مازدا 3 2012 ولا اوكتافيا 2012

[Miss_Pharma]

بصراحة كنت محتارة جدا بين كذا حاجة وعجبني شكل الكروز جدا وسعرها .. بس الموجود في الكويت ال 1800 سي سي فقط ودي طبعا مش هتنفع لأني ناوية انزلها مصر ..
وبعدين فكرت في النترا .. بس بصراحة من كتر الكلام اللي شفته عنها ما بين مؤيد ومعارض .. اتخنقت منها من قبل ما اشوفها اساسا ..
وكمان اللي استفزني اكتر اني لما رحت اسأل عليها في المعرض قالولي 2012 جبنا دفعة وخلصت .. والدفعة التانية جاية في الطريق وكلها محجوزة مفيش الا الابيض !!

المهم عشان ماطولش عليكم .. في الاخر المقارنة بقت بين المازدا 3 2012 والاوكتافيا 2012
بس لسه مشفتش المازدا قدامي .. هتنزل كمان شهرين لسه ..
بالنسبة للسعر الاوكتافيا اوتوماتيك فاضية ب 5300 اي ما يعادل 115 الف مصري .. والفل اوبشن ب 130 وغالبا لو هجيب هتبقى الفاضية
والمازدا لسه مش معروف سعرها كام بس اعتقد هيكون في نفس الرينج مش اكتر من كده ..

ياريت مساعددكم خصوصا فيما يتعلق بالثبات وقطع الغيار والباور و فتيس الاوتوماتيك ..
وعايزة احجز بدري عشان اختار اللون اللي يعجبني عشان بتنرفز موت لما اروح ادفع مبلغ وقدره في عربية وكمان ماخدش اللون اللي كان نفسي فيه عشان خلص !! منتظرة مساعدتكم .. وياريت بعيدا عن اي دعاية او تحيز .. تكون مقارنة عادلة مفيدة ..

[ahmedsadek82]

بصراحة كنت محتارة جدا بين كذا حاجة وعجبني شكل الكروز جدا وسعرها .. بس الموجود في الكويت ال 1800 سي سي فقط ودي طبعا مش هتنفع لأني ناوية انزلها مصر ..
وبعدين فكرت في النترا .. بس بصراحة من كتر الكلام اللي شفته عنها ما بين مؤيد ومعارض .. اتخنقت منها من قبل ما اشوفها اساسا ..
وكمان اللي استفزني اكتر اني لما رحت اسأل عليها في المعرض قالولي 2012 جبنا دفعة وخلصت .. والدفعة التانية جاية في الطريق وكلها محجوزة مفيش الا الابيض !!

المهم عشان ماطولش عليكم .. في الاخر المقارنة بقت بين المازدا 3 2012 والاوكتافيا 2012
بس لسه مشفتش المازدا قدامي .. هتنزل كمان شهرين لسه ..
بالنسبة للسعر الاوكتافيا اوتوماتيك فاضية ب 5300 اي ما يعادل 115 الف مصري .. والفل اوبشن ب 130 وغالبا لو هجيب هتبقى الفاضية
والمازدا لسه مش معروف سعرها كام بس اعتقد هيكون في نفس الرينج مش اكتر من كده ..

ياريت مساعددكم خصوصا فيما يتعلق بالثبات وقطع الغيار والباور و فتيس الاوتوماتيك ..
وعايزة احجز بدري عشان اختار اللون اللي يعجبني عشان بتنرفز موت لما اروح ادفع مبلغ وقدره في عربية وكمان ماخدش اللون اللي كان نفسي فيه عشان خلص !! منتظرة مساعدتكم .. وياريت بعيدا عن اي دعاية او تحيز .. تكون مقارنة عادلة مفيدة ..

اوكتافيا في مصر قطع غيارها ارخص بفارق ملحوظ عن مازدا + للوسع بالنسبة للصالون و الشنطة في صالح اوكتافيا اما الثبات متقارب كذلك الباور و الفتيس , الاوكتافيا في الكويت نازلة 1600؟ و لا حاجو تانية ؟ و ده جدول مقارنة بين اسعار قطع الغيار في مصر للوكتافيا مقارنة بالياباني كله :
[IMG] Uploaded with ImageShack.us[/IMG]

[Miss_Pharma]

[QUOTE=ahmedsadek82;3873786876]اوكتافيا في مصر قطع غيارها ارخص بفارق ملحوظ عن مازدا + للوسع بالنسبة للصالون و الشنطة في صالح اوكتافيا اما الثبات متقارب كذلك الباور و الفتيس , الاوكتافيا في الكويت نازلة 1600؟ و لا حاجو تانية ؟ و ده جدول مقارنة بين اسعار قطع الغيار في مصر للوكتافيا مقارنة بالياباني كله :

شكرا جدا على اهتمامك ..
اوكتافيا هنا 1600
ولسه راجعة من المعرض حالا .. هي فعلا واسعة جداا وشنطتها كبيرة اوي بشكل ملحوظ يعني ..
وعجبتني الميديام لاين لان الفاضية ناقصها حاجات كتير جدا وكمان لون التابلوه بتاعها ستاندرد في كل الالوان .. ولونه سيئ جداااا
الميديام لاين التابلوه الوانه وخاماته مختلفة واشيك كتير ..
ده غير ان الفاضية فيها ايرباج واحدة بس للسواق !!!

ميرسي جدا للجدول

[hugan]

اوكتافيا

[Miss_Pharma]

دي مواصفات الاوكتافيا الميديام لاين اللي تمنها يعادل 130 الف

رنجات المنيوم 16
اضاءة هالوجن
كشافات ضباب
مرايا كهرباء واشارة
شبابايك قدام ووراء كهرباء
2 صندوق تبريد
مسند يد امامي
امدادات اي بود
2 ايرباج
رادي سي دي mp3
تكييف لمس امامي وفيها تكيف خلفي كمان لمس
مثبت سرعة
مساحة خلفية
ستارة خلفية
سينسور خلفي وشاشة للسينسور ناطقة
نظام abs
نظام ثبات esp
توصيلات بلوتوث


والسعر ده عرض لحد لما الكمية الموجودة تخلص .. والدفعة الجديدة هتزيد 17000 في سعر العربية ..
يعني لازم اخد قرار قبل ما المازدا تنزل ..

ساعدوني الله يخليكم ..

[Miss_Pharma]

اه كمان نسيت اقول ان الصيانة بتاعتها بتبقى كل 15 الف والتانية عند 30 الف
والصيانة الكبيرة بتاعتها بتبقى صيانة ال 90 الف ..

انا غالبا كده هتوكل على الله واجيب الاوكتافيا مادام محدش ليه رأي تاني ..

[tamerosman]

انا كان عندى مازدا 3 و هيه عربية محترمة بس فى مصر الاوكتافيا افضل فى قطع سعر و توافر قطع الغيار و سعر اعادة البيع

كمان الاوكتافيا صاجها اقوى من المازدا 3 و شنطتها اوسع

لو هتشتريى الاوكتافيا و تنزليها مصر على طول يبقى تشترى من مصر ارخص


لو هتركبيها فى الكويت و تنزيليها بعد 3- 5 سنين على الاقل و تاخدى خصم جمارك يبقى الاوكتافيا على طول

بس نصيحة اشترى عربية يكون لها سوق فى الكويت علشان لو حبيتى تبعيها و منزلتيهاش مصر لاى سبب متخسريش علشان الاوكتافيا ملهاش سوق فى الخليج

انا عشت فى الخليج 6 سنين و شايف ان افض عربية تتركب هناك و تتباع هناك فى 5 دقايق الكورولا و كمان لما تنزل مصر تبقى تمام يعنى تمشى كويس سواء بعتيها هناك او نزلتيها مصر بعدين

[mahmoud_afifi]

اه كمان نسيت اقول ان الصيانة بتاعتها بتبقى كل 15 الف والتانية عند 30 الف
والصيانة الكبيرة بتاعتها بتبقى صيانة ال 90 الف ..

انا غالبا كده هتوكل على الله واجيب الاوكتافيا مادام محدش ليه رأي تاني ..

الاوكتافيا جميله وكل حاجه بس عرفت انها مش ناجحه في الخليج عشان التكييف بتاعها مش كويس في حر الخليج أو بياخد وقت عبال ما يسقع. يعني السنتين الي هتستخدميها هناك هيبقى صعب شوية

[ahmedsadek82]

اه كمان نسيت اقول ان الصيانة بتاعتها بتبقى كل 15 الف والتانية عند 30 الف
والصيانة الكبيرة بتاعتها بتبقى صيانة ال 90 الف ..

انا غالبا كده هتوكل على الله واجيب الاوكتافيا مادام محدش ليه رأي تاني ..

ربنا يوفقك , الاوكتافيا مفيش كلام , بس احسبي جماركها عشان تشوفي حتقف عليكي ارخص من مصر لو حتنزلي بيها ولا ايه .

[superb]

مع احترامى للمازدا بس الأوكتافيا بالنسبالك هتكون افضل كمان المازدا مفيهاش تعديلات ثوريه و عاديه فى نظرى لاكن الأوكتافيا بتديكى الأوروبى فى كفائته و متانته و اعتماديته العاليه و الأوروبى هى السيارات الوحيده اللى صيانتها بتكون بعد ال 90 دا فى الصيانات الكبيره .. بس ياريت لو تدورى عندك على اوكتافيا موتور fsi 1.6 دا احسن كتير من ال MPI 1.6 اللى موجود فى مصر و هى قليله اوى هنا فى مصر و منزلوش كتير الا خليجى و كام عربيه بس ... و ربنا يوفقكك فى الخير انشاء الله ,

[superb]

ملحوظه : المحرك ال 1.6 (fuel straigh injector) fsi بيخرج 115 حصان و 85 كيلواتت
المحرك ال 1.6 mpi(multiple point injector ) بيطلع 101 حصان و دا موتور الجيتا اللى بتنزل بيه مصر و كان موجود بردو فى الجيتتا القديمه هو عمره اطول لكن تقيل شويه فى التجميع .. و صيانته سهله و غير مكلفه و دى تعتبر ميزه مهمه جدا

[Miss_Pharma]

لا اكيد مش هنزلها على طول .. هقد بيها الاول 5 سنين ان شاء الله او اكتر ..
بالنسبة لحسبة الجمارك بقى .. المفروض ان اول سنة 10 % وبعد كده 5 % بحد اقصى 5 سنين .. يعني الاجمالي 30 % من سعر العربية اللي هو 130 الف يبقى 90 الف تقريبا .. وجمرك ال 1600 65 % يعني 60 الف تقيبا على ال90 يبقى اجمالي 150 الف .. معرفش سعرها في مصر كام .. بس كده يبقى كويس ولا ايه ؟ وحسبتي صح اصلا ولا غلط ؟ كمان عايزة اسأل اذا كان فرق الاوبشن بيدفعله فلوس .. يعني الفاضية زي الميديام زي الهاي لاين ولا ايه ؟

وبعدين بالنسبة لنقطة التكييف .. هي مواصفات الخليجي مش بيراعوا فيها النقطة دي ؟
واللي شفتها هنا في المعرض ال mpi

[zangry]

انا سمعت ان الفاضية زى الفل ابشن فى الجمارك والله اعلم

[tamerosman]

لا اكيد مش هنزلها على طول .. هقد بيها الاول 5 سنين ان شاء الله او اكتر ..
بالنسبة لحسبة الجمارك بقى .. المفروض ان اول سنة 10 % وبعد كده 5 % بحد اقصى 5 سنين .. يعني الاجمالي 30 % من سعر العربية اللي هو 130 الف يبقى 90 الف تقريبا .. وجمرك ال 1600 65 % يعني 60 الف تقيبا على ال90 يبقى اجمالي 150 الف .. معرفش سعرها في مصر كام .. بس كده يبقى كويس ولا ايه ؟ وحسبتي صح اصلا ولا غلط ؟ كمان عايزة اسأل اذا كان فرق الاوبشن بيدفعله فلوس .. يعني الفاضية زي الميديام زي الهاي لاين ولا ايه ؟

وبعدين بالنسبة لنقطة التكييف .. هي مواصفات الخليجي مش بيراعوا فيها النقطة دي ؟
واللي شفتها هنا في المعرض ال mpi

مضبوط بعد 5 سنين خصم الجمارك 10 % + 4 فى 5% = 30% خصم على الجمرك


بس ال 30% دى على الجمرك بس مش اجمالى سعر العربية

مثلا لو سعر العربية فى الكويت 100 الف جنيه

هيبقى الجمرك و ضريبة المبيعات 61% فى ا= 61 الف جنيه


يبقى الاجمالى 161 قبل الخصم و يبقفى الخصم 61 الف فى 30% = 18 الف


تبقى العربية واقفة بحوالى 100 تمنها فى الكويت + 43 جمرك = 143بعد خمس سنين برضه مش مجدى اوى


حقولك نصيحة بما انى عشت فى كذا بلد فى الخليج : اشترى عربية ممكن تباع هناك بسهولةو خسارة قليلة و كمان ممكن تنزل مصر يعنى يبقى الاختارين معاكى


يعنى تجيبى كورولا لانها فى الخليج بتتباع فى 5 دقايق

[Miss_Pharma]

يالهوي ده كده الحسبة هتتغير فعلا وهتبقى مش مجدية .. هتقف عليا بجماركها 185 الف !!!
بس للاسف انا مش بحب الكورولا خالص ..