من 120 الى 130

[hazemhassan]

بسم الله الرحمن الرحيم
واجازة سعيدة
ليا واحد قريبى وعزيز عليا محتار ومش عارف يشترى اية وانا محتار معاه وحططنى معاه فى الموضوع
فا قولت اشوف ارائكم
الاختيارات
الالنترا2012
كروز اول فئة اوتو
فلوانس اول فئة اوتو
مازدا اول فئة اوتو
سيراتو
من حيث الشكل والاداء (مع انهم مش بتوع شد ولا حتى جرى) قطع الغيار (متوافرة واسعارها) الثبات والامان
يعنى عربية تكون بيتى وبرستيج فى نفس الوقت

وبالنسبة للكاماليات السيراتو تكسب
والامان الفلوانس تكسب
والشكل زاى منا كاتبهم كدة بالترتيب (من وجة نظرى)
فا انا محتار معاه وياريت ترسونى
والرنج 120 الى 132

[omar-saad]

فيلوانس
لسة واحد قريبى جايبها
بسم الله ولاقوة الا بالله
العربية ثبات-وسع-كمايات وابشنز كتير على اول فئة اوتو
وكمان توكيلها توكيل محترم جدا بشهادة ملاكها
خليه يتوكل على الله العربية فعلا تستاهل فلوسها

[M.Alaa92]

الفلوانس احسن بكتير
و ممكن تيدا هاى لاين

[ahmedmohamed7]

Renault Fluence

[ahmedmohamed7]

فيلوانس
لسة واحد قريبى جايبها
بسم الله ولاقوة الا بالله
العربية ثبات-وسع-كمايات وابشنز كتير على اول فئة اوتو
وكمان توكيلها توكيل محترم جدا بشهادة ملاكها
خليه يتوكل على الله العربية فعلا تستاهل فلوسها

ده حقيقى يا فندم :)

[ayman1204]

انا عربيتين بس اللى ركبتهم
الفلوينس والتيدا

بس حبيت الفلوينس اكتر

[Mandible]

بص انا عشان اكون حيادي هتكلم عن الفلونس اللي جبتها بعد حيرة شديدة بينها و بين النيو النترا ...

ماشاء الله تحس انك راكب طيارة .. انا لسا جايبها من شهرين و مقدرش استحمل مسوقهاش .. سواقتها لوحدها عالم تاني

دلوقتي لو همك الرفاهية و الاستمتاع و الفخامة و الرحابة خليك في الفلوانس .. لو انت بتقلق من قطع الغيار و كده .. احب اقولك ان في قطع غيار النترا الجديدة اغلى من الفلوانس .. يعني تقريبا مش هتلاقي فرق بين اسعار الفلونس والالنترا مثلا .. و متسمعش كلام الناس اللي بتقولك سعر اعادة البيع و مش عارف ايه .. انت هتجيب عربية ب130 - 140 الف جنيه ( 140 الفئة التانية اوتو اللي معايا) و المفروض انها فخمة و تبيعها على طول ليه يعني و برده العربية انتشرت جدا و بقت مطلوبة أوي عشان قضوا على كل المشاكل اللي كانت في الميجان فسعرها مش هينزل اوي .. هو طبعا مش هيكون زي اعادة بيع كورولا او لانسر مثلا مش عشان اوحش منهم لاقدر الله بس عشان دي ثقافة سوق و شعب .. الناس مش بتحب تجرب الا اللي عارفاه بس

و بالنسبة للامان فحدث ولا حرج .. السيارة مصفحة تماما من تحت و هيكلها موجود فيه قضبان فولاذ من الجوانب بالاضافة الى ال 2 ايرباج و abs و ebd ( بتنزل اساسي مش كماليات زي عربيات تانية ... )
و الثبات فانا اقدر اقولك اني عمر ماسوقت عربية بالثبات العالي ده ماشاء الله لدرجة انك ممكن تناور بكل سهولة على سرعات عالية زي 160 من غير ماتحس ان العربية هتعوم منك بل بالعكس بتحس ان العربية غارزة في الارض و انك مهما عملت فيها مش هتتقلب :)

و طبعا العربية بتلفت نظر اي واحد ماشي في الشارع من حيث شكلها .. تحس انها عربية رؤساء كده من فخامتها و كبر حجمها ماشاء الله ده غير الاوبشنز العالية اللي موجودة فيها مع الاحتفاظ بكلاسيكية التابلوة عشان متحسش انه زحمة و انك راكب عربية كلها عبارة عن زراير .. مرايات ضم و تكيف اوتوماتيك و مثبت سرعة و محدد سرعة و ستيبترونيك و بلوتوث و الباور الخفيف جداااااااااا على السرعة الهادية اللي بيتقل كل اما تزيد السرعة كوسيلة امان و التقفيل الداخلي و الخامات اكتر من ممتازة .. الخخخخ
بس عشان اكون حيادي اكتر .. العربية مش بتاعت شد و لا حرق و طلعتها تعتبر تقيلة شوية زي كل الاوروبي بس بمجرد انك تعدي ال 50 العربية بتتحول معاك حاجة تانية خالص و اعتقد دي حاجة مبتسببش مشاكل نهائيا بس حبيت اقولك بس

اخر حاجة احب اقولهالك ان توكيل رينو من احسن التوكيلات في مصر بشهادة معظم الناس و مفيش توكيل بيماثلة في الاحترام والكفاءة و الاهتمام بالعميل و دي حاجة اساسية من الحاجات اللي خلتني افاضل بينها و بين النترا عشان غبور اللي سمعته زي الزفت

و اخر حاجة خلي صاحبك يحصر الاختيارات و يعمل تست درايف للعربيات اللي اخترها و ان شاء الله ربنا هيهديه للي فيه الخير

[MOUSTAFA_SAAD]

طالما بتقول بيتى وبريستيج يبقى فلوينس
وعلى فكره فيه قطع غيار ليها ارخص من الالينترا

[hazemhassan]

متشكر لردودكم
يعنى كلو متفق على الفلوانس حتى الان
بس قطع الغيارر غالية بالنسبة للباقى


وعلى فكرة انا برشحة انا كمان

[hazemhassan]

بص انا عشان اكون حيادي هتكلم عن الفلونس اللي جبتها بعد حيرة شديدة بينها و بين النيو النترا ...

ماشاء الله تحس انك راكب طيارة .. انا لسا جايبها من شهرين و مقدرش استحمل مسوقهاش .. سواقتها لوحدها عالم تاني

دلوقتي لو همك الرفاهية و الاستمتاع و الفخامة و الرحابة خليك في الفلوانس .. لو انت بتقلق من قطع الغيار و كده .. احب اقولك ان في قطع غيار النترا الجديدة اغلى من الفلوانس .. يعني تقريبا مش هتلاقي فرق بين اسعار الفلونس والالنترا مثلا .. و متسمعش كلام الناس اللي بتقولك سعر اعادة البيع و مش عارف ايه .. انت هتجيب عربية ب130 - 140 الف جنيه ( 140 الفئة التانية اوتو اللي معايا) و المفروض انها فخمة و تبيعها على طول ليه يعني و برده العربية انتشرت جدا و بقت مطلوبة أوي عشان قضوا على كل المشاكل اللي كانت في الميجان فسعرها مش هينزل اوي .. هو طبعا مش هيكون زي اعادة بيع كورولا او لانسر مثلا مش عشان اوحش منهم لاقدر الله بس عشان دي ثقافة سوق و شعب .. الناس مش بتحب تجرب الا اللي عارفاه بس

و بالنسبة للامان فحدث ولا حرج .. السيارة مصفحة تماما من تحت و هيكلها موجود فيه قضبان فولاذ من الجوانب بالاضافة الى ال 2 ايرباج و abs و ebd ( بتنزل اساسي مش كماليات زي عربيات تانية ... )
و الثبات فانا اقدر اقولك اني عمر ماسوقت عربية بالثبات العالي ده ماشاء الله لدرجة انك ممكن تناور بكل سهولة على سرعات عالية زي 160 من غير ماتحس ان العربية هتعوم منك بل بالعكس بتحس ان العربية غارزة في الارض و انك مهما عملت فيها مش هتتقلب :)

و طبعا العربية بتلفت نظر اي واحد ماشي في الشارع من حيث شكلها .. تحس انها عربية رؤساء كده من فخامتها و كبر حجمها ماشاء الله ده غير الاوبشنز العالية اللي موجودة فيها مع الاحتفاظ بكلاسيكية التابلوة عشان متحسش انه زحمة و انك راكب عربية كلها عبارة عن زراير .. مرايات ضم و تكيف اوتوماتيك و مثبت سرعة و محدد سرعة و ستيبترونيك و بلوتوث و الباور الخفيف جداااااااااا على السرعة الهادية اللي بيتقل كل اما تزيد السرعة كوسيلة امان و التقفيل الداخلي و الخامات اكتر من ممتازة .. الخخخخ
بس عشان اكون حيادي اكتر .. العربية مش بتاعت شد و لا حرق و طلعتها تعتبر تقيلة شوية زي كل الاوروبي بس بمجرد انك تعدي ال 50 العربية بتتحول معاك حاجة تانية خالص و اعتقد دي حاجة مبتسببش مشاكل نهائيا بس حبيت اقولك بس

اخر حاجة احب اقولهالك ان توكيل رينو من احسن التوكيلات في مصر بشهادة معظم الناس و مفيش توكيل بيماثلة في الاحترام والكفاءة و الاهتمام بالعميل و دي حاجة اساسية من الحاجات اللي خلتني افاضل بينها و بين النترا عشان غبور اللي سمعته زي الزفت

و اخر حاجة خلي صاحبك يحصر الاختيارات و يعمل تست درايف للعربيات اللي اخترها و ان شاء الله ربنا هيهديه للي فيه الخير

100000 مبروك وربنا يديك خيرها ويكفيك شرها

[Mandible]

100000 مبروك وربنا يديك خيرها ويكفيك شرها

الله يبارك في حضرتك :)

[Gen2Sniper]

ياجماعة هيا النيسان الليفينا سيئة للدرجة دى لدرجة انى مش باشوفها فى اى مقارنة
ياريت لو حد عنده معلومات عنها يقولى لانى ناوى اشتريها ان شاء الله

[hazemhassan]

ياجماعة هيا النيسان الليفينا سيئة للدرجة دى لدرجة انى مش باشوفها فى اى مقارنة
ياريت لو حد عنده معلومات عنها يقولى لانى ناوى اشتريها ان شاء الله

للاسف انا معرفش عنها حاجة
بس هية نفس فئة الكارينز

[Sehsss]

طبعا الفلوانس.. صباح البرستيج والأداء والثبات

[ahmedsamir5edr]

فلوانس ان شاء الله