ماروتي أم 128

[arc_adham]

السلام عليكم
عايز رايكم اجيب ماروتى مستعمله و لا 128 مستعمله

و شكرا

[RAMYALI_1982]

لو مش فارق معاك الشنطة يبقى الماروتى احسن بالتأكيد بس هاتها موديل حديث معداش علية غير 3 او 4 سنين بالكتير عشان تبقى شدا حيلها

[almahmoud1]

لو 128 تكون على الاقل موديل 2006 أما الماروتى على الاقل موديل 2009 لان العمر الافتراضى للماروتى بيستهلك بسرعة جداً لانها بطبيعتها عربية ضعيفة - أنصحك بال 128 بس تكون حالتها كويسة - العربية دى تقدر تظبطها باقل التكاليف - على فكرة انا عندى 128 2006 وكنت بردة محتار بين الاتنين - بس فى الاخر قولت 128 علشان تستحمل الطرق والسفر والشيل والحط وكل حاجة ، ربنا يوفقك.

[RAMYALI_1982]

لو 128 تكون على الاقل موديل 2006 أما الماروتى على الاقل موديل 2009 لان العمر الافتراضى للماروتى بيستهلك بسرعة جداً لانها بطبيعتها عربية ضعيفة - أنصحك بال 128 بس تكون حالتها كويسة - العربية دى تقدر تظبطها باقل التكاليف - على فكرة انا عندى 128 2006 وكنت بردة محتار بين الاتنين - بس فى الاخر قولت 128 علشان تستحمل الطرق والسفر والشيل والحط وكل حاجة ، ربنا يوفقك.

مش لدرجة 2009 ياباشا الماروتى مع الناس من التسعينيات ومش بتقول لأ يعنى هى لو ماروتى 2006 هاتبقى وحشة طبعا لا دة غير ان عفشها افضل بالتأكيد من ال 128 وبعدين مع احترامى لحضرتك 128 اية اللى هاتستحمل السفر انت عمرك شوفت 128 على الصحراوى ولا حتى الماروتى خلينا عقلانيين الاتنين عربيات مدينة فقط وااللة انا مش قصدى حاجة بس حضرتك جربت الماروتى الاول عشان تحكم عليها ال 128 بتستهلك (بضم التاء) بسرعة جدا وكل شوية عند الميكانيكى وخاماتها كلها رديئة وقطع غيارها مش معمرة تماما انا مش بقول ان الماروتى جاجور بس قطع الغيار معمرة اكتر نسبيا وكفاية انها من اصل يابانى اة تقفيل هندى بس التقفيل الهندى جيد جدا احسن من المصرى بمراحل وكفاية ان سرعة ال 120 كيلو دة حلم بالنسبة لل 128 ومش هاقول انة عادى بالماروتى بس العربية توصلهم بسهولة وتعدى كدة كمان وغير كدة كل اصحابها بيقدروها ويحبوها (ارجع لقسم السزوكى فى المنتدى) هاتلى انت حد بيشكر فى ال 128

واخير ربنا يوفق صلحب الموضوع للى فية الخير
بس انا لسة عند رأى الماروتى احسن لو مش فارق الحجم يعنى لو استخدام فردى او اسرة صغيرة لحد 4 افراد متوسطى الحجم

[RAMYALI_1982]

اة نسيت اضيف كمان ان الماروتى اوفر فى استهلاك البنزين لو حالتها كويسة بيكون من 360 ل 400 كيلو فى الصفيحة ودة رقم قياسى صعب اى عربية تانية توصلة مع العلم انها كاربيراتير كمان مش انجكشان يعنى لو صاحب الموضوع قدر انة يجيب التو 800 انجكشان يبقى المقارنة اتحسمت تماما لعائلة السوزوكى

[mazagngi2010]

كنت واقع فى حيرتك وفى الاخر جيبت مازدا !!! ولو الزمن رجع بيا هجيبها من غير تفكير

[M.Alaa92]

لو فارق معاك الشنطة يبقى 128
عاوز عربية موديل عالى و مشاكل اقل بس ضيقة يبقى الماروتى

[RAMYALI_1982]

لو فارق معاك الشنطة يبقى 128
عاوز عربية موديل عالى و مشاكل اقل بس ضيقة يبقى الماروتى

+11111خير الكلام ما قل ودل

[graffittiii]

لو في لادا كويسة يكون أحسن ...
.

[adelmof40]

ماروتي ماروتي ماروتي ماروتي
لا تدور ولا تحتار حتي لو كانت موديل 1994
لانها بكل تأكيد افضل من ال 128
اللي هي بتتصنع من سنه 1969
يعني بنقارن اساسيات
1969 مع1994

[Sehsss]

والله الاثنين مش حلوين.. كمل شوية وهات سوزوكس ألتو

[Eslam.Elrefaey]

مااارررووووتى وشششش