مقارنة بطريقة تانية

[M.Alaa92]

كل سنة و انتم طيبين و يارب يعود علينا الايام دى بالخير يا رب

مبدئيا انا بفكر معاكو بصوت عالى شوية المهم دلوقتى احنا عندنا نوبيرا 2001 مانيوال العربية حلوة جداااا وثابته و طيارة و قطع الغيار الاصلية متوفرة و معمرة جدااا فيها
و العربية بقالها معانا سنتين بسم الله ماشاء الله مريحانا كلنا و ربنا يديمها نعمة و يحفظها من الزوال بس اعمل اية ف حاسس انى جبت اخرها معايا مش حاسس انى قادر اتقبلها خالص بس باكد ان العربية معملتش دقات نقص خالص معانا طول فترة خدمتها و عايز اغيرها و احس انى غيرت فعلا من نوبيرا

نقول مثلا حتجيب 40 او 42 الف بالكتير ( بالمناسبة رينجها كام ف السوق) و نقول الحج يقدر يزود 20-30 ع اقصى تقدير يبقى المجموع 62 ع اقل تقدير 72 ع اقصى تقدير

انا عارف انى طولت و صدعتكو الملخص عاوز قايمة بكل العربيات و موديلاتها من 62 الف ل 72 الف احس فيها انى غيرت

العربية ياريت بكل العربيات و الموديلات عشان ايد لوحدها متسقفش ف اللى عارف حاجة يكتب و اللى عارف و

مش حيكتب

الف شكر يا رجالة

سلامو عليكووووووو

[beshomilan]

عندك لانسر 2006.7
وفيه ميجان 2005 وفيه اوبل كورسا 2005.6 واسترا 2004 وفيه صنى 2006.7.8
وفيه كورولا 2002 وفيه هوندا سيفيك 2001 وفيه اوبترا 2006.7.8.9

ربنا يوفقك

[M.Alaa92]

الله ينور يا بيشو مجهود رائع
بس هل كله هاى لاين اوتو؟؟؟؟ اصلى خلاص اتنفخت من المانيوال مع انى كنت بعشقو

[beshomilan]

بص ياسيدى
كله هتلاقيه فيه منه اوتو ماعادا الاوبل كورسا والكورولا
وهتلاقى منه كمان هاى لاين..بس حتى المانيوال هتكون فول اوبشن متقلقش او انقص بعد الحاجات الصغيرة

بس انا شايف العملى جدا والرائع فيهم اللانسر والصنى
الميجان ممتازة لا جدال عليها بس موديل 2005 مش كويس والافضل 2008

الاوبل كورسا برضه ممتازة بس مش هتحس بنفس حجم النوبيرا اطلاقا وفرق شاسع بين قطع غيار الاتنين

الاسترا ممتازة لو 2004 او 2005 هتكون عربية وهم بس تحمل موضوع قطع الغيار ومش اى حد يشتغل فيها بس هتاخد منها فرامل abs واير باجدز واحتمالات مثبت سرعة وجنوط وامكانيات جامده

الكورولا حلوة بس ده ارخص موديل فى الكورولا وهتلاقيها حالتها متوسطة ومانيوال بس

السيفيك شكل قديم كلاسيكى بس عربية طبعا يكفى انها من هوندا

الاوبترا عملية جدا ويمكن دى قريبة جدا من عربيتك بس انا ميال للانسر والصنى لانهم يابانى

[ayman1204]

ما تفكر تجيب حاجة زيرو ومثلا تقعد معاك لحد 50 الف كيو وتبعها ةهتبقى ليها سوق لانها مكملتش 50 الف والكلام دا

فكر فى الزيرو فى حدود 70 الف >> رينو لوجان

[M.Alaa92]

ما تفكر تجيب حاجة زيرو ومثلا تقعد معاك لحد 50 الف كيو وتبعها ةهتبقى ليها سوق لانها مكملتش 50 الف والكلام دا

فكر فى الزيرو فى حدود 70 الف >> رينو لوجان

انا لو فكرت ف الزيرو ف الفئة دى حيبقى يا لوجان يا ساجا يا فيرنا يا لانوس و دول كلهم اقل من النوبيرا اللى معايا انا عاوز اغير لحاجة اعلى مش حاجة اقل من اللى معايا

[M.Alaa92]

بص ياسيدى
كله هتلاقيه فيه منه اوتو ماعادا الاوبل كورسا والكورولا
وهتلاقى منه كمان هاى لاين..بس حتى المانيوال هتكون فول اوبشن متقلقش او انقص بعد الحاجات الصغيرة

بس انا شايف العملى جدا والرائع فيهم اللانسر والصنى
الميجان ممتازة لا جدال عليها بس موديل 2005 مش كويس والافضل 2008

الاوبل كورسا برضه ممتازة بس مش هتحس بنفس حجم النوبيرا اطلاقا وفرق شاسع بين قطع غيار الاتنين

الاسترا ممتازة لو 2004 او 2005 هتكون عربية وهم بس تحمل موضوع قطع الغيار ومش اى حد يشتغل فيها بس هتاخد منها فرامل abs واير باجدز واحتمالات مثبت سرعة وجنوط وامكانيات جامده

الكورولا حلوة بس ده ارخص موديل فى الكورولا وهتلاقيها حالتها متوسطة ومانيوال بس

السيفيك شكل قديم كلاسيكى بس عربية طبعا يكفى انها من هوندا

الاوبترا عملية جدا ويمكن دى قريبة جدا من عربيتك بس انا ميال للانسر والصنى لانهم يابانى

هى الفكرة انى عاوز اغير و اركب حاجة اعلى من الكورى
و بالنسبالى الانسر و الصنى قريبين جداا من النوبيرا
الكورولا مش عاوز مانيوال لانى زهقت منو ف الزحمة
الهوندا ممكن بس لو تعرف اخبار قط الغيار اية يبقى 100/100
الميجان الصراحة داخلة دماغى و بفكر ف الاوكتافيا و الدبانة و الجولف و الجين 2