فورد مونديو 1998/1999 vs سبيرانزا 2007

[ahmed1mohd]

في البدايه تحيه لأعضاء المنتدي الكرام و المشرفين المحترمين

بدور علي عربيه سعرها من 38000 حتي 43000 قدامي الأتنين دول و خبرتي مش أوي , نصائحكم و تعليماتكم القيمه بقي.
مع العلم:
التكييف أساسي
الأمان أساسي
قله الأعطال أساسي وتوفر قطع الغيار هام (معنديش قدره ألف علي صنايعيه و محلات)
بسافر 3-4 مرات في الشهر سفريات بسيطه 120 كم
الشكل: مهم

و الشكر مقدما لمن يساهم في الموضوع.. و في مقارنتين تانيين برده واحده بين فيتارا 99 و تريوس99/2000 وواحده بين بولو 2000 و أبيزا 2000

معلش يظهر أني هاتقل عليكم بس أنتوا قدها وأجدع كمان.

[ahmed1mohd]

في أنتظار ردودكم

[ahmed1mohd]

لو ماحدش رد عليا هاضطر اجيب العربيتين علشان أعرف أيه أحسن

[mido51eg]

السلام عليكم أستاذ احمد.
صعب جدا ان الفورد المونديو تتقارن باسبيرانزا. دي ركوبة ودي ركوبة تانية خالص. هحاول اقارن لحضرتك بين الأتنين بما اني راكب فورد واستعملت الأسبيرانزا لفترة:
1- التكييف
تكييف الفورد عموما مش بطال لكن لايقارن بتكييف الياباني والكوري وحاليا الصيني لكنه ممتاز كنظام تكييف يعتمد عليه.
تكييف الأسبيرانزا تلاجة انما لايعتمد عليه كنظام تكييف. عربية جوز اختي ، وعلابية اخت المدام سربنتينة التكييف باظت وسربت الفريون في العربيتين برغم ان واحدة منهم مو 2007 وعاملة حاليا 20000 كم بس. يعني مقارنة درجة التبريد بالاعتمادية المونديو تكسب.
2- الامان
الفورد بكل موديلاتها تكسب بلامنازع. فيه زميل لينا في قسم الفورد معاه مونديو بيجيب بيها 180 كم/س وثبات خرافي.
3- قطع الغيار
قطع غيار الفورد متوفرة الى حد بعيد وموجود الأصلي وموجود الألماني والأسباني والتايواني والحمد لله مفيش صيني. وموجود كمان الأستيراد.
اعتقد قطع غيار الأسبيرانزا متوفرة ايضا بس جديد ومعرفش اذا كان فيه استيراد ولا لأ.
4- الأعطال
نادرة في حالة الفورد لأن قطع غيارها معمرة جدا.

اخيرا اتمنى اني اكون افدتك وكنت محايد على اعتبار اني راكب فورد برضه.

[hugan]

بدون تحيز
المونديو عربيه علي العين والراس
لكن اسعار قطع غيارها
مين بيشتغل في الفورد
مدي تواجد قطع الغيار المطلوبه
بالنسبه لعدد العربيات الموجوده في الشارع
تقريبا لاتذكر
استهلاك العربيه عدد السنين
الاسبرانزا
التكييف 75000 كيلو استهلاك وتلاجه والحمد لله بدون عطل نهائي من الزيرو
اسعار قطع غيار ببلاش
تقريبا كل ميكانيكه مصر بقوا شغالين فيها
ثباتها محترم بشهاده المعارضين ليها
اتساع داخلي كبير
جميع الكماليات بمعني الكلمه عدا الايرباج والحساسات
لو مفيش عنك عقده الصيني
ارشح لك الاسبرانزا
عن تجربه مش مقارنه علي السمع

[ahmed1mohd]

السلام عليكم أستاذ احمد.
صعب جدا ان الفورد المونديو تتقارن باسبيرانزا. دي ركوبة ودي ركوبة تانية خالص. هحاول اقارن لحضرتك بين الأتنين بما اني راكب فورد واستعملت الأسبيرانزا لفترة:
1- التكييف
تكييف الفورد عموما مش بطال لكن لايقارن بتكييف الياباني والكوري وحاليا الصيني لكنه ممتاز كنظام تكييف يعتمد عليه.
تكييف الأسبيرانزا تلاجة انما لايعتمد عليه كنظام تكييف. عربية جوز اختي ، وعلابية اخت المدام سربنتينة التكييف باظت وسربت الفريون في العربيتين برغم ان واحدة منهم مو 2007 وعاملة حاليا 20000 كم بس. يعني مقارنة درجة التبريد بالاعتمادية المونديو تكسب.
2- الامان
الفورد بكل موديلاتها تكسب بلامنازع. فيه زميل لينا في قسم الفورد معاه مونديو بيجيب بيها 180 كم/س وثبات خرافي.
3- قطع الغيار
قطع غيار الفورد متوفرة الى حد بعيد وموجود الأصلي وموجود الألماني والأسباني والتايواني والحمد لله مفيش صيني. وموجود كمان الأستيراد.
اعتقد قطع غيار الأسبيرانزا متوفرة ايضا بس جديد ومعرفش اذا كان فيه استيراد ولا لأ.
4- الأعطال
نادرة في حالة الفورد لأن قطع غيارها معمرة جدا.

اخيرا اتمنى اني اكون افدتك وكنت محايد على اعتبار اني راكب فورد برضه.

ألف شكر لرد حضرتك و المعلومات القيمه. طبعا المقارنه بسبب تقارب السعر و ليس لتشابه السيارتين أو حاجه.
اللي فهمته من حضرتك أن مشكله الأسبيرانزا كعاده الصيني هو عمر أفتراضي قليل و جوده تقفيل سيئه .. و الصراحه كلماقول لحد يقولي بلاش الصيني .. العربيه هاتحط منك بعد 3-4 سنين .
الفورد بيتقاللي قطع غيارها مش موجوده وتقعد تلف بالقطعه اللي محتاجها علي بتوع الأستيراد بس حضرتك بتقول موجوده الي حد كبير و معمره (معمره دي أكيد طبعا)
يعني نتعامل مع المقارنه بين العربيتين علي أنها مقارنه بين الأصلي و الصيني التقليد؟ أمال أيه فرق الأسبيرانزا عن الجيلي و اللوبو و العك ده؟
تحياتي يا باشا ..

[ahmed1mohd]

بدون تحيز
المونديو عربيه علي العين والراس
لكن اسعار قطع غيارها
مين بيشتغل في الفورد
مدي تواجد قطع الغيار المطلوبه
بالنسبه لعدد العربيات الموجوده في الشارع
تقريبا لاتذكر
استهلاك العربيه عدد السنين
الاسبرانزا
التكييف 75000 كيلو استهلاك وتلاجه والحمد لله بدون عطل نهائي من الزيرو
اسعار قطع غيار ببلاش
تقريبا كل ميكانيكه مصر بقوا شغالين فيها
ثباتها محترم بشهاده المعارضين ليها
اتساع داخلي كبير
جميع الكماليات بمعني الكلمه عدا الايرباج والحساسات
لو مفيش عنك عقده الصيني
ارشح لك الاسبرانزا
عن تجربه مش مقارنه علي السمع

شكرا يا باشا للمرور و الرد
و بما أن حضرتك عندك اسبيرانزا فعلا ممكن تقولنا أخبار توكيلها في مصر أيه؟ و قطع غيارها رخيصه اه بس عمرها الأفتراضي قليل ولا لأ؟ و بالنسبه للقطع المعمره و الموتور و العفشه والصاج(؛الأساسيات ) معدل الأستهلاك ايه؟
و تحياتي لحضرتك .

[hugan]

شكرا يا باشا للمرور و الرد
و بما أن حضرتك عندك اسبيرانزا فعلا ممكن تقولنا أخبار توكيلها في مصر أيه؟ و قطع غيارها رخيصه اه بس عمرها الأفتراضي قليل ولا لأ؟ و بالنسبه للقطع المعمره و الموتور و العفشه والصاج(؛الأساسيات ) معدل الأستهلاك ايه؟
و تحياتي لحضرتك .

مبدئيا
اسال اي سمكري علي البودي الخارجي وشوف هايقولك ايه
العربيه وزنها بدون ركاب 1300
اعلي من الانسر
والفيرنا
والاوبترا
والانوس
والافيو
واللوجان
طبعا ناس هاتقولك العربيه مش بالكيلو
اقولهم لا بالكيلو
شوف وزن اي عربيه الماني وهما هايعرفوا انها بالكيلو
معني الكلام ده ايه
ان العربيه فعلا تقيله وطبعا هما مش حطين فيها زلط ورمل
والله ياخي الكريم
انا لما بقفل باب الاسبرانزا
واكون راكب لانسر او نوبير
فرق رهيب
الابواب التانيه كانها ريشه في ايدك
بالنسبه للوكيل
انا خرجت من الضمان علي 30000
لان صيانه كل 5000 مش مناسبه ليا
والوكلاء في مصر مفيش حد احسن من حد كلهم زي بعض
حتي اسال علي غبور
ومنصور
وعز العرب
بامانه انا ماغيرتش قطع غيار
مفيش غير الصيانه الدوريه الكاتينه والسيور والبلي بتاع الكاتينه وكل 40000 عند الميكانيكي بتاعي
والسيور كلها اصلي
قي الماني وايطالي
لكن اللي غيرته كان ردياتير
وكان لان المروحه قطعت المواسير من الاحتكاك
مش عيب فيه
التيل
كل 25000 زي كل العربيات
الموتور محترم
مفيش شكوي منه علي العموم
الشكوي من عفشه العربيه حتي موديلات 2009
لكن من 2010 تمك تعديل العفشه بانواع افضل
انا غيرت المساعدين
وجبتهم مونرو
والكلام ده بعد 75000 كيلو استهلاك يعني مش شويه
بكل امانه
الاسبرانزا صفقه ناجحه
برغم كل المعارضين
وكل اللي بيعارض بيني رائيه علي السمع او الحكم المسبق
ببساطه قارن اي عربيه اسبرانزا موديل 2008 مثلا
باي عربيه من اي موديل نفس سنه الصنع
ونفس الاستهلاك
انا ما شوفتش عربيه مفككه من بعضها او ابوابها مخلعه
او رفارفها طايره في الهوا
كله فتي في فتي
وربنا يوفقك لما فيه الخير
والامر في الاول والاخير راحه نفسيه

[ahmed1mohd]

شكرا يا باشا علي الرد و ربنا يهدينا للخير جميعا

[raedegypt]

في البدايه تحيه لأعضاء المنتدي الكرام و المشرفين المحترمين

بدور علي عربيه سعرها من 38000 حتي 43000 قدامي الأتنين دول و خبرتي مش أوي , نصائحكم و تعليماتكم القيمه بقي.

مع العلم:
التكييف أساسي
الأمان أساسي
قله الأعطال أساسي وتوفر قطع الغيار هام (معنديش قدره ألف علي صنايعيه و محلات)
بسافر 3-4 مرات في الشهر سفريات بسيطه 120 كم
الشكل: مهم

و الشكر مقدما لمن يساهم في الموضوع.. و في مقارنتين تانيين برده واحده بين فيتارا 99 و تريوس99/2000 وواحده بين بولو 2000 و أبيزا 2000

معلش يظهر أني هاتقل عليكم :zb_sor1[1]: بس أنتوا قدها وأجدع كمان.

انا من غير ما اعرف حاله العربيات ايه ... طبعآ الفورد حتى لو قديمه شويه الفورد ركوبه واعتماديه ومعمرة وجودة اعلى بكثير من اى عربيه صينى حتى لو زيرو انت بتتكلم فى ايه .. الفورد حلوة وياسلام لو فيستا زيرو تعرف يعنى ايه فورد