بيكانتو 2005 ولا بولو 2001

[tutankhamoun]

أنا في رأيي الشخصي البحت
بيكانتو 2005 أفضل من بولو 2001
ده فرق 5 سنين كاملين بينهم

و على فكرة البولو عربية عادية جدا ............ إن كانت ألماني أو أسباني و ثمنها في أوروبا مُستعمل واقع ( لغاية موديلات 2004 تقريبا أو 2003 )

و الأثنين موتورهم ضعيف و لكن كويس جدا في توفير البنزين
و برضة الأثنين مش بتوع تكييف
لأن التكييف بيحط على العربية و بيقلل السحب اللي هو أصلا ضعيف

و في النهاية البيكانتو
شكل أحلى و موديل أحدث و طبعا الحالة تفرق جامد معاك

[mohamed1992]

طيب هو في عربيات اتوماتيك بنسعر 60 الف مثل البيكانتو مش فارقة سيدان او هاتش باك المهم في

[NaderNabil]

لانسر كريستالة99-2000
هوندا سيفيك 92

دول اللي في بالي حاليا

[SEATLOVER]

طيب انا عاوز اعرف الفرق بين البيكانتو وال C3 و هو الC3 يوجد بها
اير باج والبيكانتو ايضا يوجد بها اير باج

لا فى الحالة دى البيكانتو افضل (لاسباب وظروف فى البلد مش اكتر )
والبيكانتو اخف ضرراً

[emadspeed]

حدوخكم تانى معلش البولو 2001 ولا الجوليت

انا بجد بشكر كل اللى رد عليا وده كان متوقع الحقيقة من احلى منتدى سيارات فى مصر
وبصراحة اللى مستغربله ان فعلا البيكانتو وانا بدور بتقع تحت ايدى كتير وناس كتير اوى عرضنها للبيع رغم انها موديل جديد وده بصراحة مش مطمنى خالص وده خلانى استبعدها من اختياراتى ولو مؤقتاً بعكس البولو اللى فين وفين لما بلاقى حاجة منها مستعمل ولما بلاقى منها مستعمل بلاقيه حالته مش حلوة

[amr_elrashidy]

الجولييت عربية مش وحشة..بس استهلاكها عالى فى البنزين و بعدين البنزين بقى بتاع علية القوم..انما فيها ميزة ان قطع غيارها ارخص كتيييييييييييييييييييييييييييييييير و اسهل فى الصيانة..و بعدين انا مش عاوز اقولك غير كفاية تقارن صالون العربيتين ببعض..حتلاقى فرق للبولو كبير من حيث الخامات و التقفيل الممتاز..و طبعا عفشة الجولييت زبالة..و الاهم بقى ان فرامل الجولييت تخليك متركبش العربية دى لانها جراية اوى و لازم تكون فراملها قوية .