هام وعاجل وحدعلكوا فى الحج

[mohamedkordy]

يا جماعه الحوقنى دماغى حتنفجر محتار بين بى ام 2007 عامله 56000 كم هاى لاين من غير اى دريف ولا فتحه سقف و فانتازيا زيرو اوتوماتك بيز لاين الحوقن الله يبارك فيكم وياريت حد يقولى على الاستفسار اللى جاى


معروض عليا بى ام اول 2007 320 هاى لاين من غير اى دريف ولا فتحه سقف عامله 56000 كم ورشه جانبين نظافه سعرها 175000 جنيه مصرى
والسؤال:
1-هل السعر مناسب
2-قطع الغيار اسعارها ايه فى التوكيل او بره مع العلم انى مهندس شاب ومش حمل مصاريف غاليه اوى
3-الموديل ده الاوبشن بتاعته ايه
4-العفشه كويسه ولا ناشفه (اسمه ان العفشه 320 ناشفه شويه)
5-انا كنت بفكر اجيب فانتازيا جديده وسعرها تقريبا نفس السعر عاليه فايترى ايه رايك

معذره على الاطاله مره اخرى وتقبلوا تحياتى

[mohamedkordy]

العربيه البى ام 2007 320

[party_0000]

شوف ياسيدي الفاضل طبعا البي ام افضل شرط الحاله
ال 320 حاول تجيبها باي درايف افضل واحسن وبالنسبه للعفشه هيا فعلا ناشفه شويه
بلاش تجيب عربيه راشه والكلام ده خصوصا انك بتدفع مبلغ مش قليل دور على حاجه فابريكه وباي درايف وماشيه قليل لوملقيتش الفانتازيا زيرو طبعا جميله
يعني في حاله المقارنه بالعربيه البي ام دي انا ارشح الزيرو فانتازيا

[szaalouk]

صباح الفل اولا و ماتنساش تدعيلنا كلنا في المنتدي ثانيا و حج مبرور و ذنب مغفور انشاء الله
الفانتازيا زيرو مرشحه بقوه للأسباب التاليه و ليس لعيب في البي ام لا سمح الله :
اولا : العربيه زيرو يعني زي اللعيل اللي اتولد و بتربيه علي ايدك .
ثانيا : وسع صالون و شنطه مهول بالمقارنه يالبي ام .
ثالثا : قطع الغيار متوفره اكثر نسبيا من البي ام ( مش معني كده ان البيمر حاجتها ناقصه ) انا بس قلت متوفره نسبيا اكتر .
رابعا : سعر اعاده البيع للفانتازيا اعلي نسبيا من البي ام ( و دي ميزه انك تشتري البي ام مستعمله لكن مش بالحاله اللي انت وصفتها ) .
خامسا : عفشه الفانتازيا برضه مش مهلبيه هي ناشفه هي كمان علشان تديك الثبات الجامد بتاعها لحد سرعات 200 كم / ساعه لكن مش بنشفان البي ام .
سادسا : الفانتازيا 1600 سي سي شريحه معقوله في المرور و التأمين علشان التجديد لكن البي ام شريحه ال 2000 سي سي .
و بالتوفيق ان شاء الله و لا تنسي الأستخاره و خير الدعاء لنا جميعا .

تحياتي