لانوس ولا افيو ولالوجان فول اوبشن زيرو ؟

[drsemba]

ياجماعة والله تعبت واتحيرت مين فيهم :
الافيو عاجبنى شكلها والناس كرهتنى فيها ومش عارف موديل 2012 اتظبت ولا لا عشان سمعت انهم ظبطو كل مشاكلها.
الانوس انتشار وقطع غيار وحدش بيشتكى زى الافيو (اللى الناس بتقول عليها عربية فاشلة) بس مش عاجبنى شكلها.
ولا اللوحان اللى مرتحلها وعربية اوروبى والكل بيشكر فيها بس قطع الغيار الغالية وعدم توافرها وكل ميكانبكى يقولى بلاش ولما بسال ليه ؟ يقولى الشغلانة اللى تخلينى استنى زبون يلفلى بالايام على قطع غيار يبيقى بناقصها احسن .
مع العلم انى مش عايز ابيع ومش هصلح فى لاتوكيل طول عمرى ولازم فى يوم اروح اميكانيكى بره.ومع العلم ايضا انى كنت راكب لادا
اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[hanyeng]

كل سنه وانت طيب اولا
اولا نصيحه ابعد عن اللوجن نهائي نهائي زي ما انت قلت قطع الغيارررررر مقرفه جدا جدا جدا جدا ابعد عنها ملهاش سوق بمعني عربيه لو حبيت تبعها بعد سنه او سنتين هتلاقي تمنها خسر كتير
ومتقلش اني ماببعش انا كان عندي بيجو وكنت بقول استحاله ابعها وبعتها لظروف الشغل اشترطوا سيارات حديثه معنا المهم انت ماتعلم بكره فيه خليك في عربيه تقول يابيع تبيع في ثنيه
يبقي انت واقع في اختيارين افيو ولانوس
المهم خليك في 2 دول
انا بنصح بافيو ليه
1- الارتفاع عن الارض ممتاز
2- لاحظ ان فيه دفعة سيارات افيو في الشرطه و شركات الادويه بطلت تجيب فرنا ولانوس للمندوبين الدواء تجيب افيو
3- الماتور افضل من الانوس متور الافيو نفس شكل الافيو بس فيه اختلاف بسيط ( تطوير من الانوس )
4 - فخامه عن الانوس
5- فرامل احسن من الانوس
العيوب
العفشه نشفه انا اقصد الذي يسوق يحس بيها فقط والذي قاعد جنبه لا يحس بيها
هات الافيو نصيحه
التكسيات وسوقين التكسيات يقولك الافيو طبعا

[drsemba]

وانت طيب ... ربنا يخليك ..
اولا شكونفسى اعرف را على الرد والنصيحة ... لانى فعلا عايز اجيب الافيو بس المشكلة ان كله بشتم فيها اشى مساعدين واشى عفشة واشى صوت من الباب اليمين دا غير الار بى ام اللى بشتغل لوحده وانها زيها زى الانوس وان الانوس هتوفرلى 9 الاف جنية ده غير الاشعار اللى فى اللوجان وليه محدش واخد بالو من حوار الميكانيكية ده وقطع الغيار ويقولك ان تركيا نزلت وان الفانوس بقى ب 400 ده كلام؟؟؟؟
ايه رايك.

[ahmed1981]

الأفيو لي معها تجربة

من حوالي شهرين قريبي إشتراها زيرو كاملة أوتوماتيك
والحقيقة إن المفروض إنه يشاورني قبل الشراء لكن هو عمل فيها مخلص

المهم نزلت معاه مشوار طويل لفينا القاهرة كلها تقريباً دائري وخلافه
ملاحظاتي عليها هي:

المميزات:
-1- العربية تكييفها ممتاز ممتاز بدون مبالغة
-2- عالية عن الأرض
-3- أبعادها الخارجية سهلة التعود عليها

العيوب:
-1- السوست والعفشة عموماً ناشفة بطريقة حمقاء متخلفة وهي بدون مبالغة أسوء سيارة ركبتها في حياتي من ناحية نشفان العفشة
تحس كأن مفيش سوست ومحطوط بدل السوست بلوك خرسانة
وعفشة الشاهين عندي برقبة رقبتها

-2- كرسي السائق غير مريح ولو المشوار طويل ضهرك يوجعك

هذا ما أدركته من مزايا وعيوب من تجربتي معها

ولك الخيار

اللوجان مركبتهاش قبل كده لكن قابلت واحد في التوكيل بيشتريلها قطع غيار عشان حادثة
وقال لي إنه صارف 12 ألف جنيه على الحادثة ومضطر يشتري أغلب الحاجات من التوكيل لأنها مش موجودة برا

-

[ahmedmohamed7]

لأ حضرتك ابعد عن اللوجان xD......سيارة سيئة الحقيقة :)

بص يا فندم للاسف......داء ان الواحد دايما حاسس ان قراره هو الصح و انه ضحك على الناس كلها ده مش هنخلص منه....انا بنصح حضرتك بنقل الموضوع لقسم المقارنات و هناك الناس هتتكلم بحيادية و هتدلك للاختيار الاصح ان شاء الله :)
كلامى مش معناه ان السيارة Xاحسن من Y :)
بس الى اقدر اقوله لحضرتك دلوقتى ان توكيل رينو ده عبقرى :) العربية جايز يكون فيها مشاكل ...وارد...هنا بقى هتحس فعلا ان حضرتك مارميتش فلوسك على الارض لما تلاقى التوكيل واقف وراك و معاك و مستعدين يعمله اى حاجة علشان رضاك :) ديه حاجة من واقع تعاملى معهم...معنديش تجربة واقعية مع منصور :) بس الكلام الى بسمعه مش كويس :) و مش هقول لحضرتك ان اللوجان عربية عظيمة و اسطورية و اقلل فى السيارات الاخرى.....لا فيها مشاكل و عيوب عادى زيها زى اى عربية فى الدنيا.....بس فى الاخر حضرتك بتختار العربية على انها باكدج على بعضها ب حلوها و مرها بس حضرتك بتبقى متقبل كده لان مفيش حاجة كاملة :)
ارجوك متخدش اي حاجة بتسمعها على انها حقيقية و صح :) انزل و اسال و جرب قبل الشراء :)

[Ahmed_Ezz]

انا راى الافيو خصوصا انى سمعت من كذا واحد ان الموديلات الجديدة مافيهاش مشاكل و انا معاياي اوبترا و التوكيل اكتر من ممتاز الصراحة فى كل حاجة و ربنا يوفقك للخير ان شاء الله

[hanyeng]

ياسيدي انا حددت نوعين انت هتلف وهندور علي بعض ليه استبعاد اللوجن ده اكييييييييييييييييييد
خلاصنا
عجبك فيها ايه ؟؟؟؟؟؟؟؟؟؟
طيب حضرتك سئالت واحد عنده اوبترا او لانسر
اسئل واحد عنده افيو او لانوس
طيب مسائلتش نفسك 9000 فرق ليه بين الافيو والانوس
انت عاوز تركب اركب دايو لانوس مش شفروليه لانوس
عاوز تقول الفنوس بـ 400 هوانتي هتكسر فنوس كل شهر 400 جنيه
طيب تعرف فانوس الدايو الاصلي الامامي بكام الاول
الجديد350 الاستيراد 250 علشان تبقي واخد بالك
طقة في الباب اليمين دي مش هبد ورزع زي مانت فاهم ده صوت الفبر الي تحت الباب فبر بيريح عادي جدا صوت تمعه وانت قافل الازاز وماشي علي اسفلت خشن
واحد يقولك فانوس تيواني الماني صيني تركي الماني يباني
متجبش الي حجتها كوري دي تبقي الفبريقه حتي لو امريكي ر هات حجات كوري فقط

[drsemba]

على فكرة انا كنت اقصد التركى وقطع الغيار ده على اللوجان مش الافيو.
وبعدين ياجماعة اعذرونى انا اول مرة اشترى زيرو ومافيش حد اعرفه معاه افيو او لوجان عشان اجربها والمعارض بتخليك تتفرج بس عشان كده بسال كتير,والاراء فعلا متضاربة
انشاء الله الستخارة والافيو بامر الله.
ادعولى بالتوفيق.
شكرا على المساعدة

[hanyeng]

ياعم انا لست زعلان منك
اديك قولت نزل قطع غيار تركي للوجن يعام مفيش قطع غيار زي الفربيكه هلاقيه مش محكمة التركيب زي بتاع الفريكيه وهقولك الموضع ده ملاحظ في البيجو ديما يجيب قطع الغيار الفرنسوي للمكينه
اي عربيه افضل حاجه قطع غيارها الاصلي يقولك نزل من اسباني صيني فرنساوي تركي جن ازرق تجيب الفبريقه بس
انا بنصحك انا معيا افيو وانا قولتك هات لانوس او افيو يعني مقلتشك هات افيو بس
الناس بتفتيي كتيررررررررررررر
انا كنت زيك وكان في اراء كتيرررررررررر زيك ناس لانوس وناس فرنا وناس افيو انت عاوز تجيب لوجن علشان رخيصه مينفعش تقارن اللوجن من الدايو والافيو
عاوز تفارن صح تقول فرنا لانوس افيو
عاوز حاجه رخيصه هات فرنا ياسيدي
انا الي نصنحي واحد تاجرر عربيات وخدت برائيه
قلي انت هتشتري ايه لما اشتري العربيه القديمه
قلت شفروليه لانوس
قلي هات افيو وقعد شرحلي الاسباب
علي فكره انا مخدتهاش من عنده هو بشتغل في المستعمل فقط
يعني الراجل ملوش مصلحه معاي
كنت انا مختار لانوس وبعدين غيرت رائي
لو فلوسك متجبش الافيو هات فرنا
الترتيب كل التالي من الافضليه
1- افيو
2 - لانوس
3- فرنا

طيب الناس الي قالت ان العفشه وحشه بتاعت الافيو معهمش افيو طيب عرفو منين
كان عندهم افيو وبعوها يعم سيبك من الكلام ده
والناس الي بتشتري الافيو مايفهموش
شوف الافيو محققه مبيعات اكتر من شفروليه لانوس
اول الشكل الجديد للافيو من 2007 واحنا 2011
شوف الافيو انتشر ازي الافيو ضربيت مبيعات الفرنا والانوس
خلال 4 سنين
تعرف اللانوس من كام من 1998 يعني بقالها13 سنه بنفس الشكل العقيم
مفيش تجديد
الافيو بتكنولوجيا جديده علي الاقل تكنولوجيا 2007 مش 1998
انا مش مستفيد حاجه انا لا هبعلك حاجه ولا هشتري
وبرجاء لما تشتري عربيه تبقبي تقلي نوعها ورائيك فيها
والف مبروك مقدما

[MOUSTAFA_SAAD]

يااستاذ قطع غيار ايه اللى مش موجوده والميكانيكى بيلف عليها يومين
ممكن توضح عربيه جديده بتحتاج ليها ايه
وياريت كل واحد ينصح حد يراعى ضميره شويه

[drsemba]

قطع غيار اللوجان .
وبعدين كل اللى بيشكر فى صيانة اللوجان عشان التوكيل , بس السؤال اية اللى بعد التوكيل والضمان مش برده هنروح لميكانيكية ولا اية (اللى فعلا مش بيصلحو اللوجان)

[engaass]

تتميز ال لانوس عن الافيو بفرق السعر والانتشار الرهيب (اللى البعض بيعتبره عيب)
لو معاك فلوس فاكيد الافيو هتكون احسن واشيك
بس بصراحة وانا بشترى كنت معجب بالافيو جدا بس مش عارف لما قعدت فى العربيتين فى المعرض فى نفس الوقت حسيت انها متستهلش فرق السعر عن ال لانوس بغض النظر عن فرق الشكل اللى لصالح الافيو
نصيحة روح معرض عنده كل الانواع اللى بتقارن بينهم وشوفهم فى نفس الوقت هتفرق معاك جدا
ملحوظة هامة جدا
بما انى لاداوى قديم خلى بالك ان قعده ال لادا اريح من ال لانوس والافيو مع طوال القامة

[titooooasg]

من رأيي بومه كسر زيرو افضل من كل دول

[AHMEDATTARKARE]

بجد أنت لو فارق معاك آراء الناس كنت إقتنعت لأنها واضحة جدا من تاني مشاركة

أي سيارة ...أي سيارة معرضة لميكروباص يريح عليها يطبق إكصدام ويريح علي سربنتينة التكييف


ساعتها بقي يا حلو إسمحلي أقولك
1. اللانوس يتكلف في حدود 500 ج وهيلاقيهم عند البقال
كفاية أقولك الإكصدام الأمامي الإستثماري ب 90 ج وإستيراد لون العربية ب 250
أنا شخصيا لحمت إكصدام شيفرولية سبارك ب 110 مجرد لحام لأن الأصلي ب 475 ولازم يلف عليه شوية
ده غير الرش ب200 ج كدة دخلنا في 700 ج إكصدام تعالي قارنة بلانوس تلاقية أقل ب 300%

أنا مش منحاز للانوس بس بجد قطع غيار ببلاش
ببلاش
الموتور كله علي بعضه إستيراد من بور سعيد ب 1800 ج
دول يا دوب صيانة ال 10000 بتاعة اللوجان

الأفيو شيك أوي بس صالون الانوس أريح مش أوسع



أنا مستبعد الوجان خالص كفاية فتحة مفتاح الباب تفكرك بباب الادا
زي ما يكون باب مكتب

[aymaneid]

انصحك بجد هات افيو ... انا معايا واحدة بقالها 3 سنوات .... وى كويسة قوى معايا ...
فى الاول يمكن تحس ان فى اصوات او تزييقة فى المساعدين زى ما قالولك لكن لما بدات امشى بيها وبعملها الصيانة
والعربية اتحركت من مكانها .... بدا الموضوع ده يختفى ز.......
لكن الحق يقال العربية مش واحشة ..... لانها واسعة وى شكلها كويس وى الصالون بتاعها كويس وى شيك عن اللانوس
غير انها عالية عن الارض وى ده المهم فى الموضوع كمان ....
ياراجل انا ركبت جتا 2011 وى كان معايا ناس ركبت معايا فى العربية ورا على الكنبة ...... كانت مسخرة ... كل شوية احك فى مطب .... العربية جديد ة وى مش عارف امشى بيها خالص وبلدنا مليانة مطبات ..... وى عاوز اقولك انى كنت مخنوق جدا من الحك ده لما زهقت وى سعتها قولت عربيتى برقبة الجتا رغم امكانيات العربية وى فرق الفلوس
لكن الحتة دى بزات وى ارتفاع العربية مهم جدا جدا وى هتلاحظ حاجة مهمة اوى ان كل الستات والبنات بداوا يجيبوا العربية دى عشان الموضوعه ده .....
فالعربية هترضيك لحد ما توصل لطموحات تانية هى مش فيها ...... وى ساعتها هتكون عاوز عربية اعلى كتير بامكانيات تدفع فيها مبالغ اكتر ممكن توصل للـ 160000 او 200000 فخليك فى الافيو على الاقل الشيفر فى مصر ليه قيمة وى حافظ مركزوا .... وى مش هتخسر لو حبيت تبيع

اما اللانوس عربية محترمة وى حلوة برضوا بس من 10 سنين لما كان التكييف فى العربيات معجزة فى مصر وى الدايو علامة لا يعلى عليها لكن الوضع تغير ... فخليك مع العصر والوقت اللى احنا فيه ...

اما الرينو ..... انا كنت هشتريها لكن صراحة ما حبتهاش لان التصميم بتعها مش مواكب العصر ... غير الصالون مش جذاب
رغم انها ثابتة على الارض وى امكانيتها مش وحشة نهائى .... لكن الموضوع كان عندى عملية زوقيات مش اكتر

فلو انت معهاك فلوس الافيو ..... اتقل على الله ..... ولو معاك اكتر هات نيو اكسنت ... موتور اقوى 1600 وتكييف اقوة
ولو معاك اكتر هات اوبتر ...... دى بقة اشهدلك بيها بجد ..... عربية جرايا وى موتور قوى وثبات زى الفل .... وى احساس بالامان غير عادى وى انت راكبها ...... لكن ارجع وى اقولك شوية واطية فى الارض

فكر وى قولى عملت ايه .......