مقارنه هامه

[Dr.Ahmed_Taha]

اولا السلام عليكم ورحمه الله وبركاته
ثانيا كل سنه وانتم طيبين
ورمضان كريم
ثالثا انا مش هاشترى عربيه لكن ممكن يكون فى سبيل لامتلاك سياره من العمل فى فتره قريبه
فانا محتار بين 3 عربيات
وانا قريت كل حاجه عنهم بس كل واحده منفصله
عاوز بقى اى حد خبره من الخبرات اللى عندنا هنا
يقولى لو مكانى يختار ايه
مع العلم انى هاسافر بيها كتيييييير
وياريت تبقى فى شكل نقط يعنى مثلا الفرامل ويقول الافضل الصاج السرعه الثبات وهكذا
العربيات هما
لوجان
وفيرنا
وسبيرانزا ام 11
ياريت اللى يجاوبنى يلم اغلب المكونات واللميزات والعيوب
ومعلش انا عارف انى غلس
بس اعمل ايه
معنديش حد بعد ربنا غيركم
وكل سنه وانتم طيبين
رمضان كريييييييييييم

[Sehsss]

أفضلهم اللوجان ..
مميزاتها: موتور قوي 90 حصانا ، راحة كبيرة للركاب نظرا للوسع الداخلي الكبير الذي تتميز به .. شنطة واسعة جدا (510 لتر) الموتور لا يتأثر بتشغيل التكييف .. التكييف جيد جدا .. السيارة عالية عن الأرض بما يتناسب مع الطرق السيئة في مصر .. شاسيه وعفشية ممتازين (السيارة مبنية على شاسيه من نيسان).

العيوب:
قطع غيار غالية جدا.. الصاج ضعيف جدا جدا جدا .. وخاصة الرفرفين الخلفيين .. ثبات متوسط على السرعات.. خامات الصالون فقيرة إلى حد ما .. التابلوه شكله سيء.
"أعتقد إنها صفقة رابحة مقابل سعرها .. الهاف أوبشن لسه كنت في معرض وسائل عليها أول امباره بـ 76 ألف) .. وبالتوفيق

[Dr.Ahmed_Taha]

الف شكر يا استاذنا بس السعر غريب اوى
حضرتك تقصد 67 ولا 76 اصلها مش فى السبعينات خالص تقريبا

[MOUSTAFA_SAAD]

واضح ان حضرتك دكتور فى شركة ادويه وحاتجيب العربيه دية تبع الشغل زى مااختى جابت العربيه اللوجان بتاعتنا تبع الشغل برده

عموما
الفرامل اللوجان
الثبات اللوجان
اسعار قطع الغيار الفيرنا
الوسع اللوجان
العلو عن الارض اللوجان
التسارع الفيرنا
التكييف الفيرنا
الصاج اعتقد كله دلوقتى زى بعضه
الامان اللوجان طبعا واخده 3 نجوم من 5 فى احتبارات الامان الاوروبيه

حاول برده تلف فى كل قسم لفه علشان تعرف العيوب والمميزات بمايرضى الله

[MOUSTAFA_SAAD]

سعرالهاف 66
سعر الفول 70
وسمعت انها زادت الف جنيه

[Dr.Ahmed_Taha]

جزاك الله خيرا
وانا فعلا دكتور بس لسه بشوف شركه محترمه
لانى كنت شغال فيلد بس الاقتصاد مضروب والشركات هى الافضل دلوقتى
ودعواتكم ان شاء الله
انا بعمل سكند انترفيو فى شركه كبيره وربنا يسهل
بس راى حضرتك لو حطيت الساجا فى الاختيارات ياترى هايحصل تغير ولا هاتفضل اللوجن
وسمعت ان فى مشكله فى قواعد الموتور بتاعها
هل ده صحيح

[MOUSTAFA_SAAD]

انهى مشكله فى قواعد الماتور
انت تقصد اللوجان ولاحاجه تانيه
انا شايف ان اللوجان منتشره اكتر من الساجا كتير وليها مستقبل مشرق وزى ماقولتلك برده اعتمد على نفسك شويه ودور بنفسك لان كل واحد بيشكر فى عربيته وخلاص وخلى بالك كل عربيه ليها مميزات وعيوب وتقريبا انا لخصتهم فى المقارنه السريعه اللى فوق وشوف اللى يناسبك

[M.Alaa92]

جزاك الله خيرا
بس راى حضرتك لو حطيت الساجا فى الاختيارات ياترى هايحصل تغير ولا هاتفضل اللوجن

ف الحالة دى الساجا تكسب من ناحية وسائل الامان و 1300 ف استهلاك اقل و 93 حصان زى اللوجان وكمان اوتو عشان الزحمة

[ayman1204]

الفرامل اللوجان
الصاج اللوجان
السرعه الفيرنا
الثبات اللوجان
العلو عن الارض اللوجان
اير باج اللوجان
كمبيوتر رحلات : اللوجان
حجم الشنطة اللوجان 510 لتر والوسع

http://www.nilemotors.net/Nile/224262-23.html

الثبات على 160 و 180 اللوجان ودا بتجربة منى بفديوهات
وادى الموضوع

http://www.nilemotors.net/Nile/229610-180-6-a.html

تانك البنزين 50 لتر + 20 لتر احتياطى
الامان : اللوجان 3 نجوم عكس الفيرنا مش داخلة الاختبار اصلا
مستوى الخامات والفرش اللوجان
اداء الماتور : الفيرنا
مقاس الكاتوشات اللوجان 15 عكس الفيرنا 13
العفشة : اللوجان طبعا
الصالون : اللوجان اوسع
توفير البنزين : الاثنين
التكيف : الاثنين حلوين

فى النهاية انصحك باللوجان واتوكل على الله
وقطع غيارها اصبحت فى النازل
الفانوس وصل ل 250 جنية وجوز المقاصات ب 400 جنية وصناعه تركى مش صينى يعنى معمرة
هنعوز اية اكتر من كدة

[MOUSTAFA_SAAD]

انت متاكد يا ايمن ان تنك البنزين بياخد 70 لتر بالاحتياطى وحسبتها ازاى

[Sehsss]

آسف جدا جدا 67 .. خطأ في الكتابة بس ياباشا ما تتخضش

[Sehsss]

اللوجان 90 حصان كمان مش 93

[Sehsss]

لا طبعا اللوجان تانكها 50 لتر منهم 10 احتياطي .. ما فيش عربيات 1600 تنكها 70 لتر .. ليه أمال الـ 2000 سي سي تكنها يبقى كام 100 !!!!!!!!!!!!

[Sehsss]

• رينو لوجان
• الطراز صالون
• المحرك الاساسي 1.6 / 90 / 4
• المحرك الاختياري غير متوفر
• منظومة الدفع امامى
• ناقل الحركة يدوى 5
• الطول 4250
• العرض 1740
• الارتفاع 1525
• قاعدة العجلات 2630
• وزن السيارة 980
• سعة خزان الوقود 50
• من 0 الى 100 كلم 11.5
• السرعة القصوى 175
• معدل استهلاك الوقود 7.3

[MOUSTAFA_SAAD]

على فكره هى تنطها فعلا اكتر من 50لتر انا لما اللمبه نورت مونت 53 لتر وكانت لسه يدوبك منوره يعنى ممكن توصل ل60 لتر بالاحتياطى لكن مماعتقدشى انها توصل 70 لتر