فيرنا ولا بريليانس frv ولا استرا او كورسا ؟؟

[beshomilan]

ياجماعة انا محتار
بقارن بين فيرنا من اول 2005 لحد مثلا 2008
وبريليانس frv موديل 2009
ولا استرا 2001 ال 1200 سى سى
ولا كورسا 2004

انهى الافضل وخصوصا ان كلهم فى نفس حدود السعر

انا عاجبنى شكل البرليانس جدا لانها شبابى اوى وموديلها قريب عشان 2009 وكمان اللى بيبيعها بتكون عاملة كم قليل وبتكون حالتها كويتها عكس الفرنا بس خايف اوى من عدم انتشارها وغلو قطع غيارها
الفيرنا شكلها تقليدى مش انسيابى بس طبعا مصر كلها معاها فرنا وقطع غيارها مترمية وصيانتها اسهل بكتير
حلمى اركب اوبل استرا او كورسا اوى بس خايف اوى اوى من اسعار قطع الغيار وصيانتها خاصتا انى نازل من اكسيل كورى والفرق شاسع مابين اسعار قطع غيار دى ودى

مش عارف اعمل ايه واختار انهى

[DarkMagician]

بص لو ربنا كرمك ووقعت في كورسا 2004 نضيفة يبقى اتوكل على الله وصحيح قطع الالماني غالية بس الناس بتقول انو معمر وحاول تاخد معاك ناس فاهمة وزبط الدنيا كده وربنا يكرمك بالافضل

[إبراهيم المصرى]

astra 1200

[beshomilan]

اشكركم للردود القيمة
وواضح ان الاوبل سواء الكورسا او الاسترا هم افضل
بس انا ميال اكتر للاسترا لانها 1200 سى سى عكس الكورسا ال 1600 فأعتقد انها هتكون موفرة جدا فى البنزين..ولا ايه؟؟بس التكييف هيكون كويس فى الاسترا ال 1200 سى سى؟؟
وكمان بحس ان صاج الاسترا انشف من الكورسا بكتير واعتقد ده واضح برضه..ولا ايه؟؟

ممكن استاذ ابراهيم او حد من ملاك الاسترا يقولى مزايا وعيوب الاسترا والكورسا؟؟وياريت اعرف بيتحطلهم بنزين ايه؟؟
والبريليانس؟؟اخبارها ايه
طبعا انا الفيرنا عارفها وحافظها

بس معنى ردودكم كده انسى افيرنا والبريليانس تماما؟؟؟

علما ان سواقتى هادية واستعمالى للعربية خفيف ومحتاج حاجة موفره فى البنزين اوى

[MOUSTAFA_SAAD]

على حسب الحاله
الاوبل ثم البريليانس عربيه تحفه

[damasry]

انا معايا اوبل كورسا ١٦٠٠ وقطع الغيار انا مغيرتش حاجة غير عغشة عشان انا بمشى فى طرق مكسرة كتير

غير كده تيل مثلا ب١٦٠ المانى، ديسكات ٣٢٠ برازيلى اصلى، فلتر هوا ب٣٥ زيت ب٢٥ تكييف ب١١٠

لو محتاج سؤال على اى حاجة تانية بخصوص الكورسا انا تحت امرك

[damasry]

وبالنسبة للبنزين فالموصى للعربية بنزين ٩٠ وانا بحطلها ٩٢

[M.Alaa92]

كورسا عشان موديل عالى 2004
استرا لو انت عاوز عربية موفرة ف البنزين
الفيرنا ابعد عنها هى موتور و تكيف و اتركبلها شاسية خفيف
و بالنسبة للتكيف معروف ان الاوروبى ف التبريد اقل من اليابانى و الكورى

[beshomilan]

اشكركم اخواتى للردود

الاوبل ثم البريليانس عربيه تحفه

حضرتك قلت على البريليانس تحفة انا نفسى حد من ملاكها يقولى اخبارها ايه

انا معايا اوبل كورسا ١٦٠٠ وقطع الغيار انا مغيرتش حاجة غير عغشة عشان انا بمشى فى طرق مكسرة كتير

غير كده تيل مثلا ب١٦٠ المانى، ديسكات ٣٢٠ برازيلى اصلى، فلتر هوا ب٣٥ زيت ب٢٥ تكييف ب١١٠

لو محتاج سؤال على اى حاجة تانية بخصوص الكورسا انا تحت امرك

يااااااااااه دى اسعار قطع غيارها فعلا ممتازة ومش غالية ولا حاجة..يعنى التيل المانى ب 160 ميعتبرش غالى جدا وخاصتا ان فيه اكيد ارخص منه..والفلاتر والحاجات دى..
بس انا احساسى ان الصاج للاسترا قوى جدا واقوى من الكورسا..وكمان الاسترا 1200 فهتكون موفره اكتر فى البنزين..
طب واخبار التكييف فى الكورسا ايه؟؟وياترى فى الاسترا بيأثر على السحب عشان 1200 ولا عادى؟؟
وياترى كل الميكانيكية يقدروا يشتغلوا فى الكورسا او الاسترا ولا لازم ناس معينة؟؟

[beshomilan]

معلش سؤال اخر هى البولو السيدان العيون موديل 2005 ايه اخبارها؟؟كويسة ولا لا؟؟

[damasry]

يااااااااااه دى اسعار قطع غيارها فعلا ممتازة ومش غالية ولا حاجة..يعنى التيل المانى ب 160 ميعتبرش غالى جدا وخاصتا ان فيه اكيد ارخص منه فيه منه ب١٠٠ و١٥٠ و١٧٥ ..والفلاتر والحاجات دى..
بس انا احساسى ان الصاج للاسترا قوى جدا واقوى من الكورسا..
انا معرفش صاج الاسترا بس صاج الكورسا قوى جدا وكمان طبقتين صاج للابواب والكبوت تقيل

وكمان الاسترا 1200 فهتكون موفره اكتر فى البنزين..
اكيد ها تكون اوفر من الكورسا خصوصا ان الاسترا موتور ايكوتيك المانى ذو تكنولوجيا موفرة للبنزين

طب واخبار التكييف فى الكورسا ايه؟؟وياترى فى الاسترا بيأثر على السحب عشان 1200 ولا عادى؟؟
التكييف كويس فى الكورسا بس عيبه انك لما تقفله اثره بيروح فى العربية على طول وده يمكن عشان العربية صغيرة شوية والحرارة بتتجمع فيها بسهولة.
معرفش الصراحة بخصوص تأثير التكييف على الاسترا لكن للكورسا يكاد لا يذكر

وياترى كل الميكانيكية يقدروا يشتغلوا فى الكورسا او الاسترا ولا لازم ناس معينة؟؟
بالنسبة لموتور الكورسا اعتقد عادى لان الموتور ده نصه الفوقانى دايو
اما بالنسبة للاسترا فاعتقد لازم متخصصين اوبل وكده كده فيه منهم كتير لو رسيت على الاوبل

[beshomilan]

اشكرك استاذى العزيز للرد والافاده جدااا
ومستنى رد حد على البريليانس

[damasry]

العفو

[إبراهيم المصرى]

اشكركم للردود القيمة
وواضح ان الاوبل سواء الكورسا او الاسترا هم افضل
بس انا ميال اكتر للاسترا لانها 1200 سى سى عكس الكورسا ال 1600 فأعتقد انها هتكون موفرة جدا فى البنزين..ولا ايه؟؟بس التكييف هيكون كويس فى الاسترا ال 1200 سى سى؟؟
وكمان بحس ان صاج الاسترا انشف من الكورسا بكتير واعتقد ده واضح برضه..ولا ايه؟؟

ممكن استاذ ابراهيم او حد من ملاك الاسترا يقولى مزايا وعيوب الاسترا والكورسا؟؟وياريت اعرف بيتحطلهم بنزين ايه؟؟
والبريليانس؟؟اخبارها ايه
طبعا انا الفيرنا عارفها وحافظها

[justify]
السلام عليكم
بالنسبه لمزايا الاسترا
1- زى ما حضرتك قولت علشان 1200 سى سى فهى موفره فى البنزين وانا عن نفسى بأكدلك هذه المعلومه فهى ما شاء الله عليها فعلا بنسى شكل البنزينه وحتى مع التكيف برضه استهلاكها ممتاز انا بحطلها 92 ومعتقدش ان ال 90 فيه مشكله.
2- ثباتها ممتاز 3- وتكيفها زى الفل مع اعتبار انها 1200 انا مشغله باستمرار فى الحر ما شاء الله ثلاجه والمروحه سرعتها ممتازه امبارح عملت مشوار من المطار الى المعادى وكنا مليين العربيه اربعه غيرى والكل قالولى وطى التكييف علشان بردنا وكان على اتنين بس وعملت على واحد وكان زى الفل انا بخلى بالى مش بقرص عليها والتكيف شغال.4- صالونها محترم ومش صغيرومعقول جداًوعلى فكره اكبر من الكورسا.
بالنسبه للعيوب بأمانه
1-لازم الميكانيكى يكون حريف أوبل وكان شغال فى التوكيل يعنى مش اى ميكانيكى والكلام ده خصوصا للأسترا بوجه عام و1200 خصوصاً.
2- قطع الغيار غاليه شويه بس بتعمر .
[/justify]

[MOUSTAFA_SAAD]

اشكرك استاذى العزيز للرد والافاده جدااا
ومستنى رد حد على البريليانس

اعمل موضوع عن البريليانس فى القسم عندهم احسن