ياريس ولا ميجان تو

[mohammadrashee]

السلام عليكم اخواني
كل سنه وانتو طيبين
وقبل ما حد يشتم ويقول مفيش مقارنه
انا معايا ياريس اوتوماتيك 2007 من الزيرو وقدامي دلوقتي ميحان 2007 سقف بانوراما فول اوبشن اوتوماتيك ب 80000
اولا هو ده سعر الميجان ولا لأ خصوصا ان هي فابريكه بره وجوه
ثانيا تستاهل اني ابيع الياريس ولا العربيه اللي معايا من الزيرو احسن
على فكره انا سوقت ميجان 1 وعارف انها تحفه بس المقارنه ملخبطاني



شكرا

[ramykimo]

خليك زى مانت احسن

[Mandible]

خليك في اليارس احسن .. الميجان ليها شوية مشاكل كدة معروفة

[mohammadrashee]

خليك زى مانت احسن

خليك في اليارس احسن .. الميجان ليها شوية مشاكل كدة معروفة

انا متشكر ليكو جدا بس ايه رايكم في فرق الثبات طبعا للميجان
الفخامه ميجان
الإعتماديه ميجان
التكييف ياريس
الصيانه طبعا ياريس ارخص كتييييير
انا محتااااااااااااار

[Mandible]

بص عشان اريحك .. خش شوف قسم الرينو و شوف مشاكل الميجان عملة ازاي و الناس متصدق تبيعها عشان مشاكلها .. انا مش بذم في الرينو بالعكس دي من اروع الشركات و انا ذات نفسي عندي فلوانس بس الحقيقة ان الميجان هي كانت غلطة الرينو اللي بسببها وقع اوي سوق الميجان .. خليك في اليارس .. عربية زي الفل

[ramy01011]

انت كاتب اعتمادية الميجان مع احترامي لحضرتك اليارس في الاعتمادية افضل من الميجان بكتير خليك في اليارس احسن

[mohammadrashee]

انت كاتب اعتمادية الميجان مع احترامي لحضرتك اليارس في الاعتمادية افضل من الميجان بكتير خليك في اليارس احسن

بص عشان اريحك .. خش شوف قسم الرينو و شوف مشاكل الميجان عملة ازاي و الناس متصدق تبيعها عشان مشاكلها .. انا مش بذم في الرينو بالعكس دي من اروع الشركات و انا ذات نفسي عندي فلوانس بس الحقيقة ان الميجان هي كانت غلطة الرينو اللي بسببها وقع اوي سوق الميجان .. خليك في اليارس .. عربية زي الفل

هوبا ده كله رشح الياريس عكس ما كنت متوقع
والله فرحتوني بعربيتي
بس ده حتى محدش قال ميجان خالص



شكرا لكل اللي رد

[mohamedkandel]

كل واحده فيهم فيها مميزات وعيوب وبالمقارنه هتلاقيهم قريبين من بعض لكن هقولك خليك في الياريس لاهم سببين ان سوقها حلو وكمان انها معاك من الزيرو ودي ميزه حلوه قوي

[egyptiandiver]

خليك في اليارس احسن..... شوف مشاكل الميجان عملة ازاي .....

[SYD]

كل واحده فيهم فيها مميزات وعيوب وبالمقارنه هتلاقيهم قريبين من بعض لكن هقولك خليك في الياريس لاهم سببين ان سوقها حلو وكمان انها معاك من الزيرو ودي ميزه حلوه قوي

انا مختلف مع حضرتك بصراحة في نقطة "هتلاقيهم قريبين من بعض"
الكلام دة لو بتقارن كورولا و ميجان

لكن الوضع مختلف
الياريس من العربيات التي تصنف بالعائلية الصغيرة ذات ال 1200 سي سي
لكن الميجان عائلية كبيرة وممكن تصنف ليموزين بسبب الستاير والتكييف والأيرباج وباقي الكماليات

الميجان محترمة اوي بس عيبها في الفيبر والحساسات بتاعتها وقطع غيارها المبالغ فيها بشكل هيستيري ورخص سعرها عند اعادة البيع

التويوتا عربية اعتمادية واقتصادية رقم 1

لو حضرتك هتدف فرق عشان تركب الميجان يبقي خليك زي ما انت
لو راس ف راس وعايز تجرب ركوبة الفرنساوي Go ahead

الميجان من السيارات الي ممكن تعتبرها ركوبة "يعني ايه ركوبة؟؟؟" يعني تركب وتسند علي المسند (سواء الأوسط بين الكرسيين او مسند الباب) وتريح جسمك علي الأخر وتستمتع بالقيادة في تكييف اوتو وساوند سيستم رائع وسقف بانوراما وسحب وتجميع عالي وعفشة مريحة جدا ومثبت السرعة

هي دي الركوبة (بالظبط زي الألماني)

وعموما العربيات الأسيوي ليها طعم والأوروبي ليه طعم تاني خالص

ابسط مقارنة
لون اضائة العدادات في الطابلوه
معظم الأسيوي بيتميز بالأضائة الأبيض المبهرة
والأوروبي بالأضائة البرتقالي الناصعة

ولك مطلق الحرية

والله المستعان
،
،

[beshomilan]

الياريس طبعا..دانت فى نعمة اوعى تسيبها والا تندم اوى