a little bit hard comparison...... مقارنة صعبة شوية

[sport781]

ALSALAMO 3ALEKOM...
dlwa2ty law wa7ed hayeshtery 3arabya kman kam yoom w me7tar yshtery bein 6 cars
1- fiat punto evo
2- ford fiesta
3- seat ibiza
4- suzuki swift
5- hyundai i30
6- hyundai accent rb
ana me7tar ashtery anhy w7da bein dol ( m32en fe e5telaf fel as3aaar bs else3r msh fare2 awy ) .....
shokran w montazer radoko :))))

[Ghosts]

شوف حضرتك ....
لو أنت عايش فى دولة أوروبية محترمة أو فى أمريكا ....
يبقى من حقك تركب عربية زى الفورد فيستا أو سيات أبيزا أو أى حاجة أوروبية أنت عايزها ....
لكن مادمت عايش فى مصر يبقى خليك ماشى مع السوق ....
. When in Rome , do as the Romans do
والسوق المصرى بيعشق العربيات الكورى واليابانى ....
خليك فى العربيات دى عشان قطع الغيار ....
وسعر أعادة البيع وأنا برشحلك ال RB ....
أو ألنترا بصراحة شكلهم جااااااامد ....
وخصوصآ ألنترا دى رهييييييبة ....
ربنا يوفقك ....

[osamakandil]

1- fiat punto evo

[Mohab.Nabil]

شوف حضرتك ....
لو أنت عايش فى دولة أوروبية محترمة أو فى أمريكا ....
يبقى من حقك تركب عربية زى الفورد فيستا أو سيات أبيزا أو أى حاجة أوروبية أنت عايزها ....
لكن مادمت عايش فى مصر يبقى خليك ماشى مع السوق ....
. When in Rome , do as the Romans do
والسوق المصرى بيعشق العربيات الكورى واليابانى ....
خليك فى العربيات دى عشان قطع الغيار ....
وسعر أعادة البيع وأنا برشحلك ال RB ....
أو ألنترا بصراحة شكلهم جااااااامد ....
وخصوصآ ألنترا دى رهييييييبة ....
ربنا يوفقك ....

اسمحلى يا باشا اختلف معاك

الواحد مفروض يركب العربية اللى تريحه و تناسب احتياجاته بدون النظر للسوق او ايه اللى بيتباع اكثر

بالذات ان احنا بنتكلم فى عربيات اوروبى يعنى مفيش خوف من ان العربية تطلع مقلب

الاوروبى ان مكانش مستواه اعلى من الكورى و اليابانى فهو فى نفس مستواهم و صعب جدا يبقى اقل منهم

العربية مفروض انها مش بتتغير كل يوم فمفروض الواحد يركب اللى يريحه و يكون مقتنع بيه

[Mohab.Nabil]

1- fiat punto evo

عربية جيدة , سعرها معقول و ان كان غير منافس بعد الزيادة , شكلها من برة و من جوه جميل و عصرى , عربية ايطالى 100% و جودة خامات و تقفيل عالية , يعيبها الموتور الضعيف نسبيا و التوكيل السىء

2- ford fiesta

عربية جيدة برضه , شكل جميل من الداخل و الخارج و اوبشنز كويسة , فورد اسم كبير و العربية تعليقات ملاكها عليها كويس برة , يعيبها الانتشار المحدود جدا كل فين و فين لما تلاقى عربية فييستا فى الشارع , سعرها مبالغ فيه

3- seat ibiza

عربية من اقوى المنافسين فى الفئة بتاعتها , شكل خارجى جميل , التكنولوجيا اللى فيها بتوقيع فولكس فاجن و دا شىء كويس , ثباتها عالى على السرعات , الموتور الـ 1600 قوى جدا و بيديها تسارع رائع , يعيبها الشكل الداخلى مش عصرى اوى زى العربيات فى الفئة ديه ( كلاسيكى بزيادة ) , الفتيس الـ dsg الشكاوى منه كثير و اصبح للاسف عيب بعد ما كان ميزة تميز العربية

4- suzuki swift

عربية تكاد تكون اختفت من السوق المصرية حتى التوكيل مبقاش يعلن عنها و لا موجودة فى اعلان اى من المعارض , معلوماتى عنها محدودة , كانت خدت عربية العام برة بس بصراحة مش فاكر سنة كام , شكلها حلو , سعرها مبالغ فيه على حجمها

5- hyundai i30

نسخة الالنترا الهاتشباك , سعرها مبالغ فيه , لازم تدفع كثير عشان تجيبها كاملة و تستمتع بيها و دا مخلهاش تنتشر زى الالنترا , اظن قطع غيارها مش هتبقى زى بقية الهيونداى بسبب عدم انتشارها ,, الفيلوستر غطت عليها خالص و ان كانت فى فئة تانية بس بعد ما شفت الفيلوستر
حسيت ان الـ i30 قدمت قوى

6- hyundai accent rb

عربية حققت نجاح قوى فى فترة قصيرة , شكل جميل و عصرى , موتور قوى جدا , يعيبها سعرها مبالغ فيه شوية و ان عشان تستمتع بيها لازم تجيب الكاملة برضه عشان الاوبشنز و عوامل الامان

[M.Alaa92]

حضرتك عاوز اية من العربية؟؟
اعادة البيع ولا امان ولا....الخ
و اقصى حاجة تتدفعها كام؟؟؟

[sport781]

شكرا على الردود .... :)
انا عايز عربية يكون شكلها حلو من جوة و برا و فيها كماليات كتييير مريحة و مش فرقة اعادة البييع

[SonaSteel]

انا شايف ان العربية اللي في الفئة ديه ومحترمة و محدش اشتكي منها وهتاخد منها مميزات كتير :
1-ياباني (ماتور - عفشة - تكييف)
2-شكل عصري خارجي وداخلي
3-كماليات كتييرة ووسائل امان محترمة .. وسعر محترم جدا
4-توكيل فوق الرائع
5-توافر ورخص قطع غيارها
الا وهي .............
التيدا :))) ....... وده مش تحيز علشان محدش يقلي انت متحيز لنيسان
في كلمة من اللي قلتها غلط؟؟؟ ....... لا الحمد لله
وادام جيبت سيرة السويفت ... يبقي اشيك بكتير من السويفت
ممكن تفكر فيها برده
ولو عايز الهاتشباك بفتحة السقف .... يبقي كسبت عربية محترمة وماتور وتسارع قوي جدااا
ومتنساش الاستخارة وربنا ييسرلك كل خير :))

[M.Alaa92]

يبقى الاكسنت هاى لاين gls ب 116
عندك فلوانس
و تيدا
دول مش بالترتيب

[SonaSteel]

اه انا نسيت الفليونس برده ...... عربية محترمة جدا طبعا ..... وبحبها اوووي :)))
بس بخاف من التكنولوجيا بتاعة رينو ... وانك تحكم علي نفسك انك تبقي صديق التوكيل مش أكتر
ومتنساش الاستخارة برده :))

[Ghosts]

اسمحلى يا باشا اختلف معاك

الواحد مفروض يركب العربية اللى تريحه و تناسب احتياجاته بدون النظر للسوق او ايه اللى بيتباع اكثر

بالذات ان احنا بنتكلم فى عربيات اوروبى يعنى مفيش خوف من ان العربية تطلع مقلب

الاوروبى ان مكانش مستواه اعلى من الكورى و اليابانى فهو فى نفس مستواهم و صعب جدا يبقى اقل منهم

العربية مفروض انها مش بتتغير كل يوم فمفروض الواحد يركب اللى يريحه و يكون مقتنع بيه

يا باشا أختلف معايا زى مانت عايز ....
دى كلها وجهات نظر والأختلاف فى الرأى لايفسد للود قضية ....
ووجهة نظرى أنا أن الواحد لازم يجيب عربية تريحة مع مراعاة سعر أعادة البيع ....
لأنى معرفش بكرة هيحصل فية أية يعنى ممكن أوى أمر بظروف تخلينى مضطر أبيع العربية ....
ممكن بردوا أهاجر من البلد .. مين عارف ؟ كل شىء جايز وبستغرب أوى من اللى بيقول أنا هشترى ومش هبيع ....
طب حاجة زى دى ممكن نضمنها أزاااااااااى ؟ حاجة كمان مين اللى قال أن العربية الأوروبى مفيش منها ....
خوف أنها تطلع مقلب ؟ عيوب التصنيع و المقالب دة شىء وارد فى أأأأأأى عربية مهما كان نوعها ....
أن شاللة حتى تكون BMW واضح أنك ماقريتش الموضوع دة ....
http://www.nilemotors.net/Nile/201796-a.html

[sport781]

متشكر و ان شاء الله خير....
طيب محدش يقدر يقول لي الهيونداى veloster بكام و فيها كام فئة ؟؟؟؟

[Mohab.Nabil]

يا باشا أختلف معايا زى مانت عايز ....
دى كلها وجهات نظر والأختلاف فى الرأى لايفسد للود قضية ....
ووجهة نظرى أنا أن الواحد لازم يجيب عربية تريحة مع مراعاة سعر أعادة البيع ....
لأنى معرفش بكرة هيحصل فية أية يعنى ممكن أوى أمر بظروف تخلينى مضطر أبيع العربية ....
ممكن بردوا أهاجر من البلد .. مين عارف ؟ كل شىء جايز وبستغرب أوى من اللى بيقول أنا هشترى ومش هبيع ....
طب حاجة زى دى ممكن نضمنها أزاااااااااى ؟ حاجة كمان مين اللى قال أن العربية الأوروبى مفيش منها ....
خوف أنها تطلع مقلب ؟ عيوب التصنيع و المقالب دة شىء وارد فى أأأأأأى عربية مهما كان نوعها ....
أن شاللة حتى تكون BMW واضح أنك ماقريتش الموضوع دة ....
http://www.nilemotors.net/Nile/201796-a.html

اولا اشكرك على سعة صدرك ووجهة نظرك تحترم فعلا و ان كان مخالفة لوجهة نظرى

حضرتك بتفترض حاجات ممكن تحصل , بس مفروض من وجهة نظرى ان احنا بنتبع اللى طبيعى يحصل مش اللى احتمال يحصل , مفيش عربية مش هتتباع الا نادرا , بس القصد بيبقى انها ممكن تتباع مثلا بعد 7 او 8 سنين فمش هتبقى فارقة اوى فى السعر زى ما هتتباع كسر زيرو

يا باشا مفيش حاجة كاملة الكمال لله وحده , ممكن الواحد يجيب 7 series و تطلع حظه فى قطعة معيوبة , بس اللى انا اقصده ان نسبة الخطورة فى شراء عربية اوروبى و انها تطلع مقلب هيبقى زى الكورى و اليابانى ان مكانتش النسبة اقل فى الاوروبى و دا طبعا لأن الصناعة هنا اقدم و اكثر خبرة , بس دا ميمنعش ان مثلا عربية كورى تقعد 20 سنة من غير مشاكل , و عربية اوروبى تحصل فيها مشاكل فى اول سنة بس المنطقى ان الاكثر خبرة هيطلع حاجة احسن

انا قريت الموضوع ده فعلا يا باشا و لو تابعت ردى فى الموضوع هتلاقينى ابرزت ان اوماترا من التوكيلات السيئة جدا فى علاج العربية , و ان كانت العربية ديه فيها شك انها فيها عيب صناعة و دا عادى لأن مفيش نسبة صناعة سليمة 100% بس العادى برضه ان لو فيها تتغير بس دا طبعا مبيحصلش فى مصر

عموما يا باشا انا و الله مش ضد الكورى او اليابانى خالص انا بس شايف ان الواحد يجيب العربية اللى يحبها و يحس انها مناسبة ليه بعيدا عن حسابات السوق و كده .. يعنى انا مركبش عربية مش عجبانى عشان احتمال فى يوم اتزنق و احتاج ابيعها .. الارزاق بيد الله و ان شاء الله ربنا ما يوقع اى حد مننا فى موقف زنقة

و شكرا مرة اخرى لسعة صدرك

[Mohab.Nabil]

متشكر و ان شاء الله خير....
طيب محدش يقدر يقول لي الهيونداى veloster بكام و فيها كام فئة ؟؟؟؟

الهيونداى فيلوستر 3 فئات

مانيوال فول اوبشن 138 الف

اوتوماتيك فول اوبشن 145 الف

اوتوماتيك هاى لاين 165 الف

رأيى لو الظروف متسمحش انك تجيب الهاى لاين , ممكن تفكر فى السيراتو كوبيه عشان الاوبشنز اللى فيها اعلى من الفيلوستر الفول اوبشن

ممكن تقولنا الميزانية لحد كام جايز يكون حد عنده اقتراح يفيدك

[sport781]

الهيونداى فيلوستر 3 فئات

مانيوال فول اوبشن 138 الف

اوتوماتيك فول اوبشن 145 الف

اوتوماتيك هاى لاين 165 الف

رأيى لو الظروف متسمحش انك تجيب الهاى لاين , ممكن تفكر فى السيراتو كوبيه عشان الاوبشنز اللى فيها اعلى من الفيلوستر الفول اوبشن

ممكن تقولنا الميزانية لحد كام جايز يكون حد عنده اقتراح يفيدك