محتااار جدا معروض عليا ابدل اللانوس بهوندا جاز افيدووونى

[akramlail]

السلام عليكم
معايا لانوس 99 اوتوماتيك وقدامى هوندا جاز 2002 منوال وادفع فرق 5000
العربية عجبانى جدا جدا بس الناس مخوفانى من قطع غيارها وندرتها
وخايف بردة انى ارجع احن للاوتوماتيك ولو فكرت ابيعها بيقولوا بتبقى تقيلة فى البيع
ارجوكم انصحونى

[OmaR_FekrY]

يا باشا قطع غيار الجاز هى هى قطع غيار السيتى .. و متوفره بسهوله

[akramlail]

طب بالنسبة لاسعارقطع الغيار ورايك فى العربية وسعرها

[elewey]

طب بالنسبة لاسعارقطع الغيار ورايك فى العربية وسعرها

انا معتقدش ان قطع غيار العربية دى متوفرة اصلا طبعآ الهوندا مفيهاش كلام بس موضوع جاز دة صعب شوية كمان مش اى ميكانيكى بيشتغل فيها

[engaass]

هاتتعب فى سواقة المانيوال بعد الاوتوماتيك

[akramlail]

طب فى اية عربية شبهها وتكون اتوماتيك ونفس رنج الاسعار دى

[SAMEH_FOUAD]

لما يبقى المانيوال هوندا يبقى هنا فية كلام تانى خالص

وعموما طبعا اللانوس لاترقى نهائيا لمنافسة الجاز واصلا مقارنة غير عادلة تماما , بس عموما قطع غيار الجاز كا اكسسوارات خارجية مش موجودة الا قليل جدا وهتبقى غالية جدا

لكن كعربية ومحرك وكل حاجة ممتازة بس انت كدة اللى معروضة امامك دية مش الكاملة ومحركها 1300 سى سى

فى النهاية : الجاز طبعا تكسب لكن فى نفس الوقت اللانوس تكسب قطع غيار رخيصة جدااااااااااا, موجودة فى اى مكان , اى حد بيشتغل فيها

الجاز : ثبات , قوة محرك , تقفيل , جودة خامات , شكل , استهلاك بنزين ممتاز

شوف انت مقدرتك اية وهل هتقدر على صيانة الجاز

[AutoTycoon]

حد راكب اوتو ينزل لمانيوال تاني!!

[OmaR_FekrY]

انا معتقدش ان قطع غيار العربية دى متوفرة اصلا طبعآ الهوندا مفيهاش كلام بس موضوع جاز دة صعب شوية كمان مش اى ميكانيكى بيشتغل فيها

مين بس يا باشا اللى قالك ان قطع الغيار دى مش متوفره
بالعكس العربيه قطع غيارها متوفره و بسهوله كمان و سعرها متوسط
لكن ك اكسسوارات خارجيه ... متوفره بس قليله شويه و عند ناس معينه
و الهوندا عموما مش اى ميكانيكى يعرف يشتغل فيها

[party_0000]

فكر بفكر اللي معاه الهوندا هو هيبدل ليه ؟
اكيبد مطلعه عينه في قطع الغيار ومش سهله في البيع
مع اني من محبي الهوندا وكارهي الانوس بس اققلك خليك في عربيتك لانها بكل سهول تتباع وبكل رخص تجيب حاجتها وتحياتي

[newcar2011]

ابعد عن الجاز يا راجل كانت مع صحبى وشاب بيها خليله هوة الى يدفعلك فرق

[akramlail]

اصوات كتير ضد الجاز
بتفرج على فديوهات ليها برة العربية تحفة وعملية جدا واراء الناس فيها برة غير كدة
بس مش عارف ملهاش سوق فى مصر لية ؟
هو فى منها كاملة وبتبقى مواصفاتها اية يعنى نزل مصر منها اتوماتيك مثلا ؟
انا مشكلتى انى عاوز عربية هاتش باك بالمواصفات دى وياسلام لو اتوماتيك ملقتش غير دى اللى على قد الميزانية
الماتركس سعرها ميناسبنيش
وكذلك نيسان تيدا وغيرها
حد عندة راى تانى

[elhelawy]

بص هو الجاز طبعا عربيه ممتازه بالذات لو جبتها حاله نظيفه وحافظت عليها وعمل الصيانه فى مواعيدها هتبقى معاك زى الفل و مش هتتعبك معاها بس احنا فى مصر ففى كلام تانى وهو
هاتلك بيكانتو مو 2004 - 2005 اتوماتيك علشان ما تحسش بفرق الفتيس وعلى ما اظن هتبقى فى الرنج اللى انت عامل حسابك عليه فى حدود 45 - 47 وربنا يوفقك وما تنساش صلاة الاستخاره

[akramlail]

بص هو الجاز طبعا عربيه ممتازه بالذات لو جبتها حاله نظيفه وحافظت عليها وعمل الصيانه فى مواعيدها هتبقى معاك زى الفل و مش هتتعبك معاها بس احنا فى مصر ففى كلام تانى وهو
هاتلك بيكانتو مو 2004 - 2005 اتوماتيك علشان ما تحسش بفرق الفتيس وعلى ما اظن هتبقى فى الرنج اللى انت عامل حسابك عليه فى حدود 45 - 47 وربنا يوفقك وما تنساش صلاة الاستخاره

الف شكر على نصيحتك الغالية بس البيكانتو مش نفس الحجم اصغر اوى
الجاز بيقارنوها برة ب الياريس هاتش باك فى الحجم