مقارنة غريبة جدا بين الصيني والالماني!!

[hashim919]

سلام عليكم ياشباب
معلش محدش يزعل مني في المقارنة دي
ناوي باذن اللة اجيب عربية للمدام في حدود 50 الف ان شاء اللة
المدام بقي بتزن علي a133 زيرو علشان شكلها بناتي والكلام الغريب دة

بس بصراحة انا خايف احط فيها فلوسي علشان انا مجمعهم بالعافية

معروض عليا بقي اوبل كورسا موديل 2005 و 1600 سي سي فابريكا بالكامل بصراحة تشجع الواحد انو يشتريها و ب 50 الف

اعمل اية خصوصا ان دي العربية الوحيدة اللي هتكون عندنا وانا في اجازاتي هستعمل العربية يعني محتاج عربية قيمة برضة وتستحماني في اجازاتي

وشكرا لكل من يتفضل بالنصيحة

[ayman1204]

طيب ما تحاول تزود او تعمل جمعيه وتزود 16 الف جنية ( المهم يعنى تتصرف فى 16 الف جنية ) هما دلوقتى مش حوار بس بعد كدة هيكونوا حوار لانك هتنتقل لفئة اعلى بالعربية وهتعيش معاك عمر ان شاء الله
وتجيب رينو لوجان ( اوربي ) وبشوف بنات كتير سايقنها دلوقتى

ألكلام النهائي فى
رينو لوجان
اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى
قسم خاص بالسيارة لـــوجـــــان - :: نــايــل مــوتــورز:: - :: NileMotors.net ::

[hashim919]

جزاك اللة خيرا علي المعلومات المفيدة جدا ربنا يسهل واعرف اتصرف في المبلغ الباقي او اقسطة بس مش علشان اللوجان بقي علشان سانديرو اعتقد انها بناتي اكتر.ولا انت اية رايك

[ayman1204]

جزاك الله خيرا علي المعلومات المفيدة جدا ربنا يسهل واعرف اتصرف في المبلغ الباقي او اقسطة بس مش علشان اللوجان بقي علشان سانديرو اعتقد انها بناتي اكتر.ولا انت اية رايك

والله كنت هقولك بس السانديرو اغلى تقريبا 4 الاف او 5 الاف جنية
انا قولت اقولك اقل مبلغ تقدر توصله ( لكن لو تقدر تزود وتوصل الى الـ 70 الف ) كدة يبقى طبعا
تجيب السانديرو وش
هاتش باك ( شبابى - حريمى ) كلو يمشى دا غير شكلها التحفة طبعا
واللى كان نفسي فعلا اجبيها والله بس انا مكنش معايا الفلوس ساعتها
والحمدلله طبعا

وبالتوفيق يا جميل
وحاول بلاش تقسيط ( اتصرف فى 20 الف جنية احسن ليك ) اعمل جمعية استلفهم من اصحابك
كل واحد مثلا 5 الاف جنية كدة

بدل ما تدفع تقسيط زيادة 20 الف كمان

فى العربيات ( يا كاش , يا بلاش )

[Mik_t4]

[gdwl]يا راجل حرام عليك الزمة دي مقارنة
الكورسا طبعا وششششششش
دا انت ممكن تزود حاجات بسيطة وتجيب فيكترا[/gdwl]

[hashim919]

ربنا ييسر الي فية الخير

[hashim919]

[gdwl]يا راجل حرام عليك الزمة دي مقارنة[/gdwl][gdwl][/gdwl][gdwl]
الكورسا طبعا وششششششش
دا انت ممكن تزود حاجات بسيطة وتجيب فيكترا[/gdwl]

عارف ان عندك حق بس انا مضطر اجيب حاجة تناسب زوجتي علشان هيا الي هتستخدمها معظم الوقت وكانت عجباها a113 بس انا طبعا بقنعها بحاجة تانية في نفس الرينج مش اكتر

[IronHead]

ابعد تماما عن ال a113 انا اعرف واحد جبها وباعها قبل متكمل 10000, الزراير الكهرباء كذة مرة والضمان مش بيغطى الحجات دى
دة غير انو كان بيحكيلي ان اى عربية تعدى من جانبو بسرعة عربيتو الهواء كان بيلهب بيها ويرقصها
الكورسا لو حالتها كويسة اتكل على الله ومفيش وجه مقارنة تماما

[Donzi]

لأ بلاش ال a113 خااااالص عن تجربة واحدة زميلتي العربية بتعمل حاجات غريبة و تقفيلها سيء و صاجها خفيف اوي

الكورسا افضل طبعا و حتى لو لزوجتك انا شايفة انها مناسبة عادي جدا

[SAMEHNOSHI]

انا رايى a113 زيرو افضل من كورسا 2005 مستعملة... انا كان ليا تجربة فى عربية مستعملة قبل كدة و بقولك الزيرو حيريحك كام سنة لقدام بعكس المستعمل و بالذات فى الالمانى لان قطع غيارة نار

[hashim919]

لأ بلاش ال a113 خااااالص عن تجربة واحدة زميلتي العربية بتعمل حاجات غريبة و تقفيلها سيء و صاجها خفيف اوي

الكورسا افضل طبعا و حتى لو لزوجتك انا شايفة انها مناسبة عادي جدا

شكرا لحضرتك انا هخلي زوجتي تقرأ ردك علشان تقتنع ان البنات كمان بيشتكوا منها

[hashim919]

ابعد تماما عن ال a113 انا اعرف واحد جبها وباعها قبل متكمل 10000, الزراير الكهرباء كذة مرة والضمان مش بيغطى الحجات دى
دة غير انو كان بيحكيلي ان اى عربية تعدى من جانبو بسرعة عربيتو الهواء كان بيلهب بيها ويرقصها
الكورسا لو حالتها كويسة اتكل على الله ومفيش وجه مقارنة تماما

فعلا الكورسا زيرو بمعني الكلمة واستخدام مدام كبيرة يعني حاجة نضيفة جدا

شكرا علي مرورك

[hashim919]

انا رايى a113 زيرو افضل من كورسا 2005 مستعملة... انا كان ليا تجربة فى عربية مستعملة قبل كدة و بقولك الزيرو حيريحك كام سنة لقدام بعكس المستعمل و بالذات فى الالمانى لان قطع غيارة نار

رايك يحترم بس كان نفسي يكون معايا فلوس اكتر علشان اعلي في الاختيار بين الكورسا وحاجة تانية علي العموم في عربية تانية داخلة دلوقتي وهي فيرنا 2006 فابريكة برضة بس ارخص من اكورسا بشوية انا احترت مش عارف اعمل اية

[party_0000]

اولا السلام عليكم
ثانيا مش كل الجديد بيريح يعني ناس كتير بتشتكي من عربيه يبقا ابعد عنها علطول
الاوبل طبعا لا تقارن بالفيرنا لو العربيه زي مابتقول نظيفه وفابريقه واستعمال سيده يبقى اتكل على الله وصلي استخاره ومتزنقش نفسك في فلوس طبعا كل ماتعلى هيكون افضل وكل ماتعلى اكتير يكون افضل بس ليه الزنقه طول مافي حاجه مناسبه بفلوسك وبالتوفيق يارب

[elewey]

انا بقى راى تركب اللمانى لو حتى موديل قديم و حالتها كويسه ولا تركب صينى موديل السنه