Tweet
لو سمحتوا يا جماعة انا عندى كورولا وسيفيك والاتنين موديل 1993 بس عاوز ابيع واحدة واظبط التانية موتور وعفشة و فلاتر وكده بس مش عارف ابيع ايه واظبط ايه عشان الشباب بيقولوى السيفيك والميكانيكية بيقولولى خليك فى الكورولا وبيع السيفيك يا ريت تساعدونىىىى عشان اعمل خطوة بعد العيد على طووول
-
-
لو سواقتك هاديه و عايز بس تشد العربيه و تظبطها للاستخدام العائلي يبقي الكرولا
لو بتاع شد و حركات بالعربيه و بتظبط العربيه علشان التعديل و الشكل يبقي السيفك[CENTER]لا تترك صلاتك أبدا فهناك الملايين تحت القبور يتمنون لو تعود بهم الحياة ليسجدوا ولو سجدة[/CENTER] -
الاثنين من احسن العربيات ال اتصنعوا وقتها وان كانت التويوتا تفوقت علي الهوندا في اجمالي المبيعات .
بس عامتا لو انت ناوي تظبط العربية كشكل وموتور وعغشة يبقي خليك في السيفيك. لان حاجات التعديل بتاعتها متوفرة جدا جدا وياما صانيعية اشتغلوا فيها وحافظينها. بس خالي بالك لو فكرت تبيعها بعد كدا مش هتجيب تمنها لانها واخدة سمعة انها بتاعت شد وبهدلة وكدا فا اي حد بيكون مقلق يشتريها خصوصا من واحد شاب ومعدل فيها.
اما الكورولا وبما اني كان معايا واحدة موديل 95 فا انا اقدر اقولك انك ممكن تعمل شغل في العربية دي يطلعها وهم بجد وهتكون مميزة جدا جدا بس هتصرف كتير شوية لان في حاجات هتشتريها من برة.( عيب التويوتا ان ملهاش حاجات متعدلة هنا كتير) يعني مثلا انت ممكن تسقط مكنة سيلفر توب بطلع 168 هورس باور ودا بيتكلف 7000 جنية كامل بالفتيس بالعفشة بتاعتة, علي عفشة كوني سبورت بحوالي 4000 جنية دا غير التعديل في الفرامل الخلفية وممكن تركب abs كمان . وبودي كت للعربية ممكن تستوردة من برة هيتكلف حوالي 5000 جنية بمصاريف الشحن او ممكن تعملة عمولة هنا , دا غير انك ممكن تعمل شغل في الانتريور بتعاها كتييييير جدا وكل حاجة تتمنها في اي عربية موديل 2010 هتلاقيها وبتاعتها الاصلية كمان بس كل حاجة وليها تمن ولو مش عاجبك شكل التابلو بتاعها انت ممكن تجيب تابلو الكورولا 99 وتركبة من غير اي مشاكل لانة نفس المقاس بالظبط. بص انت ممكن تشوف موقع ebay وتشوف اسعار الحاجات دي وتقارن براحتك.
شوف اللينك دا وحاول تقرأ كل كلمة فية لان الواد بسم الله ماشاء الله عامل شغل عالي اوي اوي في العربية
My 93' Corolla From New Zealand | TRD Forums - The place to talk TRD and Toyota!
ودا لينك تاني
Toyota Corolla ae100 GTSI | TRD Forums - The place to talk TRD and Toyota![CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
[/COLOR][/SIZE][/B][/CENTER]Comment
-
yasser basha shokran ya bacha 3ala radak w ana 3awez el3arabya tegry m3aya gamed mesh 3ashan shad w kda bas da 3ashan ana basafer ta2reban kol youm w lw felqahera bab2a da2ry w me7warComment
-
mahmoudselim تمام يا باشا ومتشكر جدا بس هو الموتور ده محاجاته مش موجوده فى الحرفيين؟ ولو كده مفيش مواتير تانية جامدة برضو بس تبقى متوفرة فى مصر ؟Comment
-
الموتور دا فعلا قطع غيارة قليلة شوية بس بتتجاب عادي يعني لو ليك سكة في الليلة دي هتعرف تجيب اي حاجة انت محتاجها .المشاركة الأصلية كتبت بواسطة blackhorsa17 مشاهدة المشاركة
في عندك ماتور 1800 وقطع الغيار قليلة برضوا
وعندك ماتور 1600 وقطع الغيار في كل مكاااااااان وبيطلع 114 هورس باور وعفي جدا
وعندك ماتور 1500 بيطلع 105 هورس باور ونفس قطع غيار ال 1600 الا في حاجات بسيطة جدا وموجودة برضوا.
وتكلفة اي موتور مع الفتيس بيعمل من 6000 ل 7000 جنية
ويا باشا لا شكر علي واجب[CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
[/COLOR][/SIZE][/B][/CENTER]Comment
-
يا باشا بجد والله شكرا جداااااااااا بس معلش سؤال اخير بالنسبة لل 1600 114 هورس ده بيركب على اى عفشة؟Comment
-
وايه هو البودى كيتComment
-
ال بودي كت دا المقصود بية الاسبويلر, الكساحات, العتب, الرفارف السبورت , الهوود (فتحة التهوية علي الكبوت) الاكصادمات السبور يعني الحاجات ال بتغير شكل العربية من برة وبتخليها سبور .المشاركة الأصلية كتبت بواسطة blackhorsa17 مشاهدة المشاركة
بالنسبة لسؤالك عن عفشة ال 1600 فا ينفع ان الموتور يتسقط علي نفس العفشة بتاعت ال 1300 مفيش مشكلة . انت بس هتحتاج تغير الضفيرة ولو العربية مفهاش باور ستيرنج هتركب علبة دركسيون .[CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
[/COLOR][/SIZE][/B][/CENTER]Comment
-
تمااااام يا باشا ومتشكر جدا و شكلى كده حبيع السيفيك وان شاء الله حنزل الحرفيين اسال على الموتور ده و لو قالولى على موتور تانى حبقى اسالك الاولComment
-
أستخير ربنا الاول وربنا يوفقك . ومتقلقش مافيش مواتير تانية لان مانزلش غير الماتور ال 2000 ودا ديزل ومش هتلاقي في مصر . بس عامتا ماتشتريش الماتور من الحرفيين انت تروح للمكان ال بيورد للحرفيين , يعني عليك وعلي المنطقة الصناعية في مدينة نصر جنب مستشفي الوفاء والامل وجنب مصنع بيبسي برضوا او ما تدخل المنطقة الصناعية اسأل علي شركة فوجي 1000 مين يدلك (الشركة دي بتاعت واحد ياباني بيستورد عربيات المعاقين وبيبعها هنا وفي نفس الوقت بيورد لتجار الحرفيين انصاص عربيات وقطع غيار وشغلهم كلة في التويوتا الوديل دا بس ولسة من قريب ابتدوا يشتغلو في موديلات اعلي شوية ) هتروح هناك هتسأل علي مهندس محمد النجار اتكلم معاه بصفة ودية كدا وهو هيظبطك وهتجيب من هناك انظف حاجة وهتكون متأكد انها لسة واصلة من اليابان يعني مفيش ايد صنايعي مصري اتمدت عليها وهتلاقي هناك مواتير ماعدتش ال 50000 كيلو يعني لسة جديدة. وربنا يوفقك يا باشاالمشاركة الأصلية كتبت بواسطة blackhorsa17 مشاهدة المشاركة[CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
[/COLOR][/SIZE][/B][/CENTER]Comment
-
ربنا يكرمك يا باشا والله بجد وان شاء الله حروحلهم وحبقى اقولك انا عملت ايه بالظبطComment
-
بس انت موافقنى فى موضوع انى اظبط الكورولا وابيع السيفيك؟Comment
-
والله يا باشا انت اكتر واحد ممكن تحكم علي الموضوع دا . بمعني شوف اي عربية من الاثنين حالتها افضل وهتصرف عليها اقل, دا غير انك اكيد بترتاح في عربية أكتر من التانية واكيد في عربية فيه اوبشن اكتر من اختها. يعني في عدة عوامل انت بتحكم علي اساسها .المشاركة الأصلية كتبت بواسطة blackhorsa17 مشاهدة المشاركة
ولو الاثنين زي بعض في كل حاجة , توكل علي الله وخلي الكورولا .[CENTER][B][SIZE=4][COLOR=Blue]اللهم صلى على محمد وعلى آله وصحبه أجمعين
[/COLOR][/SIZE][/B][/CENTER]Comment
-
تمااااااااااام يبقى حاتوكل على الله واخلى الكورولاComment
Comment