أكسنت rb 2012أم إلانترا الشكل القديم 2011

[ahmedamir78]

محتار بين الأكسنتRB 2012 أول فئة أوتوماتيك وبين الإلانترا 2011 الشكل القديم أوتوماتيك برضه أول فئة
مع العلم بأن الإلنترا عليه خصم عشان موديل وشكل أقدم وسعرها تقريبا نفس سعر الأكسنت Rb أول فئة أوتوماتيك
وياريت تقولولي إذا فعلا في فرق من حيث:
1-الصاج ، يعني هل فعلا الصاج أصبح أثقل من قبل وأقوى
2- الموتور والتكنولوجيا هل تغيرت أم تقريبا واحدة
3- بالنسبة للصالون أنا جربت الRb وصالونها كويس جدا يعني مش ضيق زي الأكسنت القديمة، بالعكس ده في فرق كبير جدا
4- ما هي الكماليات التس قد تكون موجودة في الRB ومش موجودة في الالنترا
وياريت لو فيه أي معلومة ناقصاني أو تايهة عني توضحوهالي من فضلكم
وقبل ما تنصحني حط نفسك مكاني بجد، وشوف كنت هتتصرف إزاي

وشكراً جزيلاً وآسف على الإطالة

[arateb]

انا لو مكانك بصراحه الالنترا القديمه افضل 100 مره انا واحد صحبي جاب ار بي و مطلعه عنيه و كلها مشاكل و يكفي ان تزور في المنتدي الجميل ده صفحه هيونداي و انت تعرف مشاكل ال ار بي مع انها جديده و بعدين الالنترا خلاص بقت كل حاجتها بره غبور ( اللي هو اسوء توكيل في التاريخ الانساني عن تجربه)

[Ghosts]

انا لو مكانك بصراحه الالنترا القديمه افضل 100 مره انا واحد صحبي جاب ار بي و مطلعه عنيه و كلها مشاكل و يكفي ان تزور في المنتدي الجميل ده صفحه هيونداي و انت تعرف مشاكل ال ار بي مع انها جديده و بعدين الالنترا خلاص بقت كل حاجتها بره غبور ( اللي هو اسوء توكيل في التاريخ الانساني عن تجربه)

أنا أول مرة أقرا أن ال Rb كلها مشاكل ....
أمال لو جبت عربية صينى هيبقى كلها أية بقى ؟
ممكن أوى الواحد مننا يلاقى مشكلة أو أكتر فى عربيتة مهما كان نوعها ....
بس مش معنى كدة أن باقى العربيات اللى من نفس الماركة هيبقى فيها نفس المشاكل ....

[Mohab.Nabil]

النترا الشكل القديم لو حضرتك متقبل الشكل ده و مش فارقة معاك ان الشكل الجديد نزل

مهما كان الالنترا فئة و الاكسنت فئة تانية حتى لو عملوا فيها ايه