Bmw316 مو 2000 ولا فلونس 2010

[Seifmando]

انا معايا بومة 2008 كلاسيك
بفكر ابيعها واغير بس محتار جداً بين
bmw 316 مو 2000
ولا
فلونس 2010

انا عاوز عربية فيها امان ورفاهية وجراية وقطع غيار فى المعقول
نفسي فى التكنولوجيا والفخامة بتاعت فلونس اللي تحسسك انك قاعد فى طيارة
وفى نفس الوقت نفسي فى امان وشياكة وقوة البي ام

انتو رايكو ايه

[ahmed2y]

صعب مقارنة بين عربية شبة زيرو والرينو مش قليلة وعربية عمرها 11 سنة حتى لو كانت bmw عشان كدة لو هختار هختار الرينو

[Seifmando]

صعب مقارنة بين عربية شبة زيرو والرينو مش قليلة وعربية عمرها 11 سنة حتى لو كانت bmw عشان كدة لو هختار هختار الرينو

حتى بالمشاكل المشهورة فى الرينو

[IronHead]

بص ياسيدى انا برضو مرجح عربية زيرو عشان الزيرو ليه تعمو برضو, غير كمان انك هتبقى جايب عربية جديدة وفرحان ومش عايز يطلعلع خوازيق المستعمل, اللهم الا لو هتشترى مستعمل من واحد معرفة وساعتها هيقلك على كل الى فيها
fluence عربية محترمة جدا بس مشكلتها انك لازم تعمل حسابك انك تبقى زبون دايم للتوكيل عشان محدش بيفهم فى التكنولوجيا المعقدة بتعتها

[Seifmando]

انا عارف انى بتقل عليكو شويتين
طب ممكن نشيل الفلونس وندخل مكانها جولف 5 مو 2005
بيتهيألى كدا قربت شوية

[M.Alaa92]

بص اولا الفلوانس عربية تحفة و قطع الغيار اسعارها كويسة و مع احترامى لل بى ام انا اركب عربية موديل سنتين فاتو ولا عربية عدى عليها 13 سنة؟؟؟ طبعا الالمانى كجودة لا يعلى علية بس فرق السنين و الكيلوات المقطعة لصالح الفلوانس