النترا 2012 ولا مازدا 3 2011

[Ayman_A1]

انا معايا المازدا البيزلاين لو حد عنده استفسار فيها بعيدا عن استهلاك البنزين لأني محسبتوش يتفضل

والله واحد قريبي معاه الالنترا من شهر وللاسف لسه مركبتهاش لو جربتها هفيدكوا في الفرق

حضرتك معاك الشكل الجديد؟ وعامل كام كم .
ياريت تقولنا عموما المميزات والعيوب من وجهة نظرك؟
وخصوصاً صوت الماتور هل بيعلى نتيجة للفتيس الأربع نقلات؟
هل فيها سبورت درايف .. و Hill support (اللى بيخلى العربية ماترجعش لورا لو طالع مطلع)؟
التجميع والسحب أخباره ايه
بتحس بالنقلات ولا ناعمة؟ هل يوجد تأخير أو نتشات أو خلافه؟ النقلة بتنقل على كام اربى ام فى العادى ولو سبورت درايف بتنقل على كام ؟
العزل سواء صوت أو حرارة الماتور
قطع الغيار هل موجود برة التوكيل؟ ولو أمكن بعض أسعار.
وياريت تحاول تحسب استهلاك البنزين وتقولنا بردوا (حنتعبك شوية) :)

[medo_msmsa]

حضرتك معاك الشكل الجديد؟ وعامل كام كم .
ياريت تقولنا عموما المميزات والعيوب من وجهة نظرك؟
وخصوصاً صوت الماتور هل بيعلى نتيجة للفتيس الأربع نقلات؟
هل فيها سبورت درايف .. و hill support (اللى بيخلى العربية ماترجعش لورا لو طالع مطلع)؟
التجميع والسحب أخباره ايه
بتحس بالنقلات ولا ناعمة؟ هل يوجد تأخير أو نتشات أو خلافه؟ النقلة بتنقل على كام اربى ام فى العادى ولو سبورت درايف بتنقل على كام ؟
العزل سواء صوت أو حرارة الماتور
قطع الغيار هل موجود برة التوكيل؟ ولو أمكن بعض أسعار.
وياريت تحاول تحسب استهلاك البنزين وتقولنا بردوا (حنتعبك شوية) :)

انا هرد على حضرتك لان معايا الشكل الجديد ماشية 11600 كيلو
صوت الماتور هادي جدا حتى على السرعات العالية مش هتحس بيه لانه اساسا صوته هادي وهو على ار بي ام عالي في النقلات الاولانية
التجميع السحب كويس جدا بالنسبة لوزن العربية (1280 كيلو) وناعمه جدا
الفتيس انا شخصيا باعتبره احسن حاجة في العربية بعيدا عن موضوع ال 4 نقلات لانه نقلاته سهله جدا ومش هتحس بيها حتى لو من الاولاني للتاني والتحكم فيها فعلات كانك بتسوق مانوال لان ممكن تخليها على 2 وممكن على على 6 حسب دوستك وان كان العادي تقريبا بين 2.5 ل 3
العزل كويس جدا احسن من الشكل السابق بس معرفش اقارن لاني مجربتش عربيات كتير في الفئة دي غير الكورولا والالنترا وهو افضل من الكورولا بفرق مش كبير اما الالنترا في فرق ملحوظ جدا
قطع الغيار معرفش عنها حاجة لان الحمد لله مفيش اي مشاكل وعلى العموم انا مش هفيدك لاني في السعودية بس مثلا على سبيل المثال في صيانة ال 10 سألت على التيل لقيته 280 قدام و 300 ورا
بالنسبة لاستهلاك البنزين انا حاسس انها مظلومة مع البنزين في مصر لاني قبلها كان معايا تيدا وهي تعتبر موفرة جدا في البنزين بس الحمد لله المازدا 3 افضل بكتير جدا انا اساسا مركبتش عربية موفرة اكتر منها بما فيها اليارس والتيدا (يارس في مصر وتيدا في السعودية)

على فكرة موضوع ال 4 نقلات ده مش مقلق اوي لان اساسا وهي على 3 ار بي ام هتلاقي السرعة 115 كم انا كنت من شهرين في اجازة وكان معايا افيو لقيتها نفس الار بي ام وهي على الخامس
فوق كل حاجة انت محتاج تجرب وبعد كده احكم وان كنت واثق ان انت لو جرب مش هتسيبها
بالتوفيق وربنا يهديك للقرار الصحيح

[PoweRPassioN]

موتور و شكل و وسع و قطع غيار و فتيس و توفير بنزين بالeco system و أعاده بيع : النترا 2012
عفشه وأداء ومتعه قياده ""مع أخذ الاعتبار أن الموتور أقل في القدره"" : مازدا 3 2011

[medo_msmsa]

موتور و شكل و وسع و قطع غيار و فتيس و توفير بنزين بالeco system و أعاده بيع : النترا 2012
عفشه وأداء ومتعه قياده ""مع أخذ الاعتبار أن الموتور أقل في القدره"" : مازدا 3 2011

اختلف مع حضرتك شكل وفتيس المازدا افضل بكتير وان كان موضوع الشكل ده نسبي
لو هتبص على الفروقات يبقي عزل المازدا افضل وكمان العمر الافتراضي والفرامل وحط تحت الفرامل دي 100 خط لان فرامل المازدا ما شاء الله عليها ام الالنترا حدث ولا حرج

[Rsarabia]

موتور و شكل و وسع و قطع غيار و فتيس و توفير بنزين بالeco system و أعاده بيع : النترا 2012
عفشه وأداء ومتعه قياده ""مع أخذ الاعتبار أن الموتور أقل في القدره"" : مازدا 3 2011

+11111111111

[omar-saad]

المازدا 3
عربية تحفة
ادااء وثبات عالى وسواقة ممتعة
عيبها الصالون الخلفى ضيق شوية
وكد كدة انت مع غبور

[moro14]

العربيتين حلوين قوى و مقارنة صعبة جدا
بص صالون الالنترا 2012 اوسع بكتير من المازدا 3 بس انا شايف المازدا 3 الهاى لاين افضل لو مش فارقة معاك وسع الصالون و مش حتبيع قبل 5 سنين

+1111111111

[yasserelsayad]

فى رأى ميزة المازدا 3 فى الثبات بس الباقى كله متقارب او فى صالح الالنترا

[eng/ahmed_go]

خليك في المازدا
بالنسبة لاستهلاك البنزين هيكون اعلى في المازدا حاجة بسيطة

[tamerosman]

المازدا 3 اثبت مليون مرة و فراملها اقوى بمراحل بس المشكلة اعادة البيع و غلاء قطع الغيار

ثبات و اداء فرامل المازدا 3 زى يقارن بالالمانى زى الجيتا و الاوكتافيا

الالنترا اقل ثبات و لكن ميزتها عن المازدا توافر قطع الغيار و الانتشار

طبعا الالنترا تصميمها احدث لان المازدا 3 موديل 2011 فيس ليفت لموديل 2004


لو الاولوية للاداء : تبقى المازدا 3 بدون ادنى تفكير

لو الشكل : النترا

لو التوفير و اعادة البيع : النترا

الموضوع اولويات

[met3abe]

لو استهلاك عائلى طبعا يبقى المازدا عربية قمة الثبات والهدوء واوبشن كويس جدا

[maro007]

مازدا 3 طبعا و كفاية أنها يابانى و كل الناس تعرفها و ثبات أكتر و رياضية أكتر و الهيونداى محدش يعرف عنها حاجا لسه