برجاااااااء النصيحة بيجو 206 ولا رينو كليو

[Reem]

سلام عليكم جميعا
انا الحقيقة محتاجة نصيحتكم يا جماعة , اناعايزه اجيب عربيه في حدود 45-55 الف و كنت دورت كتير بس اكتر اختيارين ارتحتلهم هم بيجو 206 و رينو كليو

اولا عايزة اعرف ايه رايكو في اختياري ده يعني مش الفرنساوي فعلا احسن من الكوري (فيرنا او اكسنت او دايو) و
ثانيا بقي تفتكروا ايهما افضل 206 ولا الكليو
و هي دي اهم احتياجاتي:
1-اهم حاجة تكون عربية اقدر اعتمد عليها و متكونش كثيره الاعطال
2-ميهمنيش اوي سحب شديد للعربية او انها تجري و كده علشان انا مش من هواه السرعات العاليه
3-استهلاك بنزين اقتصادي
4-توافر قطع الغيار و اسعار معقوله نسبيا

مع العلم اني معروض عليا 206 موديل 2005 و 1400سي سي ب55000 و عامله 50000 كيلو
و كليو موديل 2003و 1200 سي سي ب 48000 و عامله 60000 كيلو
يا ريت يا جماعه رايكم , جزاكم الله خيرااااااااا

[mohamed ibiza]

طالما 206 1400 سي سي يبقي اكيييييييييييييييييييييييييييييييييييييييييد 206 عربية ممتازة بس بلاش ال 1100 سي سي باين عشان انا بفرتكها بالابيزا 94 بس عربية ممتازة ال 206 1400












Ibiiiiiiiiiiiiiiiiiiiiiiiiiiiiiiiiizzzzzzzzzzzzzzz zzzzzzaaaaaaaaaaaaaaaaaaaa For Ever

[Eng.Sameh]

206 ، من غير حيرة ولا تفكير ، اكيد احسن بكتيييير

[kimo-nubira]

في اختيارات كتير في حدود المبلغ اللي معاكي احسن من ال 206 والرينو كليو وبما انك بتفكري في عربيه قطع غيرها رخيصه نسبيا فا انصحك

تبعدي عن الاختيارين لان قطع غيار العربيات الفرنساوي عموما غاليه ومش متوفره زي بقيه الانواع لاكن موجوده للي يدور .... وفكري في اعاده

البيع لو العربيه معجبتكيش لاقدر هل مطلوبين في سوق السيارات بمعني تاني هل سعر اعاده البيع هايكون كويس ولا لاءه .... فانصيحه تبعدي

عن الرينو خالص في الموضوع ده سعر اعاده البيع بتعها وحش جدا وممكن تخسري فيها كتير لانها عربيه مش مطلوبه .... نصيحه من اخ بلاش الكيلو نهائي ..

حاولتي تفكري في الانوس كسر زيرو فول اوبشن ؟؟

[BESO_08_78]

I Think 206 Or Clio
But 206 Is Better In After Sale

[أبو عبدالله]

العربيتين قطع غيار غاليه
بالنسبة لسعرهم

خصوصا ان سعر اعادة البيع لهم مش جيد خالص

والأتنين عفشة غير جيده مقارنه بعربيات في نفس السعر بتاعهم

1-اهم حاجة تكون عربية اقدر اعتمد عليها و متكونش كثيره الاعطال
2-ميهمنيش اوي سحب شديد للعربية او انها تجري و كده علشان انا مش من هواه السرعات العاليه
3-استهلاك بنزين اقتصادي
4-توافر قطع الغيار و اسعار معقوله نسبيا

اعتماد وعدم وجود اعطال يبقى مش الاتنين دول
توافر قطع الغيار واسعارها برضه يبقى مش الأتنين دول

انا رايي لو تشوفي لانسر كريستاله او تويوتا كورولا عيون او ممكن لو زيروا يبقى برودا كيليسا بــ 52 الف

[hazem_khidr]

بيجو 206 بالتاكيد

[waleed24ag]

انا رأي بيجو 206 طبعا جميله و تحفه و مكانيكيه اعلي

[Reem]

العربيتين قطع غيار غاليه
بالنسبة لسعرهم

خصوصا ان سعر اعادة البيع لهم مش جيد خالص

والأتنين عفشة غير جيده مقارنه بعربيات في نفس السعر بتاعهم



اعتماد وعدم وجود اعطال يبقى مش الاتنين دول
توافر قطع الغيار واسعارها برضه يبقى مش الأتنين دول

انا رايي لو تشوفي لانسر كريستاله او تويوتا كورولا عيون او ممكن لو زيروا يبقى برودا كيليسا بــ 52 الف

متشكرة جدا لاهتمام حضرتك اكيييد و كل اللي ردوا
هو انا الحقيقه مش مهتمه بسعر اعاده البيع علشان انا مش هفكر اغيرها قبل 5 سنين مثلا و اصلا انا شارياها مستعمله
بالنسبه لللانسر كريستاله او تويوتا كورولا عيون انا استبعدتهم علشان شكلهم قديم شويه و كمان هيبقوا مشيين كتييير و انا عايزه حاجه بعد2004 و شكلها جديد , فكان قدامي الكليو او ال206 او الكوري بقي -لانوس او فيرنا اللي انا مش مرتحالهم برده الحقيقه و حسيت ان الفرنساوي اجمد و يعتمد عليه حتي لو اغلي سنه يعني-
بس هو انا خفت جدا الحقيقه من كلام حضرتك
"اعتماد وعدم وجود اعطال يبقى مش الاتنين دول " :(

[Reem]

حاولتي تفكري في الانوس كسر زيرو فول اوبشن ؟؟

هو انا بس مجرد حسب ما بسمع ان الكوري مش اد كده و ان الفرنساوي احسن و يا ريت حضرتك تصلحلي معلوماتي لو غلط
بس انا لو فكرت كوري فيبقي الافيو بالنسبالي افضل من الانوس

[kimo-nubira]

هو انا بس مجرد حسب ما بسمع ان الكوري مش اد كده و ان الفرنساوي احسن و يا ريت حضرتك تصلحلي معلوماتي لو غلط
بس انا لو فكرت كوري فيبقي الافيو بالنسبالي افضل من الانوس

بصي ياريم الفرنساوي احسن ك ماتور والفرق مش كبير اوووووي ... بس يمكن يكون احسن في العافشه والله اعلم بارضو احسن ولا لاءه

..... بس المشكله في قطع الغيار الفرنساوى قليله موووت .. وسعر اعاده البيع بارضو مشكله .... اما بلانسبه للكوري فهو في سعر اعاده البيع

حلو جدا وقطع غيار متوفره جدا ورخيصه جدا .... الافيو حلوه جدا ... وهى هى اللانوس مافيش فرق كبير ماتور الافيو هو ماتور اللانوس

وعلي فكره انا عريبتي كوري وكنت شاريها بنفس السعر ده تقريبا وكانت حلتها كويسه جدا ساعت ما اشترتها بس انا مقدرش ارشحلك نوبيرا هاتبقي

كبيره عليكي جدا وهى بقلها معايه دلوقتي بقلها 8 شهور والحمدلله ماشتكتش منها فا الكوري عموما والله ممتاز وسعر اعاده بيعه حلو جدا لانه

مطلوب كتير فا الافيو ان شاء الله يكون اختيار موفق وبارضو خدي اراء الناس بس عن نفسي ارشحلك لانوس او افيو الاتنين حلوين وربنا يوفقك لل فيه الخير والصالح ليكي ان شاء الله

[ASD peugeot]

البيجو 206 روعه بجد و نفسي اشتريها و المعروضه عليكي دي تعتبر ممتازه توكلي علي الله
ادخلي علي الرابط ده في قسم البيجو فيه معلومان عن 206

http://www.nilemotors.net/Nile/showthread.php?t=20887

[mido_osman]

كليو ولا 206
اكيد ال 206
وكمان في عربيات تاني في نفس السعر ده
skoda fabia - fiat punto

للكن انا احس ان 206 انسب بالنسبة لبنت

[Ahmad Allawy]

شوفي حضرتك..
بالنسبة لكلام الاخوة انا شايفه وافي جدا..
بس احب ازود حاجات بسيطة..
بغض النظر عن سعر اعادة البيع عشان انتي اصلا هتشتري مستعمل..
السعر هيقل عن اللي اشتريتي بيه كمان.. مش مشكلة.. بس المشكلة انك هتتعبي قوي لحد ما ترقي حد يشتري.. تقيلة قوي في البيع..
لكن عشان تقارني كوري بفرنساوي ككفاءة..
اكيد الفرنساوي يكسب ثبات جامد جدا.. و عمر افتراضي اعلي بكتير..

انا هاقولك حاجة.. بناء علي كلامك في اول الموضوع..
واضح انك مش هتجري و الحاجات دي بالعربية..
مش هتفرق معاكي موضوع الثبات في حاجة..
قطع الغيار اغلي بس معمرة.. بس برضه لو استهلاكك معقول للعربية.. مش هتصرف معاكي قطع غيار كتير غير الصيانات الدورية.. ودي اللي ممكن تبقي اغلي شوية..

انا مش عايز ارغي كتير عشان ماطولش عليكي..
انا شايف ان لو وصلتي لمبلغ 55 الف يبقي ممكن تجيبي بيكانتو كسر زيرو زي الفل.. هتبقي ماشية قليل قوي..تقريبا زيرو.. و جديدة خالص.. مش اقل من 2005 يعني..
مصاريف تقريبا مفيش.. و اهم من كل حاجة استهلاك بنزين مفيش..
ودي اهم حاجات ممكن تركزي عليها.. و فوق كل ده سعر اعادة بيع محترم جدا..