مساعده في شراء سياره

[romance2010]

السلام عليكم
انا معايا فيرنا مانيوال فاضيه بقالها سنتين و الحمد لله معملتش معايا و لا دقه نقص و شغاله تمام
لكن لظروف العمل يتطلب مني تغير العربيه بتانيه زيرو و تكون فيه ايرباج واحد علي الاقل كنوع من الامان و الثمن يكون 102 الف جنيه لازم و ده محدود من الشركه المهم بعد البحث و التنقيب مفيش قدامي عربياعت بالمواصفات دي غير 3 انواع بقارن بيهم (مع الاعتبار موضوع الاير باج ده طبعا)
1- نيسان سوبر صالوند
2 -بيرسونا اليجانس
3- و دي بقي اللي شوفتها اخيرا و غيرت لي كل المقايس و محتاج رائيكم بجد فيها
سيراتو مانيوا خليجي فول اوبشن و دي بقي مواصفتها غريبه جدا عن اللي في السوق و ماشوفتهاش غير عند معرض واحد بس في مدينه نصر
ايرباج abs مريات و زجاج كهرباء ببلوتوث و طاره مالتي جنوط اسبور 15 كاسيت تاتش بشغل فديو و كاميرا خلفيه ]
يعني فيها كل حاجه بجد و يمكن اكتر من الطبيعي بس يعبها انها مانيوال رغم انه مايفرقشي معايا
مش عارف اعمل ايه و اشتري ايه
انتم ايه رائيكم لانه بجد و الله ده اللي هاخد بيه و هشتري علي اساسه بجد
منتظر ارئكم

اللون الاحمر مخصص فقط للمداخلات الادارية ...تم تغير لون الخط
تم نقل الموضوع للقسم المختص

مشرف3ب
1.05pm
24/11/2011

[احمد المصرى]

السيراتو طبعا بس انت ممكن تدفع مبلغ من كبير على ال 102 وتجيب اتوماتيك

[mido]

اتوماتيك طبعا

[Sehsss]

نيسان صني سوبر صالون

[romance2010]

ايه يا شباب فين الردود
العرض الجديد اللي لسه شايفه النهارده
كيا خليجي هاف اوبسشن زجاج و مريات كهرباء و اوتوماتك ب 102 الف بس
انا بصراحه محتار و خايف من موضوع الخليجي ده و خصوصا لما لقيت منه فئات كتير و كانهم بيجمعوا العربيه علي ايدهم مش عارف اعمل ايه انتم ايه رائيكم

[Abdm]

خليك يا باشا فى النيسان صنى سوبر صالون عربية يابانى هتكسب وبردة جنوط سبور 15 وأيرباجز وتوكيل محترم جدا .
والله الموفق والمستعان