corolla vs fluence

[roffa1]

حابب أعرف رأيكم أجيب ايه كرولا 2012 ولا فلوانس 2012 (طبعا لما ينزلوا السوق) من ناحية كل حاجه التوكيل - الاعتماديه- البنزيين (سامع ان الفلوانس يفضل ليها ال95 )_ قوة التكييف _ الامان - قطع الغيار- الاوبشنز باختصار كل حاجة
أنا بتكلم عن فئة ال 150000 فى الاثنين

[Ghosts]

كرولا 2012 ....
أشترى عربية ليك وللسوق ....
ولا أنت مابتفكرش فى سعر أعادة البيع ؟؟؟

[SonaSteel]

واحد صاحبي امبارح قعد يوصفلي الفليونس وكماليتها ..... وهو ماشاء الله فاهم في العربيات اوي
واول مرة اشوفه موهوم بعربية كده
بس اللي اعرفه ان تكييفها اكيد مش زي الكرولا .. الياباني اقوي ماشاء الله
الاوبشنز .... اعتقد الفليونس
الامان ....... كل الاوروبي ما يتوصاش
قطع الغيار ... اكيد الكرولا ارخص علشان بقالها كتير في السوق.
-------------
بس ارجع واقول انا خايف تبقي الفليونس زي الميجان وتبقي لعنة من ناحية الcomputerized بتاعها وتخنقك
والكرولا كله شغال فيها
في انتظار رأي باقي الاعضاء.
رأي بقي لو انا معايا المبلغ ده ...... اجيب الفاتنازيا ... اهيه الماني وثبات خرافي و منتشرة وقطع غيارها متوفرة وابشنز عاليه
تقبل مروري واقعد بالعافية :))

[hugan]

لو مكانك كرولا

[omar-saad]

الفيلونس افضل
شكل جديد
خامات ممتازة
كماليات اكتر ةعلى فكر كمية الحساسات اللى كانت موجودة فى الميجان 2 قلت بكتير جدا فى الفيلونس لان العربية انتاج مشترك مع نيسان بفضل الشراكة اللى بينهم
الكورولا خلاص راحت عليها بعد ماالموديل بتاع جنوب افريقيا ضيع سمعتها
وغير انها فقييرة جد فى الكماليات
صلى استخارة وربنا يوفقك للخير

[M.Alaa92]

الفلوانس افضل بكتيـــــــر من ناحية الاوبشن والامان و الشكل الجديد و سمعتها كويسة ع عكس حوار فتيس التويوتا
و دى قايمة باسعار قطع الغيار للفلوانس

http://www.nilemotors.net/Nile/132624-a.html

[mah_khourshid]

انا لو مكانك بجد اعمل تست درايف للفلونس في توكيل العبور (اتصل واحجز التست ب 16202)
انا عايز اقول ان مش اي حد بيجيب رينو لازم يقتنع بيها وبعد كده يحبها لازم يحبها
وده اللينك الحضرتك ممكن تعرف اي حاجه تخص الفلونس

http://www.nilemotors.net/Nile/147081-a.html

[hegazy_matrix]

اكيد الفلونس أحسن, بس إشتري كوروللا عشان قطع الغيار و إعادة البيع

[ayman1204]

فلونس انا روحت التوكيل اعمل صيانه للوجان بتاعتى وركبت الفلونس
العربية دى خيال يا جدعان حاجة وهم بجد

[hic]

انا معايا فليونس 2011 العربيه ماشاء الله عليها اتوكل على الله انا معايا الفئهe-3 و الحمد لله مش ناقصها حاجه و على فكره قبل ما اشتريها اتفرجت على الكورولا طبعا عربيه جميله و فوق الوصف بس حاجه كانت بتشدنى للفليونس و كنت كل ما اتفرج على عربيه ما كنتش باشوف غير الفليونس لانها اولا شكل جديد ووسع داخلى كبير و شنطه واسعه جدا و طبعا على الامان و الثبات و الامكانيات حدث و لا حرج و ربنا يوفقك للخير

[SonaSteel]

ربنا يبارك لملاكها فيها ...... عربية انا بحبها وبصراحة مفيش حد الا لما اتفق علي جمالها
بعكس عربيات كتير ولسه جدبدة وكله بيخبط فيها :))

[أبو عبدالله]

انا رايي الكورولا أضمن واوفق في البيع والشراء وفي اعادة البيع واعتماديتها

[MOUSTAFA_SAAD]

الفلوينس

[Mandible]

انا معايا فليونس 2011 العربيه ماشاء الله عليها اتوكل على الله انا معايا الفئهe-3 و الحمد لله مش ناقصها حاجه و على فكره قبل ما اشتريها اتفرجت على الكورولا طبعا عربيه جميله و فوق الوصف بس حاجه كانت بتشدنى للفليونس و كنت كل ما اتفرج على عربيه ما كنتش باشوف غير الفليونس لانها اولا شكل جديد ووسع داخلى كبير و شنطه واسعه جدا و طبعا على الامان و الثبات و الامكانيات حدث و لا حرج و ربنا يوفقك للخير

و انا معايا الفلوينس نفس حضرتك برضو e-3 ... ماشاء الله تحس انك راكب طيارة .. انا لسا جايبها من 3 اسابيع و مقدرش استحمل مسوقهاش .. سواقتها لوحدها عالم تاني

انا كنت هقولك كورولا لو كانت ياباني زي اللي كانت بتنزل زمان .. بس دلوقتي لو همك الرفاهية و الاستمتاع و الفخامة و الرحابة خليك في الفلوانس .. لو انت بتقلق من قطع الغيار و كده .. احب اقولك ان في قطع غيار النترا الجديدة اغلى من الفلوانس .. يعني تقريبا مش هتلاقي فرق بين اسعار الفلونس و الكورولا .. و متسمعش كلام الناس اللي بتقولك سعر اعادة البيع و مش عارف ايه .. انت هتجيب عربية ب 150 الف جنيه و المفروض انها فخمة و تبيعها على طول ليه يعني !!

و بعدين في الفلوانس قضوا على كل العيوب اللي كانت فالميجان 2 يعني هي حاجة تانية تماما .. اركبها و مش هتنزل منها ان شاء الله :)