لو مكانى تشترى ايه؟؟ كارينز از لانسر بومة؟؟؟

[ramykimo]

انا عارف ان الكارينز اوسع و عائلية بس انا مش محتاج الميزة دى اوى يعنى بس فى نفس الوقت شكل الكارينز احدث و اشيك من و جه نظرى و البومه طبعا يابنى و معمرة
انا سؤالى محدد ايه عيوب الكارينز فى مقابل البومه هل فعلا فى عيوب واضحة تخلينى اتنازل عن شكل الكارينز المفضل عندى فى مقابل اعتمادية و كفاءة البومة
انا سواقتى هادية و مش مهم عندى السحب و الثبات بس اهم عندى الاعتمادية و اعادة البيع لان ده شقى عمرى

[gazzar91]

انا عارف ان الكارينز اوسع و عائلية بس انا مش محتاج الميزة دى اوى يعنى بس فى نفس الوقت شكل الكارينز احدث و اشيك من و جه نظرى و البومه طبعا يابنى و معمرة
انا سؤالى محدد ايه عيوب الكارينز فى مقابل البومه هل فعلا فى عيوب واضحة تخلينى اتنازل عن شكل الكارينز المفضل عندى فى مقابل اعتمادية و كفاءة البومة
انا سواقتى هادية و مش مهم عندى السحب و الثبات بس اهم عندى الاعتمادية و اعادة البيع لان ده شقى عمرى

استخير و توكل على الله في اللي هترتاح ليها علشان كلام حضرتك يخليني مأقدرش أفاضل في حاجة

في رعاية الله

[ahmedaglan]

طبعا الاتنين في اعادة البيع مبيخسروش اوى لكن الانسر طبعا اقوي في اعادة البيع
واذا كان حضرتك بتقول شقي عمرك يبقي خليك ف الانسر
لانها عربية اعتمادية واي حد يعرف يشتغل فيها وقطع غيارها عند البقال يعنى مش هتتعب معاها والاهم من كل دة انها يابانى
وطبعا انا مش بكرة الكارينز وهى عربية محترمة جدا وشكلها شيك ومنتشرة بس الاعتمادية الاكتر للانسر
وبالتوفيق ف القرار السليم
ومتنساش صلاة الاستخارة

[M.Alaa92]

بص اهم حاجة الاستخارة
و مدام شكل الكارينز عاجبك يبقى توكل ع الله
بس فى عيب خطير للكارينز
انها عريضة بزيادة شوية ف الحك حيبقى فيها كتير لكن لو بتعرف تتعامل مع العرض بتاع الكارينز يبقى تمام

[Abo-Islam]

الكارينز فيها عيب خطير جدا مؤكد من كل من عنده العربيه دي و هو إنها كبيره جدا على الموتور 1600 سي سي و علشان كده سحبها ضعيف و ده هيظهر معاك لو مثلا مسافر و معاك أربعة غيرك في العربية و شنطة كبيرة أو شنطتين سفر كبار و يا سلام بأه لو شغلت التكييف يبقى مش هتمشي خالص. و دور على النت و شوف كام عربيه منها معروضة للبيع كسر زيرو و بكام.

لو عاجبك الشكل دة فأنا من وجهة نظري أرشحلك النيسان الليفينا أو التيدا الهاتشباك، شكل - قوة - إعتمادية - توكيل محترم - قطع غيار أسعارها معقوله جدا مقارنةً بغيرها - سعر إعادة بيع محترم........ و خصوصا إنك بتقول دي تحويشة العمر يعني خليك في حاجه مضمونه.

[romioramy]

الكارينز فيها عيب خطير جدا مؤكد من كل من عنده العربيه دي و هو إنها كبيره جدا على الموتور 1600 سي سي و علشان كده سحبها ضعيف و ده هيظهر معاك لو مثلا مسافر و معاك أربعة غيرك في العربية و شنطة كبيرة أو شنطتين سفر كبار و يا سلام بأه لو شغلت التكييف يبقى مش هتمشي خالص. و دور على النت و شوف كام عربيه منها معروضة للبيع كسر زيرو و بكام.

لو عاجبك الشكل دة فأنا من وجهة نظري أرشحلك النيسان الليفينا أو التيدا الهاتشباك، شكل - قوة - إعتمادية - توكيل محترم - قطع غيار أسعارها معقوله جدا مقارنةً بغيرها - سعر إعادة بيع محترم........ و خصوصا إنك بتقول دي تحويشة العمر يعني خليك في حاجه مضمونه.

باشا الاول كل عام و حضرتك بخير

أحب أوضح لمعاليك معلومة مهمة عن الكارنز

شوف لا أنكر ان الحجم و البودي كبير علي الموتور و لكن لا تنسي السيارة مزودة بنظام الستب ترونيك - الماتنيوال اصدي - تقلب العربية مانيوال و هتلاقي رد فعل غير مسبوق حتي لو مركب 4 و تكييف شغال و كل ما لقي العربية تقيلة يبقي مش عارف يروضها و يتعامل معاها و لازم يفتحها الاول -
لكن العربية ليها حلول و معادتش بتتقل و لله الحمد

اما عن الحجم في الراكنة هيا فعلا مشكلة و لازم تركب كاميرا لإن بتفضل ترجع بعشم زايد و تخيش يا معلم علي طول علشان الزجاج و الملرايا الخلفية لا يوضحوا اي شئ

و كل سنة و المنتدي كله و مصر بخير و سلام

[sherifseif]

في شوراع مصر المزدحمة و الضيقه كارنز غير عمليه في هذه الحاله ..... و أنا موافق على نيسان تيداهاتشباك أو ليفينا

[eng/ahmed_go]

خليك في البومة =>
1-اعتمادية اعلى
2-اسهل من حيث الصيانة وقطع الغيار
3-عمر افتراضي اطول (عشان قوة الماتور متناسبة مع ثقل العربية)

[tutankhamoun]

زملائي و أخواني الأعزاء
أنتوا عارفين معنى أعتمادية الأول علشان كل الناس داخلة تقول اللانسر اعتماديتها أعلى من الكارينز !!!!
الأصح
أعتمادية اللانسر تم أثباتها و سيارة يُعتمد عليها و قطع غيارها متوفر منها الأصلي الغالي و التقليد أو الُمصنع لها خصيصا عند تجار قطع الغيار و بيكون أرخص من الأصلي و سعر اعادة بيعها ممتاز نظرا لمرض الناس العقلي بكلمة ياباني بالاضافة طبعا لجودة السيارة العالية و انتشارها الرهيب .

الكارنز فئة مختلفة تماما و مش عارف حضرتك بتقارن أيه بأيه ؟

العربية عائلية بحتة
أنا ركبتها كتير و مش تقيلة قوي زي ما الناس بتوصفها بالعكس السحب حلو قوي للحجم ده و ما تحش أصلا بأي قصور في السحب
العربية حتى الآن أعتمادية ممتازة لأن محدش أشتكى منها .
معرفش حاجة عن سعر اعادة البيع و لا أسعار قطع الغيار .

هي بس فئة عائلية بحتة و مش عربية روشة خالص و لكن مريحة وواسعة من الداخل و عالية عن الأرض .

[ramykimo]

المشكلة انى مستنى موديلات 2012 ليهم الاتنين مش عارف الاسعار هتكون ازاى؟؟؟؟

[tutankhamoun]

بالنسبة لموضوع وزن السيارة و عُمر المحرك

المحرك له قدرة قوى في الوزن اللي يقدر يجره و في أغلب العربيات 1600 بيكون حوالي 1800 كجم كحد أقصى للوزن العام للسيارة بكافة ركابها و كل الحمل العام عليها .

و بالتالي تعالوا نشوف كدا شوية معلومات

هل الفيرنا موتورها عمره أطول من الأوكتافيا علشان الفيرنا 1050 كجم و الأوكتافيا 1300 كجم ؟؟؟؟؟؟؟
لو اجابة السؤال ده لاءة

يبقى وزن الكارنز كويس قوي عليها خصوصا أن احنا قلنا دي عربية عائلية

الأوكتافيا مثلا وزنها 1300 كجم و أقصى وزن هو 1800 كجم
الكارنز وزنها 1450 كجم و أقصى وزن هو 1800 كجم

يبقى نستنتج أن مادام الحمل في الحدود المسوح بها
يبقى ما ينفعش نقول أن الموتور هايعمر أكتر علشان وزن العربية أقل

ممكن الأصح نقول أن الموتور اللي بيجر عربية أخف بيستهلك بنزين أقل و ممكن كمان يكون عمره أكول شئ بسيط و لكن لا يُذكر .


فيه عربية سكودا أسمها سكودا يتي
موتور 1400 سي سي ......................... ووزنها ............. 1380 كجم .

[Hmatchy]

معلش انا عندى وجهة نظر
حضرتك هتجيب عربية من 2005 نفس الشكل لحد دلوقتى؟؟؟؟
بصراحة موش عارف الناس بتقول البومة على ايه ما كل اللى ركبها اشتكى من فراملها
للأسف احنا بناغد بالسيط موش بالغنى
مع كامل احترامى لملاك السيارة بس انا شايف ان الكارينز احسن منها بكتيييييييييير و كمان انتشرت و قطع غيرها هتبقى منتشرة
اما حتت غاليه و رخيصة
اى قطع غيار اصليه هتكون غاليه
ومعلش اعادة بيع اللنسر ال 2012 هتخسر جامد لأنها نفس الشكل القديم اللى بيتباع مستعمل ب 70 الف تقريبا ف لو مكانك و مصمم على بومة هاتها مستعمله و اصرف عليها 6 او 7 الاف جنيه هتخليها 2012 و اهو انتا اولى
لكن لو بتفكر فى زيرو خاليك فى الكارينز و موضوع السحب دا موش هتحس بيه و بعد كدة ابقى فتح المكنه براحتاك لو دماغك فى الجرى

[ramykimo]

سيبك من حكاية السحب موش هتفرق معايا لكن انا يهمنى اعادة البيع و مصاريف الصيانة و قطع الغيار غير ان الانسر فيها وساءل امان اكتر ايرباجز و ابي اس

[ahmed2y]

لانسر

[newuser2009]

خليك في الكارينز
اللانسر من سنه 2004