محتاج سيارة زيرو لاتزيد عن 115 الف

[mohamed_berlitz]

السلام عليكم يا احلى ناس فى نايل موتورز,

محتاج سيارة زيرو لاتزيد عن 116 الف مع الاخذ فى الاعتبار الاولويات التالية مرتبة بالاهمية :

1- قلة الخسارة عند البيع (سعر اعادة البيع)
2- رخص ووفرة قطع الغيار
3- عدد الاحصنة (قوة الموتور)
4- عفشة ناعمة
5- متانة العربية (شاسية وجسم معقولين مش ورق)
6- شكل العربية
7-كماليات العربية

ياريت اراءكوا يا رجالة مع العلم انى مش حقدر ازود مليم على المبلغ دة.

[IronHead]

عندك لانسر 1600 كلاسيك وعندك نيسان صنى سوبر صالون

[maro007]

و ممكن نيسان تيدا و كيا كارينز و كيا سيراتو

[mohamed_berlitz]

وماذا عن....

وماذا عن:
1- النترا 2012 مانيوال
2- النترا 2011 مانيوال
3-كروز
4-رينو فلوانس

[arateb]

صني سوبر صالون جميله نصحيتي خليك في الياباني مهما عجبك شكل الكوري او الاوبشن اللي فيه

[togo]

تيدا او صني سوبر صالون او لانسر كلاسك

[eng/ahmed_go]

مفيش غير اللانسر 1600 البومة

[elpasha1]

النترا

[ahmedamr]

شوف سيراتو او صنى سوبر صالون او كارينز دول افضل اختيارت فى الفئة دى لكن البومة دى بقت عاملة زى الشاهين فى الشوارع

[حماده المصري]

بالنسبه لكلامك واحتياجك متطلعش من اتنين

صني واوبترا والاتنين هتوفر فيهم لانهم اقل من 116 الف بكتير

والاتنين ممتازين من كل النواحي اهم حاجه فيهم الاتنين اعاده البيع كويسين والصني قطع غيارها اغلى من الاوبترا بس العربيتين محترمين

ولو بتفكر في مستعمل يبقى هات كورولا وانسى بقى اي حاجه عربيه شيك في الجيب وهتلاقيها في حدود 80 او 85 الف وانا رايي الشخصي هات الكورولا الشيب القديم ما قبل 2008 هتلاقي وحده نضيفه جدا اقل من 100 الف اكيد

[MaZaGAngeE]

صنى سوبر صالون
كارينز
اوبترا
البومة

كلهم كويسين في الحدود بتاعتك بس ابدأ من المساحة الداخلية اللي محتاجها و بعد كده شوف المنشأ المتاسب لامكانياتك

[benmatar]

السلام عليكم
أنصح حضرتك بالابتعاد عن الكوري والصيني، حضرتك ممكن تشوف البروتون البيرسونا 95 ألف جنيه بصراحة ممتازة، وطبعا النيسان التيدا 116 ألف جنيه والنيسان الصني أعلى فئة ثمنها 103 ألف كويسة برضه. وممكن تفكر في الرينو سكالا جميع الكماليات 96 ألف جنيه.

[Donzi]

نيسان تيدا اول فئة اوتو

[Sehsss]

تيدا يا باشا ومش هاتندم، وطالما 115 ألف تقدر تجيب بيهم ياباني، ليه تجيب كوري !!!!!!!!!!

[szaalouk]

صني أو تيدا و لو يهمك قوي موضوع سعر اعاده البيع يبقي تزود عليهم اللانسر البومه
و لا تحيد عن الياباني مهما كانت مغريات الشكل و السحب و التابلوه .
" يا واخده القرد علي ماله يروح المال و يبقي القرد علي حاله "