مقارنة بين سكودا اوكتافيا و تيوتا كرولا و بيجو 308sw

[medod]

انا عايز مقارنة بين سكودا اوكتافيا و تيوتا كرولا و بيجو 308 sw او حتى بس حد يقولى انهى احسن واحدة فيهم




مع العلم ان الاسكودا اول فئة اوتوماتيك و التيوتا اعلى فئة و البيجو اعلى فئة

[M.Alaa92]

من راى الفانتازيا الاوتو احلى بس لو فارقة معاك الكماليات اللى ف التويوتا يبقى تويوتا

[MaZaGAngeE]

من راى الفانتازيا الاوتو احلى بس لو فارقة معاك الكماليات اللى ف التويوتا يبقى تويوتا

هيه ايه الكماليات في العربيتين ؟

[MOUSTAFA_SAAD]

انا لو مكانك يبقى الالمانى بدون منازع

[الطنطاوي]

ابعد عند الاسكودا
سمعة بس
المكيف بتعاها تعبان ... التسارع مش كويس ... قطع غيار غالية ويا ليتها موجودة ... مشاكل الكمبيوتر بتعها كتيرة

من الأخر
كرولا وبس

[apoadel_vip]

ابعد عند الاسكودا
سمعة بس
المكيف بتعاها تعبان ... التسارع مش كويس ... قطع غيار غالية ويا ليتها موجودة ... مشاكل الكمبيوتر بتعها كتيرة

من الأخر
كرولا وبس

يا باشا حرام عليك الفانتازيا افضل بمراحل زانا ركبت الكرولا والفانتازيا
والله مفيش مقارنه الفانتازيا افضل بمراحل كفايه انك لماتفتح كبوت العربيه تلاقي علامة فولكس في كل مكان..الماني

[IronHead]

يا باشا حتى فى الكماليات, الفانتازيا بيزك كمالياتها اكتر من الكورولا الهاى لاين(2011 اليابانى) ثلاث اضعاف
الكورولا الهاى لاين زايدة عن الكماليات الطبيعية جنت فتحة سقف سبويلر عرة اخر حاجة ودريكسيون مالتيفنكشن وشكرا (162 الف على الكماليات الفقيرة دى كتير اوى)

الفانتازيا البيزك خد عندك : 2 تكييف (Dual Zone), دريكسيون مالتيفنكشن, 2 ثلاجة, حساس مطر, bluetooth, مثبت سرعة, مريات ضم , وحدة رفع الزجاج, مريات تعتيم, يعيبها اانها مش جراية قبل 100 وتكييفها مش زى العربيات اليبانى (الاوروبى عموما تكييفو مش زى اليبانى)

فى الاخر لو انتا غاوى يبانى وبتدور على عربيه نعمة وتكييف ثلاجة دور على الكورولا 2010 الجنوب افريقى, فيها كل الكماليات اللى ممكن يبقى نفسك فيها ومتخفش من التقفيل عشان هو كويس اوى

[sniperwolf]

يا باشا حرام عليك الفانتازيا افضل بمراحل زانا ركبت الكرولا والفانتازيا
والله مفيش مقارنه الفانتازيا افضل بمراحل كفايه انك لماتفتح كبوت العربيه تلاقي علامة فولكس في كل مكان..الماني

بس بردة هتفضل تشيكى ياباشا مهما عملو هو احسن لية يبجب فولكس اصلا..... و معلش متزعلش من كلامى

[medo_msmsa]

المقارنة بين بين الفانتازيا والكورولا غير عادلة بالمرة لان في فرق كبير في الركوبة خاصة في الفخامة والثبات والامان
لو قادر على قطع غيار الفانتازيا واعتماديتها اللي تعتبر اقل نسبيا من الياباني ممكن تفكر في السيفيك او المازدا 3

[SAMEH_FOUAD]

انت هتلاقى هنا مميزات وهنا مميزات

الفانتازيا طبعا فخامة اكتر , تقفيل افضل , امان احسن , شكل احسن بكتير واوبشن كتير

لكن يعيبها ضعف التسارع وكذلك التكييف , قطع غيار غالية , عفشة ناشفة , بس فى مقابل الثبات عالى , واوسع من الكورولا واعلى منها

بالنسبة للكورولا العربية دية بجد خاماتها كويسة ونظيفة وتقفيلها جيد جدا بردة بس يعيبها الثبات بتاعها , عفشة بتتعب بسرعة اوى , السيارة نفسها شكلها عادى جدا مش كأنها موديل 2011 , ماتورها كويس بس مش سريع وسيبك انت من 140 حصان العربية محركها 121 حصان وياريتة اداءة كويس انما على قدة وغالية على الاوبشن اللى فيها

وابعد عن البيجو خااااااااااااااااااااااااالص او الفرنساوى عموما عمرة قصير , سعرة بيقع بسرعة قطع غيارة غالية جدا , وحساس جدا يعنى اى غلطة ممكن تكلفك كتير اوى