااجة ماتخافش وأجرى مستنى أية ؟

وطالما العربيات كلها على السرعات الغالية خطر ....
يبقى الواحد يشترى العربية اللى سعر أعادة بيعها أفضل و قطع غيارها متوفرة أكتر ....
ودة طبعآ فى صالح ال RB ومهما كان نوع العربية فالواحد لازم بردوا يمشى على مهلة ....
وكما قالت الفنانة شادية :
سوق على مهلك سوووق ....
لا تلبس فى لورى وتطلع فوق ....

بصوا يا جماعة أحنا كلنا بنفكر مع بعض بصوت عالى عشان نوصل للقرار السليم ....
دلوقتى أنا شايف أن ال RB تكسب ولو أنا غلطان قولوا لى ....

[tutankhamoun]

هيونداى النترا الشيب قبل الأخير
ميتسوبيشى لانسر بومة
Double-Wishbone يافندم, مش Multi-Link زى الجيتا والسيفيك والفوكس
anyway ده لا يقلل أبدا من الجين2, وفعلا ثباتها جااااااامد... وانا اختارها 100 مرة فى المقارنة مع الأكسنتrb

أولا فيه نوع من العفشة أسمه العفشة المستقلة
يعني أيه مستقلة ؟
يعني كل عجلة ملهاش أي أرتباط بأي عجلة تانية
العجلة مستقلة تماما .
يعني ثبات أعلى يعني أحساس أقل بالنقر (علشان العجلة اللي أخدت النقرة بس هي اللي هاتحس بها )


طيب جميل ......... أنا علشان مش خبرة ميكانيكية قوي في موضوع العفشة أرتبطت بكلام بروتون
أن عفشة الجين 2 عفشة مستقلة و دي صفحة المواصفات الخاصة بالسيارة
Proton Edar | Gen2 Pricing And Specifications

بعد قراء الكثير من المقالات عن العفشة المستقلة اتضح اصلا ان العفشة اللي اسمها
double wishbone
بيتم استخدامها في السيارات الرياضية الفخمة لانها تساعد على الثبات و التحكم العالي في السيارة
لوتس ايفورا 2011

10


Lotus Evora 2011

Details:
3-Point Seat Belts, 4-Passenger Seating, 4-Wheel Disc Brakes, Adjustable Steering Wheel, Air Conditioning, Anti-lock Brakes, Anti-theft System, Cup Holder, Daytime Running Lights, Double Wishbone Suspension, Front Airbags (Dual), Front and Rear Stabilizer Bar, High Performance Tires, Intermittent Wipers
و غيرها من الفيراي و الانواع الرياضية الاخرى

دي بقى نبذة عن العفشة دي
double-wishbone design uses two wishbone-shaped control arms to guide each wheel's up-and-down motion
تصميم الدبل ويش بون يستخدم اذرع تحكم للتحكم في حركة كل عجلة أسفل و أعلى
. Each arm has three mounting positions
و كل ذراع له 3 مراكز للتثبيت
-- two at the frame and one at the wheel hub
ذراعين في الاطار وواحد ذراع في العجلة
-- and each joint is hinged to guide the wheel's motion. In all cars, the primary benefit of a double-wishbone suspension is control

و المهم بقى .... و الميزة الاساسية للدبل ويش بون هو التحكم .

و دي صورة للجين 2 من تحت و طبعا باين في الصورة أن العفشة مستقلة و ليست متصلة .

[sor2]http://i53.tinypic.com/mj1d0x.jpg[/sor2]

و في النهاية ردي على المداخلة دي :

يعنى بعد كل المدارس المختلفة دى... ماتقوليش ان عفشة البروتون اللى ورا دى اسمها "ملتى-لينك".. لو أحنا مش شايفين لينكات تانى كتيييييير غير المقصين دول, قولنا عليهم؟!!
على كده يبقى الفيرنا كمااااااااااااااااااااان multi-link (تقريبا نفس العفشة بتاع الجين2 مع فرق الثبات طبعا)!!!

الكلمة واضحة جدا جدا
ملتي لنك يعني .......... وصلات متعددة ...... يعني مش شئ متصل و الصور اللي حضرتك أرفقتها واضحة جدا و صريحة و بتصرخ و تقول أن عفشة الجين 2 مش متصلة و لكن مستقلة .

مش كل قط يتقاله يا مشمش...
ومش كل شركة عملتلها "لينكين".. يبقى اسمهم ملتى-لينك..!!!

برضه معنى كلامك أن مثلا أي شركة عملت عربية تشبه العربيات الحديثة يبقى بتقلد فورد على أساس أن فورد هو أول قط كان يتقله يا مشمش ......... لأنها أول شركة عملت عربية بالشكل الحديث .

و لا مؤخذة .... أو لنكين أو وصلتين ....... أو مهما كان شكل العفشة .... المهم أنه مالتي لينك يعني مستقل يعني على عدة وصلات ....

بس الـMulti-Link بتاع الشركات الـinnovative (مش الـGeneric) بيبقى شكله مختلف خاااااااالص عند الـ2 wishbone اللى فاتوا بتاع البروتون (مش Lotus)

مفيش حاجة أسمها مبدع و شركة بتعمل جينيرك
يا أخي الكريم
عفشة الجين 2 الأمامية هي ماكفرسون سترت .....
يعني بروتون أخدت التصميم ده و عملت عليه العفشة الأمامية بتاعتها
و فولكس فاجن و بيجو و ستروين و فورد و فيات و أغلب سيارات العالم عفشتها الأمامية هي ماكفرسون سترت ......... على كلامك
أن كل الشركات دي شركات جينيرك .......
و مش هادخل في جدال حول معاني الكلمات اللي أنت عاملها بالأنجليزي .

كل شركات العالم بستخدم تكنولوجيا واحد مش شغال في الشركة هو اللي أخترعها
زي العفشة الأمامية الشهيرة ماكفرسون سترت .
و مش كل واحد يعمل موتور ...... هانقول عليه جينرك علشان مش هو أول واحد عمله .
على كدا بقى أغلب منتجات العالم جينرك لأن كل المنتجات اللي أحنا شايفنها مش منتجيها هما اللي أخترعوها .

و في النهاية العفشة تطلع double wishbone
برضه عفشة رياضية بتستخدم في السيارات الفارهة زي اللوتس و الفيراري
و مش معنى كدا أن اللوتس أو الفيراري شركات جينيرك generic


أنا كنت قلت أني مش هارد على مداخلة العفشة هنا و هافتح موضوع منفصل و لكن رأيت أنه من الأفضل الرد في نفس الموضوع

[tutankhamoun]

Double wishbones are usually considered to have superior dynamic characteristics as well as load-handling capabilities, and are still found on higher performance vehicles. Examples of makes in which double wishbones can be found include Alfa Romeo, Honda and Mercedes-Benz. Short long arms suspension, a type of double wishbone suspension, is very common on front suspensions for medium-to-large cars such as the Honda Accord, Peugeot 407, or Mazda 6/Atenza, and is very common on sports cars and racing cars.

المصدر ...... ويكيبيديا

[tutankhamoun]

ده مرسيدس هي كمان طلعت Generic و بتعمل عفشة Double wishbone و مش multi link

أنا عمري ما هاشتري من مرسيدس علشان هي شركة Generic و مش Innovative

[Ghosts]

ياترى صاحب الموضوع ....
قرر يجيب أنهى عربية ولا لسة محتاااااار ؟؟؟؟
عارفين يا جماعة لو مكانتش ال RB نزلت و كانت المقارنة مابين الأكسنت العادية و الجين 2 ....
مكناش أحتارنا كدة لأن الجين 2 أشيك منها 1000 مرة لكن الموديلات الجديدة أو الجيل التالت للهيونداى ....
يالهوااااااااااااااااااااااااااااااااااى مش ممكن الشياكة و التصميم الثورى المستقبلى الرائع دة .....
أنا لسة أمبارح شايف الألنترا الجديدة كنت فعلآ هتجنن ....
الموديلات الجديدة دى خلت السيراتو بقت فيرنا ....
أة لو كان فى ال RB أوبشنز الجين 2 ....
مكانش هيبقى فى مشكلة ....

[MoH.SaLaDiN]

السلام عليكم اولا
احب اقول لحضرتك طبعا تستخير ربنا اولا وتاخد برايى ملاك السيارتين ثانيا عشان تتعرف على مميزات وعيوب كل عربية انا شايف انك لازم تحدد ايه اللى يفرق معاك فى العربية مثلا
1 لو سيادتك بتسافر على طرق كتير او من محبى الشد والسرعات العالية (يبقى تجيب الجين تو وانت مغمض لان الاكسنت ذى الورقة مافيهاش ثبات خالص خفيفة جدا على الطريق وطبعا مافيش ثبات على الملفات اطلاقا ده غير ان وسائل الامان غير متوفرة الا فى الفئات العالية ودى طبعا اغلا وبرده محلتش مشكلة الثبات واخيرا برده صاج الجين تو اقوى من الاكسنت )
2 بالنسبة لو حضرتك بتحب الابشنز والكماليات يبقى برده الجين تو تتفوق على الاكسنت الفئة الاولى
3 بالنسبة للخامات فاقدر اقولك ان مستوى الخامات سئ فى كل العربيات الكورى وبرده الجين تو انا صاحبى معاه اكسنت 2012 جلد الدريكسيون قشر والعربية لسه مابقالهاش سنة !!!!!!!
4 لو كل اللى فات ده يهمك فى العربية من اي حاجة تانية فاشترى الجين تو وتوكل على الله بس لو انت من النوع اللى عايز عربية تكون سعر اعادة بيعها كويس وقطع غيارها متوفرة و صيانتها منتشرة فى كل الورش الخارجية يعنى من الاخر عايز تركب عربية تمشى بيها جوة البلدومش عايز وجع دماغ فى الصيانة او قطع الغيار فاشترى الاكسنت وممكن برده تفكر فى الصنى الجديدة مش وحشة اعتقد انها الوسط بين العربيتين دول والله اعلم وربنا يوفقك فى الشراء

[Sealion]

عارف العقل لية بيقول الجين 2 ؟؟؟
عشان العربية فعلآ فيها كل حااااااااااااجة ....
أمان , abs & ebd , ثبات , صاج قوى , 2 وسائد هوائية ....
شكل جميل , مالتى فانكشن , باركينج سينسور , جنوط سبور , فتح شنطة العربية بالريموت ....
كل الحاجاااااات دى مش موجودة فى ال rb اللى سعرها 94000 جنية ....
ال rb تتميز بحاجتين أتنين بس وهما الشكل وسعر أعادة البيع ....
والشكل مع أنتشارها لازم هتزهق منة زى السيراتو ....
وسعر أعادة البيع بالنسبة للجين 2 بدأ يرتفع ....
لأنها بقت منتشرة أكتر من الأول ....

الجين تو سياره ماشاء الله انا معايا موديل ٢٠١٠ الحمد لله ثبات وقوه موتور ٠بالنسبه لقطع الغيار متوفره حاليا في السوق عن قبل ٠بس عيوب الخامات بتاعت الصالون متوسطه الجوده لكن ابدا لا اعتقد ان يعيب العربيه في اى شئ ٠علي فكره كان عندي سيات ابيزا قبل كده ومش حاسس باى فرق من حيث المشاكل العاديه اللي بتحصل في سياره دي زي دي٠ بشكل عام الجين تو عربيه ممتازه بشكل عام في الامان والسلامه برده٠

[M I D O]

جين 2 احسن بس للاسف استحمل التوكيل لانة زبالة

[ahmzd]

ماركة بروتون ماركة محترمة جدا .. ولكنها غير مخدومة في مصر كما ينبغي .. والله أعلم .