مقارنة قياده بين مازدا 3 الجديده والالنترا الجديده

[M.Elgergawy]

تقرير هايل
وربنا يباركلك في العربيتين

[drmatiya]

بس على فكرة كنبة المازدا ضيقة جدا بالنسبة للالنترا

[Hossam_Zaky]

مقارنة رائعة من واحد فاهم ما شاء الله عليك
و في منتهي الواقعية بالذات الجملتين اللي أختصرت بهم العربيتين
و إن كان اللي بيستفزني في موضوع العربيات الياباني و الكوري موضوع السعر يعني حتلاقي في أوروبا و أمريكا سعر العربية الكوري أقل من مثيلتها الياباني في نفس الفئة ( ده أحد طرق المنافسة الكورية لليابان بجانب الجودة ) فأنا كل ما بتابع أسعار العربيات الجديدة بتغاظ جدا لما ألاقي سعر العربية الهيونداي بنفس تمن العربية المازدا مثلا
حضرتك معاك الأتنين أكيد تكلفة صناعة العربية الياباني نسبيا أعلي من الكوري سيبك من الشكل الخارجي اللي معظم المصريين بيشترو عشانه العربيات و شوية الكماليات اللي في العربية
مضمون العربية اللي هو مثلا التعليق ( العفشة ) أكيد في المازدا ( مقصات أمامي و خلفي ) مكلف عن الهيونداي ( مقصات امامي و قنطرة ماسكة العجلتين الخلفي ) و اكيد فيه تفاصيل تانية
يبقي إزاي تنزل العربية الهيونداي الكوري بنفس سعر العربية المازدا الياباني
ده مش تقليل من قيمة أو جودة الكوري لكن شايف مبالغة في السعر للهيونداي في مصر تساوت به مع عربيات زي المازدا و الهوندا الياباني بينما المفروض أن سعرها يكون أقل من كده لأن ده أحد أهم أمكانيات العربيات الكوري في المنافسة العالمية

[hopa9]

عيوب الالنترا الجديده القاتله

عيب قاتل في هونداي النترا 2012 الجديدة - منتدى السيارات

[hopa9]

عيوب الالنترا الجديده 2012 القاتلة

[Ayman_A1]

3- الراحه والجلوس :
الكنبه في المازدا اكثر راحه في الجلوس والالنترا برضو مريحه جدا
طيب والكرسى مريح ولا لأ؟

-الموتور:
المازدا صوته رياضي رائع طلعته من الثبات اقوي من الالنترا
تقصد طلعته أقوى كتجميع ولا كصوت فقط ؟
وهل الصوت مسموع داخل العربية؟

6-الجير بوكس ممتاز في الاتنين لاتشعر بالنقلات ولكن الالنترا 6 نقلات والمازدا 4
هل يوجد بالمازدا سبورت درايف؟

10- الكماليات:
المازدا تزيد فوانيس اماميه عدسات مع موتور تحريكها للاعلي والاسفل _ الاربعه زجاج اوتو اب اند داون -ايموبيلايزر - فرامل abs ebd - الشنطه علي 2 مساعدين
الزجاج اوتو، يعنى يوجد فيه وحدات رفع ؟
هم مساعدين الشنطة دول مش حاجة عادية موجودين فى اى عربية؟
هم مش موجودين فى الإلنترا أزاى؟

هل يوجد hill support (اللى بيخلى العربية ماترجعش ورا لو طالع مطلع) ؟

[AutoTycoon]

شكراً و فعلاً المازدا احلى و دلوقتي سعرها منافس بالنسبة للإلانترا

[حماده المصري]

مقارنه واقعيه جدا جدا

وفعلا المازدا 3 هي من افضل السيارات في الفئه دي وبالنسبه لي عشان هي مع 3 صحابي انا بعتبر العربيه دي فعلا تحفه فنيه بكل المقاييس

عفشه من ال الاف ل الياء فورد فوكس كل مساعدين وسوست مقصات وفرامل والمالتي لينك كله فوكس(فورد انعم عربيات في العالم اساسا تركبها متحسش بحاجه) بالاضافه الى التصميم الممتاز وفعلا قيادتها ممتعه ورياضيه بكل معنى الكلمه

انا شايفر اكتر عيب موجود في المازدا اسعار قطع الغيار بهدله

بالنسبه للالنترا ف انا شايف ان الكوري الجديد عموما افضل في الشكل من القديم بس في العفشات والراحه والثبات فشل مش عارف ليه

[dr.amr]

هل يوجد hill support (اللى بيخلى العربية ماترجعش ورا لو طالع مطلع) ؟

1- الكرسي مريح جدا
من اريح الكراسي اللي قعدت عليها

2-كتجميع من الثبات اقوي من الالنترا
تحس انه بيخلي العربيه تنط من الارض
دي برضو واحد زميلي لاحظها بيقولي موتورها شديد في الطلعه

3- بالنسبه للصوت لو انت فاتح الشباك هتسمعه
العزل ممتاز تحس انك في اوضه مقفوله
صوت الموتور غير مسموع الا لو قرصت

4-يوجد غيار (+) (-)
للقياده الرياضيه

5-فعلا الازاز فيه وحدات رفع
ممكن تنزل الاربعه او ترفعهم من الريموت

6-مساعدين الشنطه مش موجودين في الالنترا
ولا اغلي مثلا فلوينس ولا سيراتو ولا بومه
معرفش السيفيك فيها ولا لأ

7-العربيه مبترجعش خالص علي اي مطلع بالعكس بتزحف لفوق
الا لو مطلع كوبري جامد منحدر قوي بتقف متتحركش عليه

اي خدمه :)

[dr.amr]

بالنسبه للالنترا ف انا شايف ان الكوري الجديد عموما افضل في الشكل من القديم بس في العفشات والراحه والثبات فشل مش عارف ليه

فعلا انت استاذ ياباشا

كنت لسه هكتب عن موضوع العفشه والثبات

كان معايا النترا الشكل القديم 2008

عفشتها افضل

نفس قوة الموتور تقريا

الشكل جوه وبره الجديده احسن والوسع طبعا

معرفش هيونداي وكيا اغبياء في صنع انظمة التعليق ليه كده

التريلينج اللي كان في الالنترا القديمه كان كويس يحسنوه مش ينيلوها

[ashouhdy]

انا معترض على نقطة صغيرة

الفرامل

المقارنة مستحيلة لأن واحدة بدون انظمة فرامل والتانية كاملة !! المفروض لما اقارن بين الاتنين يكونوا متساويين فى كل حاجة صح ولا انا غلطان

[ashouhdy]

فعلا انت استاذ ياباشا

كنت لسه هكتب عن موضوع العفشه والثبات

كان معايا النترا الشكل القديم 2008

عفشتها افضل

نفس قوة الموتور تقريا

الشكل جوه وبره الجديده احسن والوسع طبعا

معرفش هيونداي وكيا اغبياء في صنع انظمة التعليق ليه كده

التريلينج اللي كان في الالنترا القديمه كان كويس يحسنوه مش ينيلوها

برضة معترض

عندك الكورولا والسيفيك والسيراتو والالنترا كلة تورشن بيم ... دة الأتجاة الحالى

لو عاوز حاجة مريحة حتدور على فاميلى كار ذى الكارينز عندى مالتى لينك طرى بطريقة عجيبة متحسش بالبلاعات حتى !

[dr.amr]

انا معترض على نقطة صغيرة

الفرامل

المقارنة مستحيلة لأن واحدة بدون انظمة فرامل والتانية كاملة !! المفروض لما اقارن بين الاتنين يكونوا متساويين فى كل حاجة صح ولا انا غلطان

اللي هيجنني يا دوك في الموضوع ده

ان فرامل الالنترا القديمه ممتازه جدا

وبدون اي انظمه

[dr.amr]

برضة معترض

عندك الكورولا والسيفيك والسيراتو والالنترا كلة تورشن بيم ... دة الأتجاة الحالى

لو عاوز حاجة مريحة حتدور على فاميلى كار ذى الكارينز عندى مالتى لينك طرى بطريقة عجيبة متحسش بالبلاعات حتى !

التريلينج بتاع الكارينز ممتاز

ببس ده استرخاص بصراحه التورشن سيء

وبعدين المازدا نفس فئة اللي كتبتهم دول كلهم ومالتي لينك

انا شايفه استرخاص اكتر منه اي شيء اخر

[ashouhdy]

المازدا احلى من الكورولا والسيفيك دة رأيى .... بس يارب منضربش :)))))

المازدا بجد عربية متكلفة الالنترا سعرها مبالغ فية جدا ... المفروض لا تزيد بأى حال من الأحوال عن 125الف كاملة بكل حاجة

المازدا احترمها على سعرها وفيها كل حاجة ... ومش مهم الموتور