هل عفشة الكروز جنط 16 زي السيراتو؟

[mido]

انا معايا سيراتو وبفكر ابيعها و اجيب كروز
هل هحس بفرق يعني العفشه احسن ومريحه ولا كولو تورشين بيم و الواحد يوفر فلوسه ؟؟؟
انا عارف ان الكروز تورشين بيم برده بس هل معناه العفشه برده تعبانه؟

[memo_sms]

بعيدا عن العفشه بس اعتقد ان البعد عن منصور غنيمه

[omar-saad]

انا نت رايى لو هاتغير
يبقى حاجة المانى
لو بتدور على عفشة كويسة علشان تبقى مالتى لينك
او هوندا سيفيك
وربنا يوفقك للخير

[M_Marwan]

والله الشارك عربيه جباره والعفشه مالتى لينك محترمه وكفايه أنها يابانى وعاليه مش حتحك منك

[Scud]

الأتنين عفشتهم Torsion-Beam من الخلف, لكن فيه فرق كبييييييييير جدااااااا:

- عفشة الكروز هى عفشة الأوبل استرا (على نفس الشاسيه) ودى تورشن+Z-link أو اللى بيسموها فى الأوبل Watt-Linkage
وده Setup أوروبى معتمد فى عربيات كتير... وبيدى ثبات+راحة وكمان تكاليف أقل من الملتى-لينك!

غير التورشن بتاع السيراتو/ ألنترا الجديدة خالص, ده setup سىء جدا اسمه Coupled Torsion Beam Axle... ماينفعش يركب عليه سوست ناعمة ولا Bushing أصغر ولا مساعدين بمشوار طويل.!!
فـ بالتالى لا بيحقق راحة الركوب, ولا الثبات العالى؟؟!!! عشان محدش يقول ثبات على حساب الراحة.. هى لا كده ولا كده

رأيى (وعن تجارب): كروز بجنط 17" حتى انعم وأكثر ثباتا من سيراتو ولو بجنط 16"
بالتوفيق isA

[mido]

دلوقتى اقدر اقولك عندك حق الكروز اريح