نصيحه لوجه الله تعالي

[emadhamdy]

باذن الرحمن هحجز نيو النترا 2012 ومش عارف اجبها وكيل والاخليجي

بالله عليكم اللي هيرد يراعي ربنا في كلامه لان عليه هاخد قراري

منتظر نصيحتكم وجزاكم الله خيرا

[M.Alaa92]

لو فارق معاك الضمان و كماليات اقل و موتور غير اللى نازلة بية برا (gdi ) و اللى غبور منزلو (dohc) يبقى وكيل

عاوز الكماليات اكتر و وسائل امان اعلى و الضمان ممكن تشترية يبقى الخليجى افضل

[M.Radwan]

خليك فى التوكيل لسبب مهم جدا
وهو ان الموتور الاستيراد مختلف عن موتور الوكيل
فكر فى بعد كده هتجيبله قطع غيار منين؟ وهتعلمه صيانة فين؟

[Donzi]

الوكيل افضل تحسبا لاي حاجة تحصل لا قدر الله

[blazer]

انا لو مكانك هكون فى حيره كبيره
لان الخليجى مغرى جدا
وضمان غبور مش الفظيع يعنى اللى تجرى وراه
وكمان الخليجى مبيعاته بتكون كتيره جدا وبيكون ليه ناس متخصصه شغاله فيه
انا شايف انك تسال الناس اللى اشترت الخيجى

[A.Saad]

هل بنزين مصر يناسب المحرك الخليجى gdi ؟؟؟
ده حاجة لازم تتاكد منها

[al_manara]

اكيد الخليجي افضل . والوكيل الضمان بتاعة هايعملك اية يعني ؟
لاكن انا سمعت (معلومة غير اكيدة) ان الموتور ال gdi بيتحط لة بنزين 95 .

[M.Alaa92]

انا قريتها ف قسم الهيونداى
ان قطع غيار ال gdi هى هى ال dohc
واحسن بنزين يتحطلها هو 95 و ال 92 حلو بس اوعى 90

[newcastle]

هو الخليجي gdi?
لو كده يبقى انت هتستغنى عن الضمان مقابل كماليات اعلى و موتور اقوى (بقت عربيه تانيه غير اللي بتنزلنا)
مع الوضع في الاعتبار ان gdi عايز بنزين 95
بالنسبه للون العربيه دي تحفه في اللون الابيض او المشروم او اختار اللون اللي يناسبك وربنا يباركلك فيها

[modo88]

خليك فى التوكيل لسبب مهم جدا
وهو ان الموتور الاستيراد مختلف عن موتور الوكيل
فكر فى بعد كده هتجيبله قطع غيار منين؟ وهتعلمه صيانة فين؟

علي فكره قطع الغيار الاتنين هايبقوا موجودين
بالعكس بقا الخليجي هوا اللي هايكسب وبكره الايام تثبت دا لان فيه نقطه الكل يمكن غافل عنها
بعد كدا لما الالنترا تقدم شوية والناس تصلحها بره التوكيل وتحط قطع استيراد ساعتها كل القطع اللي هاتبقا جايه من بره gdi ومش هايبقا موجود نهائي بتاع غبور
تحياتي للجميع

[Sehsss]

طبعا الخليجي أفضل بكل المقاييس.. توكل على الله واشتري ضمان

[emadhamdy]

بشكر كل اللي ردوا عليا

وبجد انا في قمه حيرتي وللاسف ردودكم حيرتني اكتر لان بعضكم بيقول وكيل والبعض بيقول خليجي

في انتظار باقي ردودكم وافادتكم ليا لاني في الاخر هعمل برائيكم بس ياريت تفيدوني مش تحيروني

جزاكم الله خيرا ورمضان كريم عليكم جميعا