صني ولا أوبترا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[khattab_89]

أنا بعمل مقارنة حاليا بين الصني و الأوبترا
انا عايز أعرف من أصحابها هل هي واسعة للي قاعد ورا -عربية عائلية -
أنا كمان عايز عربية معمرة
أنا من وجة نظري الأوبترا جيدة جدا عن تجربة .. توكيل شيفرولية .. خامات الصالون جيدة . تأفيل بره و عفشتها تستحمل شوارعنا العزيزة
الصني من كلام أصحابها في قسم النيسان ضيقة من ورا -ودا عيب فظيع بالنسبة ليا - بعض خاماتها رديئة ودا العيب اللي خلاني أبيع الأسبيرانزا- فية مشكلة في البويا .. أنا طولي 192 يعني هرجع الكرسي للأخر
----الصني أسم مشهوووووووووووور جدا و فخمة أوي من برة
الأتنين يتساوو في الموتور و العفشة
أرجو الأفادة :)

[yahyanaabil]

حضرتك طويل اوى جيب اوبترا عشان حضرتك لو حترجع الكرسى على الاخر مفيش حد حيقعد وراك وبعدين الصنى مفهاش خامات رديئه وبرضه الاتنين مش بيتساو فى العفشه ده على حسب كلام الناس حضرتك لو روحت قسم المقارنات حتلاقى كلام كتير جدا على العربيتين بس رأى لو حضرتك الوسع يهمك يبقى جيب اوبترا او لانسر مع العلم انا معايا صنى وما اشتكيتش منها فى حاجه

[khattab_89]

شكرا على الرد السريع يا أستاذ يحيى ...
بس يعني إيه الأتنين مش بيتساوو في العفشة ؟؟؟

[mohamed ibiza]

بص الاحسن من ناحية الاعنمادية الصني بالطبع معتقدش ان في حد يختلف في ده معايا ولا ايه؟؟؟؟بس لو عايز مساحة صالون اكبر يبقي اوبترا..........











Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zzzzzzzaaaaaaaaaaaaaaa For Ever

[mido_osman]

صني و انت مغمض
متور الصني من نيسان (طبعا الكل عارف نيسان )
و متور الاوبترا من دايو ( كوري)

[bassam nagy]

اتكل على الله
واشترى اوبترا النيسان حلوة بس بالفعل ضيقة لو قعد تلاتة على الكنبة ولو محملة بتخبط فى المطبات
الاوبترا الصالون بتاعها واسع وعربية تقفيل كورى احسن من الصنى

[aif]

مزايا النيسان ....( ex ) مش سوبر سالون
موتور ياباني
اسم عريق
عمر اطول
الموتور اقوي ( بحاجة بسيطة )
....
مزايا الاوبترا ......
كابينة اوسع
تشطيب ويقفيل اشيك
التوكيل احسن ( شوية )
قطع الغيار ارخص
......................
اعتقد الكماليات متساوية تقريبا
العفشة متشابهه تقريبا
الثبات متساوي تقريبا
.......
انت بقي تختار ....
كنت عاوز اقولك ادخل شوف صور الاوبترا بالتفصيل ..... لكن الصور طارت من الموضوع ...ممكن تشوف التقييم لغاية ما احاول ارجع الصور الرابط هو :

http://www.nilemotors.net/Nile/showthread.php?p=257580#post257580

انا شايف انك ممكن تدخل السيراتو في المقارنة ....بعد مشكلة التوكيل ما اتحلت ... العربية دي تحفة ....لازم تشوفها وتفكر فيها بجد

[mido_osman]

مزايا النيسان ....( ex ) مش سوبر سالون
موتور ياباني
اسم عريق
عمر اطول
الموتور اقوي ( بحاجة بسيطة )

مزايا الاوبترا ......
كابينة اوسع
تشطيب ويقفيل اشيك
التوكيل احسن ( شوية )
قطع الغيار ارخص
......................

طيب بزمتك اسم عريق ولا كبينة اوسع
عمر طويل ولا تشتطيب اشيك (محسسني ان تشتطيب الصني معفن !)
و التوكيل احسن في ايه بالظبط
ده رأي الاعضاء في توكيل شيفورليه

http://www.nilemotors.net/Nile/poll.php?do=showresults&pollid=476

و ده رأيهم في توكيل نسان

http://www.nilemotors.net/Nile/poll.php?do=showresults&pollid=459

متساوي تقريبا

و بعدين احنا عندني صني من 2002 و لغاية دلوقتي مغيرناش غير زيت و فلتر وتيل فرامل وبطارية حجات عادية يعني (بس بابا محافظ عليها)

[loai-omar]

بص باياشا
انا وقعتبارضو في الاختيار دا
بس من قبلالمنتدى في ناس كتيره اوي قالتلي ابعد عن الاوبترا

مع ان شكلها عاجبني و قلت بارضو علامة شيفورلية ايلي اودام و ورا دي مش محطوطه منظر

بس كل الناس قالولي اخت النوبيرا

و النوبيرا يعني بعد كام سنه بتشخلل
المطبات في النيسان

الحمدلله لحد دلوقتي ولا مره حكت معايا في مطبات

اكتر حموله شيلتها انا و واحد اودام و3 ورا بس كل ايلي فالعربيه كان طويل

المشكله الوحيده اني بارضو طويل و انا لازم ارجع الضهر لورا عشان متعود على كده فا كانت مشكله

غير كده انسااااااااااااااااااااااااااااااااااااااا

نيسان يا ريس و توكيلاتها حلوه

انت ممكن تروح السبع بتاع القطاميه و تشوف بنفسك التوكيل محترم ازاي

[hazem_khidr]

مزايا النيسان ....( ex ) مش سوبر سالون
موتور ياباني
اسم عريق
عمر اطول
الموتور اقوي ( بحاجة بسيطة )
....
مزايا الاوبترا ......
كابينة اوسع
تشطيب ويقفيل اشيك
التوكيل احسن ( شوية )
قطع الغيار ارخص
......................
اعتقد الكماليات متساوية تقريبا
العفشة متشابهه تقريبا
الثبات متساوي تقريبا
.......
انت بقي تختار ....
كنت عاوز اقولك ادخل شوف صور الاوبترا بالتفصيل ..... لكن الصور طارت من الموضوع ...ممكن تشوف التقييم لغاية ما احاول ارجع الصور الرابط هو :

http://www.nilemotors.net/Nile/showthread.php?p=257580#post257580

انا شايف انك ممكن تدخل السيراتو في المقارنة ....بعد مشكلة التوكيل ما اتحلت ... العربية دي تحفة ....لازم تشوفها وتفكر فيها بجد

كلام مضبوط جدا و انا مع الاستاذ احمد

[fahd_628]

مزايا النيسان ....( ex ) مش سوبر سالون
موتور ياباني
اسم عريق
عمر اطول
الموتور اقوي ( بحاجة بسيطة )
....
مزايا الاوبترا ......
كابينة اوسع
تشطيب ويقفيل اشيك
التوكيل احسن ( شوية )
قطع الغيار ارخص
......................
اعتقد الكماليات متساوية تقريبا
العفشة متشابهه تقريبا
الثبات متساوي تقريبا
.......
انت بقي تختار ....
كنت عاوز اقولك ادخل شوف صور الاوبترا بالتفصيل ..... لكن الصور طارت من الموضوع ...ممكن تشوف التقييم لغاية ما احاول ارجع الصور الرابط هو :

http://www.nilemotors.net/Nile/showthread.php?p=257580#post257580

انا شايف انك ممكن تدخل السيراتو في المقارنة ....بعد مشكلة التوكيل ما اتحلت ... العربية دي تحفة ....لازم تشوفها وتفكر فيها بجد

+1

انا مع هذا الرأى

[smartman310]

انا شايف لو انت عاوز عربيه عمليه وتعيش معاك إن شاء الله فى المستقبل ويكون ماتورها اقوى يبقى بالتأكيد الصنى وانا شايف انى الصنى مش ضيقه اوى يعنى مش فارق شاسع بينها وبين الاوبترا اينعم الاوبترا اوسع بس انا بفضلك الصنى وللك حريه الاختيااااار وبالنسبه للاوبترا فهى عربيه محترمه بس انا بافضل الصنى عنها