قصة حياتي للمقارنة في عربية بحدود 30 ألف جنية

[kokmedo]

السلام عليكم ورحمة الله وبركاتة
أولا للتوضيح
أنا كان معايا الاول 128 موديل 79 ثم بعد ذلك جبت أكسيل 1500 موديل 95 بس محبتهاس ثم بعد ذلك لانسر كريستالة 97 وأخيرا أشتريت من سنة 127 موديل83
وخلاص بصراحة اللي يركب الأكسيل والانسر صعب ينزل علي ال127 بس كانت الظروف كدة أنت عارفين الزواج والمصاريف
فبأذن الله هغير العربية أنا معايا بأذن الله في حدود30 ال 31 ألف جنية أجيب أية أنا شايف الأختيارات المتاحة
اكسنت 98 أو 99
سيات أبيزا 94 الي 99
لانسر 91 أو 92
تويوتا 89
فيات بونتو 94 فيما فوق
اكسيل 98
كيا سيفيا 95
هوندا سيفك 90

أهم حاجة محتاجة في العربيىة تكون مش بتعطل كثير وقطع غيارها متوفرة ومش غالية أوي ومعظم الميكانيكيا يكونوا بيفهموا فيها وشكلها مش يكون قديم أوي وتكون موفرة في البنزين ولو أمكن احط لها 80 يبقي تمام التمام ويكون فيها تكييف وباور

أنا ميال شوية الي الأكسنت والابيزا
أنتم رأيكم إية منتظر ردودكم ولو في حاجة أخري غير دولن ياريت توضحوها

[Ahmed Nasser]

انا راى لو لقيت تمبرا من 1995 الى 2000 حتبقى جميلة جدا
خصوصا انك ممكن تجيبها بالسعر دة والمواصفات اللى انت طالبها
وكل المكانيكية بيفهموا فيها وقطع غيار رخيصة ومتوفرة

[kokmedo]

مش عارف مش مستريح للتمبرا مجدش علي باللي أصلا
طيب بقية الأعضاء رإيهم إية وشكرا يا باشا علي ردك

[mohamed9999]

+1111111111111111111111111111

[mstool]

اكسنت وبعدين
سيفيا
تمبرا حالة حلوة لو انتا معاك عائلة هتبقى مناسبة اوى و نضيفة تحس انك راكب حاجة اعلى من الفيات بكتير
ابيزا من 97 فما فوق حاول تدور على الاسعار العالية فى اى عربية عشان العربيات دية اغلبياتها مهلكة و مش هتلاقى نضيف غير فى الاسعار العالية بس

[bero0o0o0]

لو ماعندكش مشاكل تركب قديم شوية يبقى 505 مناسبة لحضرتك جدا
قطع غيار رخيصة و اي حد (بمعنى اي حد) بيفهم فيها و ثبات و تسارع ممتازين و تحطلها 80 ماتقولش لأ

[M.Alaa92]

اكسنت او اكسيل :)

[kokmedo]

شكل التمبرا قديم أوي وبالذات التبلوة دة تابلوة ال 131 ممكن يكون أرحم شوية
طيب لو أكسنت أفضلهم ال 1300 ولا ال 1500

[M.Alaa92]

1500 افضل

[kokmedo]

طيب إية المشاكل اللي ممكن تكون في الأكسنت العيوب إية هي وأنا بشوف أركز في إية
ونسيت أقول في كمان بولو 95 الي 99
وشكرا علي ردودكم كلها

[engaass]

الاكسنت 1500 كويسة جدا

[husseinsalah]

بص ياباشا انا هدلك على طريق تشترى منة عربية يمكن جديد عليك وعلى الاعضاء وهو المزادات لانى اشتريت منة مرتين لاصحابى بتكون حاجات كويسة وارخص طبعا المهم مكتب الخبير المتمن كان بيتصل بى فى كل مزاد لاى عربيات ومن كام يوم اتصل بية علشان مزاد على 34 عربية (لانوس، تمبرا، دوجان ، فليشيا و نوبيرا) موديلات حتى 2008 واعتقد بيتكلم على الانوس .. المهم ممكن تتصل بالمكتب وتعرف التفاصيل لانى بصراحة مش ناوى ادخل فية
مكان المزاد هيئة الابنية التعليمية بالتجمع الخامس بجوار الجامعة الامريكية
الميعاد الثلاثاء 27/09/2011
مكتب الخبير المثمن : نادر خزام بالدقى ودة رقمة 0109990009
عادة كراسة الشروط ب 200 جنية وممكن تعاين العربيات من دلوقتى وتطلع على كراسة الشروط سواء فى مكتب الخبير او مع مندوب المكتب فى موقع المزاد.... وتحت امرك فى اى استفسار

[kokmedo]

السلام عليكم ورحمة الله وبركاتة
جزاكم الله كل خير علي المساعدة
أستفسار عن المزادات دية هو أنا ممكن اروح أشتري عربية وحدة بس ولا لازم أشتري كل العربيات
وثانيا يعني الأسعار حلوة ولا كلام 500 أو 1000 وسؤال أخر ما فائدة مكتب الخبير المثمن دة وما هو مكسبة ممكن توضيح أكثر وما هي عيوب هذة الطريقة
ولك مني كل الشكر والتقدير

[Lord of the flies]

متابع باهتمام

[husseinsalah]

السلام عليكم ورحمة الله وبركاتة
جزاكم الله كل خير علي المساعدة
أستفسار عن المزادات دية هو أنا ممكن اروح أشتري عربية وحدة بس ولا لازم أشتري كل العربيات
وثانيا يعني الأسعار حلوة ولا كلام 500 أو 1000 وسؤال أخر ما فائدة مكتب الخبير المثمن دة وما هو مكسبة ممكن توضيح أكثر وما هي عيوب هذة الطريقة
ولك مني كل الشكر والتقدير

وعليكم السلام ورحمه الله
بالنسبة للشراء فبيكون المزايدة على كل عربية لو حدها وممكن تزايد فى كل العربيات ياعنى لو حاطط عينك على كام عربية ممكن تزايد عليهم لحد ما ترسى عليك واحدة منهم وممكن تشترى اكتر من عربية فى نفس المزاد
وبالنسبة لدور الخبير مش زى ما انت فاكر ان هو اللى بيحدد السعر لا دى اجراءات لازم تتبع فى حال بيع اى شىء يخص هيئة معينه او قطاع حكومى او استثمارى والغرض منه ان يكون فى شفافية فى البيع زى نظام المناقصات فى الشراء فلازم يكون فية نظام مزايدات فى البيع من خلال مكتب خبير مثمن معتمد وبياخد نسبة طبعا من عملية البيع وفى نسبة كمان ضريبة ياعنى الى بيزايد يعمل حسابة على 10 فى المية زيادة على سعر المزاد النهائى
والاسعار بتكون اقل من السوق وعن نفسى اشتريت لصاحبى بيجو 504 موديل 2004 ب 38 الف وكان فية لانسر بومة نضيفة جدا موديل 2008 اتباعت ب 58 الف والاسعار دة اللى ادفعت شاملة الضريبة وعموما لو حبيت تدخل المزاد مش هتخسر غير 200 جنية تمن كراسة الشروط
اهم حاجة بقى ان العربيات اللى بتتباع فعلا مضمونة لانها بتعمل الصيانة فى التوكيل واستخدامها نضيف ومفيش بقى تغير نص والحوارت دى وادامك فرصة كام يوم تروح تعاين براحتك، وكلة حسب الجهه اللى بتبيع العربيات ياعنى البنوك مثلا مش زى شركة بيبسى وقيس على كدة بقى