الميتسوبيشي كولت والدايهاتسو سيريون

[aliabutaleb]

السلام عليكم يا شباب

بجد حاجة تمخول العقل

طبعاً انا حاجز العربية الدايهاتسو السيريون بقالي حوالي شهر
ولغاية دلوقتي مفيش أي رؤية في التوكيل بتقول التسليم هايكون إمتى
بقيت مسلم أمري لله وراضي بحالي وساكت بس طبعاً وانا على أخري
لغاية ما لقيت مشاركة غاية في الأهمية للأستاذ طارق زويل
هنا

بيتكلم فيها عن العربية الميتسوبيشي كولت وانها في تخفيض عن السعر اللي نزلت بيه وكان 119 الف وبتتباع دلوقتي بـ 90 ألف يعني نفس سعر السيريون تقريباً

مخفيش عليكم في اطار حالة انتظار المجهول اللي انا عايشها من توكيل دايهاتسو ابتدت الكولت تلعب في دماغي
بس لأني معلوماتي زيرو كبير قلت أعمل موضوع هنا أطلب فيه من أهل الخبرة مقارنة كاملة بين الكولت والسيريون وطبعاً تشمل المقارنة دي استهلاك البنزين

[aliabutaleb]

نسيت أقول ان العربية بجانب انها صناعة هولندية زي ما قريت قبل كدة
بتتميز عن السيريون بالفتيس التيبترونيك
وكمان بالايموبيلزر
بس السيريون بتتميز عنها بوجود 2 أير باجز بدلاً من واحدة في الكولت

[أبو عبدالله]

بس انا عاوز انبهك لكذا نقطة
أولا ان ماتور 1500 سي سي وانت حاجز ماتور 1300 سي سي
وخلي بالك ان استهلاك البنزين هيفرق

ثانيا عاوزك تسأل على اسعار قطع الغيار
انت عارف اسعار دايهاتسو
عاوزك تسأل على اسعار الكولت لأنها ممكن هتبقى باليورو

سعر اعادة البيع متهيألي الكولت مش متواجده اصلا في الشوارع مش زي السيريون

ومش عاوزك تستعجل بسبب الضغط اللي انته حاسه انك منتظر عربيه جديده

اصبر وصلي استخارة وربنا يوفقك ان شاء الله لما يحبه ويرضاه

[Nile_Storm]

الخطوه دي هتعمل سوق كبير للكولت
و بصراحه امام الايموبيليزر و الفتيس التريبتونيك و صناعه ميتسوبيش المعروفه و التقفيل الاوروبي
و بعدين موتورها cvvt يعني استهلاك بنزين معقول
ماظنش لسيريون فرصه امامها
و نرجو الافاده من مهندس طارق

[أبو عبدالله]

وفي نقطه تانيه ان شنطة الكولت 155 لتر فقط
اما السيريون فهيا 225 لتر
فرق يعتبر

[معاذ الشرباصى]

بص يا على باشا

علشان المقارنة تبقى صح, يبقى السريون 1500 و الكولت

تقريبا نفس السعر, و الكماليات قريبة لبعض

اكتر واحد يفيدك فى الكولت, المالك الوحيد لها على الموقع هنا

http://www.nilemotors.net/Nile/member.php?u=5912

بالنسبة للشكل دى ازواق

قطع الغيار الله اعلم, خاصة ان الكولت نزلت منها دفعة واحدة, و اللى موجود 2007 بس, يعنى واضح مفيش نية يجيبوا تانى

بس اسأل مهندس طارق فى الموضوع ده

ده غير ان الكولت ممكن تأخد عليها التخفيض ال 500 جنيه لاعضاء الموقع

[ows212]

يا ابو رقية لو انت مش قادر تستنى هات ال 1500 وماتستناش ال 1300اللى لسه قدامها كمان شهر ... فى نقطة تاتنية الكولت 2007
فى نقطة تالتة واهمهم .. التقسيط المباشر الأسلامى اللى انت بتدور عليه

[ows212]

ماظنش لسيريون فرصه امامها

يا باشا الكولت ماتباعتش علشان كده هما عملوا عليها الخصم الكبير ده

[aliabutaleb]

أبو عبد الله

أولا ان ماتور 1500 سي سي وانت حاجز ماتور 1300 سي سي
وخلي بالك ان استهلاك البنزين هيفرق

ثانيا عاوزك تسأل على اسعار قطع الغيار
انت عارف اسعار دايهاتسو
عاوزك تسأل على اسعار الكولت لأنها ممكن هتبقى باليورو
سعر اعادة البيع متهيألي الكولت مش متواجده اصلا في الشوارع مش زي السيريون

الحقيقة انا لما قارنت كنت باقارن بين الكولت 1500 والسيريون 1500
بس بالنسبة للسعر الكولت أقل حوالي ألف جنيه
استهلاك البنزين انا سبب من أسباب عمل الموضوع اني عاوز اعرف منكم هو كام بالنسبة للكولت لأني معرفهوش بس كتير أوي صادفت لفظ إن "اللانسر بتشم بنزين" هنا في المنتدى ولأنه موتور اللانسر الجديدة فظنيت انه ممكن يكون اقتصادي في البنزين هو كمان
أما قطع الغيار فهي برضة معرفش عنها حاجة خالص بس هي فعلاً نقطة مقلقة لو التوكيل قرر مينزلهاش تاني
بصراحة لو كنت فكرت في سعر اعادة البيع من الاول مكنتش هافكر في السيريون في الاساس عشان كدة هي نقطة مش هامماني أوي

ومش عاوزك تستعجل بسبب الضغط اللي انته حاسه انك منتظر عربيه جديده

باحاول والله يابو عبد الله

وفي نقطه تانيه ان شنطة الكولت 155 لتر فقط
اما السيريون فهيا 225 لتر
فرق يعتبر

مش متخيل الفرق لأي مدى بس محتاج أشوفه على الطبيعة


نايل ستورم

الخطوه دي هتعمل سوق كبير للكولت
و بصراحه امام الايموبيليزر و الفتيس التريبتونيك و صناعه ميتسوبيش المعروفه و التقفيل الاوروبي
و بعدين موتورها cvvt يعني استهلاك بنزين معقول
ماظنش لسيريون فرصه امامها
و نرجو الافاده من مهندس طارق

انا فعلاً متفق معاك شايفها أوبشنز هايلة جداً
وانا كمان في انتظار رد من مهندس طارق زويل

معاذ
رفيق الكفاح :)

بص يا على باشا
علشان المقارنة تبقى صح, يبقى السريون 1500 و الكولت
تقريبا نفس السعر, و الكماليات قريبة لبعض
اكتر واحد يفيدك فى الكولت, المالك الوحيد لها على الموقع هنا

http://www.nilemotors.net/Nile/member.php?u=5912

بالنسبة للشكل دى ازواق
قطع الغيار الله اعلم, خاصة ان الكولت نزلت منها دفعة واحدة, و اللى موجود 2007 بس, يعنى واضح مفيش نية يجيبوا تانى
بس اسأل مهندس طارق فى الموضوع ده
ده غير ان الكولت ممكن تأخد عليها التخفيض ال 500 جنيه لاعضاء الموقع

حاسس في نبرة كتابتك إنك بتشجعني عليها :)

OWS212

يا ابو رقية لو انت مش قادر تستنى هات ال 1500 وماتستناش ال 1300اللى لسه قدامها كمان شهر ... فى نقطة تاتنية الكولت 2007
فى نقطة تالتة واهمهم .. التقسيط المباشر الأسلامى اللى انت بتدور عليه
يا باشا الكولت ماتباعتش علشان كده هما عملوا عليها الخصم الكبير ده

مخبيش عليك من كتر الحاح التوكيل عليا عشان يبيعولي الـ 1500 نفسي قافلة منها خالص
ده غير ان الكولت أرخص حوالي ألف جنيه
بالاضافة للاوبشنز الاضافية اللي فيها
وأنا رأيي ان كون الكولت متباعش منها كتير ده شئ لا يعيبها

أخيراً جزاكم الله خيراً كثيراً

[أبو عبدالله]

بص يا ابو رقيه
انا عاوزك تفهم انك تحت ضغط
فلا تصدر قرار تحت هذا الضغط
لأن بعد ما يزول هذا الضغط هتلاقي الحقيقه وممكن متعجبكشي

اولا 100 لتر الفرق في الشنطه هيبقوا كتير جدا
خصوصا ان المقاسات بتاعتهم صغيره اصلا مش زي السيدان يعني

والكولت موديل متأخر سنه
وليس له مبيعات
انما السيريون دلوقتي بقه لها مبيعات معتبره


وعالعموم استخير وربنا يوفقك لما يحبه ويرضاه

[SEATLOVER]

السيريون تكسب ....(للأسف)

[Nile_Storm]

يا باشا الكولت ماتباعتش علشان كده هما عملوا عليها الخصم الكبير ده

فعلا معاك حق كانوا مغلينها جدا بس دلوقتي اظنها تزلت بثمن طبيعي حتي بقت ارخص من السيريون الف جنيه زي مقال الاخوه و الاعضاء و كمان خمسمييايه تخفيض اعضاء المنتدي
فهمت اصدي ايه

لو حسبتها من
ناحيه السعر الكولت ارخص
التقفيل الاتنين نضاف جدا و ان كنت اعتقد ان التقفيل الهولندي هيكون افضل
التكنولوجيا الكولت طبعا
الكماليات الكولت
الاعتماديه ما بين ميتسوبيشي و دايهاتسو الاتنين اعتماديين
قطع الغيار الميكانيكيه زي اللانسر فاظن مش هتكون غاليه ممكن حتي تبقي ارخص من السيريون اما الخارجيه زي الفوانيس و كده دي فعلا اللي هتبقي غاليه الا اذا القرار ده كتب لها الانتشار
التوكيل الاتنين رائعين و اختار ميتسوبيش كفايه مهندس طارق فيه
الشنطه لصالح السيريون

[أبو عبدالله]

فعلا معاك حق كانوا مغلينها جدا بس دلوقتي اظنها تزلت بثمن طبيعي حتي بقت ارخص من السيريون الف جنيه زي مقال الاخوه و الاعضاء و كمان خمسمييايه تخفيض اعضاء المنتدي
فهمت اصدي ايه

لو حسبتها من
ناحيه السعر الكولت ارخص
التقفيل الاتنين نضاف جدا و ان كنت اعتقد ان التقفيل الهولندي هيكون افضل
التكنولوجيا الكولت طبعا
الكماليات الكولت
الاعتماديه ما بين ميتسوبيشي و دايهاتسو الاتنين اعتماديين
قطع الغيار الميكانيكيه زي اللانسر فاظن مش هتكون غاليه ممكن حتي تبقي ارخص من السيريون اما الخارجيه زي الفوانيس و كده دي فعلا اللي هتبقي غاليه الا اذا القرار ده كتب لها الانتشار
التوكيل الاتنين رائعين و اختار ميتسوبيش كفايه مهندس طارق فيه
الشنطه لصالح السيريون

قطع الغيار أظن ان الدايهاتسو ارخص من المتسوبيشي
وبعدين الانسر مش هتبقى نفس قطع غيار الكولت لأن دي هولندي واكيد قطع غيارها هتبقى هولندي وباليورو


ده غير ان تقييم السيريون افضل من تقييم الكولت في اوروبا
وممكن تعمل بحث بسيط او مقارنه في www.whatcar.com
وانت هتعرف الفرق

وتريح دماغك من كلامنا اللي لا بيودي ولا بيجيب

[Nile_Storm]

كلامك علي راسي يابو عبد الله
بس انا ليا تعليقات
اولا في موضوع ققطع الغيار انا كنت بتكلم علي الاجزاء الميكانيكيه " الموتور يعني " و الاتنين موتور واحد مش هتفرق هولندي او ياباني

ثانيا موقع what car ممتاز طبعا بس في تقييمه انا شايف مفردات المقارنه لصالح الكولت
عزم اعلي و اقصي سرعه اعلي
اما الوسع فالاتنين واحد تقريبا و اظن تفضيله للسيريون كان علي اساس السعر لان الكولت شبهها و اغلي

اخيرا المواقع دي علي الرغم من جودتها لكنها اري لاتصلح للاستخدام لتحديد المنتج المراد شرائه في مصر لانها تحدد التقييم علي اسس كتير من اساسين مهمين مختلفين في مصر وهم السعر و التوكيل

[Nile_Storm]

وتريح دماغك من كلامنا اللي لا بيودي ولا بيجيب

بالعكس لو كلام حضرتك لا بيودي ولا بيجيب مكنتش ناقشتك فيه
الكلام الموزون المصحوب ادله اولي بالنقاش من شخص يكتب كلام مرسل

و اخيرا المناقشه مع حضرتك ممتعه
الرأي و الرأي الاخر كما يقولون
و ده ينصب في مصلحه اللي يقرا الكلام ده
و كله لوجه الله بدون تعصب

الا لو انت اللي بيضايقك المناقشه معايا
ده شئ تاني :D