بيكانتو ولا i 10 أيهما أفضل ؟

[momo_h]

هل الكيا بيكانتو افضل من هيونداي اي 10 ؟ ام العكس

في بعض الناس بيقولوا أن اي 10 اوسع من البيكانتو وناس بتقول العكس

وكلام كتير عن ان توكيل هيونداي مش كويس

انا كنت عايز اعرف ايه الاحسن في العربيتين دول من حيث كل حاجة تكييف و وسع الصالون وقطع الغيار والعربية اللي تستحمل اكتر وخامات التابلوه وكل حاجه قد أكون نسيتها

من الاخر اللي عايز يشتري عربية هاتشباك يشتري اي واحدة من العربيتين دول ؟

مع العلم ان الشراء هيكون زيرو

[إبراهيم المصرى]

متابع باهتمام

[jow]

لو حضرتك قصدك موديل 2012 فهناك فرق كبير في المواصفات و السعر حيث ان البيكانتو نازله 1300 سي سي و اغلي من الموديل القديم و كذلك من ال اي 10
لكن اذا قصدك موديل 2011 العربيتين تقريبا نفس المواصفات و الامكانيات شوف انت مرتاح لاي واحده من حيث االشكل

[Akram.Gamal]

اولا السلام عليكم
بص يا سيدى عن تجربه و انا ركبت العربيتين بس ال 2011 مش 2012 خالص و مش هنتكلم عليهم اصلا
انا واحد اصلا بكره شركه اسمها كيا مصر بس للاسف الهيونداى i10 للاسف يعنى دى اصلا مش عربيه دى حته خرده حاجه كده تعبانه جدا
البيكانتو افضل منها فى كل حاجه الشكل و الراحه و الاوبشن و الصالون و العفشه و الموتور


لكن لو عايز حاجه بقا من الاخر اتفرج على شيفروليه سبارك موديل 2012 عربيه تحفه

[momo_h]

شكرا على الرودود والاهتمام بس انا في واحد صاحبي نصحني اني اجيب بالسعر ده عربية اوبل كورسا سيدان مستعملة احسن من العربيات دي وانا مش عارف هل الكورسا فعلا حلوة ولا ايه ومحتار
وقررت اخد رايي الاعضاء في منتدي الاوبل يفيدوني ولو حد برده يعرف حاجه عن العربية الكورسا السيدان يا ريت يقولي

[M.Alaa92]

ف الموديلات قبل 2012
مقارنة موضوعية

http://www.nilemotors.net/Nile/61357-110.html

[sasa2011]

انصحك بشيفورلية سبارك الشكل الجديد بـــ 72 الف افضل من الكيا بيكانتو وال i10 بمراحل والشكل مقولكش رائعةةةةةةةةةةةةةةةةةةةةةةةةةةةةةةةةةةةةةةةة

[A.Saad]

بص يا سيدى عن تجربه و انا ركبت العربيتين بس ال 2011 مش 2012 خالص و مش هنتكلم عليهم اصلا
انا واحد اصلا بكره شركه اسمها كيا مصر بس للاسف الهيونداى i10 للاسف يعنى دى اصلا مش عربيه دى حته خرده حاجه كده تعبانه جدا
البيكانتو افضل منها فى كل حاجه الشكل و الراحه و الاوبشن و الصالون و العفشه و الموتور

توكيل كيا افضل من شيفرولية
البيكانتو والi10 لحد 2011
نفس الشاسيه والمحرك مش مختلف كتير
66 و65 حصان
الهيونداى اشيك من جوة والكرسى اريح
وقطع غيارها اغلى
عفشة البيكانتو ناشفة لكن مش قارنتها بالهيونداى

[A.Saad]

البيكانتو 1000cc بحوالى 66 الف
وال 1300 فى التمانينات

[abdalah_hashem]

عن نفسى من جهة الشكل بفضل ال i10
لكن انا شايف ان الاتنين اسعارهم غالية برضة على امكانيتهم كعربيات صغيرة تمنها قرب من عربيات سيدان كبيرة كفائتها اعلى سواء داخل المدينة او فى السفر

[romar]

اللي أعرفه إن الـ آي تن هندي مش كوري، ودي نقطة تحسب للبيكانتو

[jow]

تقريبا انت مش هتلاقي كيا بيكانتو 2011 زيرو , كل الموجود 2012 فيه منها 1000 سي سي 3 اسطوانات و فيه منها 1200 سي سي 4 اسطوانات , مشكلتها انها غاليه اوي سعر الاتوماتيك الهاف اوبشن الخليجي ب 82500 و سعر الاتوماتيك الكامله الخليجي 88000 و المانوال في السبعينات
المشكله ان شكلها من قدام قبيح جدا الشكل ده عايز عربيه كبيره اوي عايز يتفرد شويه و ده رايي الشخصي
دا اللي اعرفه عن البيكانتو
الهيونداي اي 10 شكلها جميل و التعديل اللي حصل في الفوانيس الاماميه جميل و شيك سعر الاتوماتيك gl 72500 و سعر الاتوماتيك 77500 gls ارخص من البيكانتو بس 1100 سي سي

[A.Saad]

البيكانتو 2011 شفت واحدة عند المصرية او المعرض الى جنبها على كورنيش المعادى من اسبوعين
خليجى
الشكل الجديد ال 1000 سى سى بحوالى 66 الف جنيه
ال 1300 هيا اللى فى التمانيننات

[raedegypt]

هل الكيا بيكانتو افضل من هيونداي اي 10 ؟ ام العكس

في بعض الناس بيقولوا أن اي 10 اوسع من البيكانتو وناس بتقول العكس

وكلام كتير عن ان توكيل هيونداي مش كويس

انا كنت عايز اعرف ايه الاحسن في العربيتين دول من حيث كل حاجة تكييف و وسع الصالون وقطع الغيار والعربية اللي تستحمل اكتر وخامات التابلوه وكل حاجه قد أكون نسيتها

من الاخر اللي عايز يشتري عربية هاتشباك يشتري اي واحدة من العربيتين دول ؟

مع العلم ان الشراء هيكون زيرو

هو سؤال عندك استعداد تدفع 80 وفوق فى عربيه بيكانتو . يعنى عندك بدائل لو تزود شويه وتركب ار بى افضل لك اكبر وصالون وشكل ممتاز اسود او برونزى او احمر فى منتهى الشياكه . او خليك فى اى 10 ارخص ومش فارقه كثير . لو الشكل فى حدود اختيارتك البيكانتو افضل شكلآ بس هاتدفع فرق مايستاهل علشان شكل وانت قرر . الجوده فى الهيونداى طبعآ عاليه وتقفيل ممتاز

[mahamedaraby]

البيكانتو الجديده 1250 cc مش 1300 cc