ارجوكم ساعدونى نازل اشترى العربيه خلاص .....

[timo_crosswind]

لو عاوز قطع غيار متوفره واعاده بيع وعربيه اعطاله قليله وموفره في البنزين وياباني 100 %
لانسر

لو عاوز عربيه عائليه مريحه جدا في السفر وواسعه من ورا وقدام وقطع غيرها متوفره واعاده بيعها حلو استهلاك بنزين معقول
ماتريكس

لو عاوز عربيه يباني 1600 موتور قوي عافشه قويه بس متقبل استهلاك البنزين العالي وتتغاضي عن بعض عيوب التقفيل المصري وضيق الكنبه الخلفيه واعاده بيعها تقيله شويه .مع ذكر ايضا ان نيسان صني من العربيات الجيده نظرا للتقفل المصري وسعرها حلو
نيسان صني

[mokhtar]

انا رأيى لانسر هتوفر فى البنزين واعاده البيع ...دى عامله زى الجنيه الدهب على راى .أ .اسلام شاهين

..mokhtar..

[hazem_khidr]

من رايي و نظرا لغلاء اسعار البنزين يبقي اللانسر .
قطع غيار و اعاده بيع و استهلاك وقود جميل جدا .

[waleed24ag]

اللانسر عربيه جميله و مميزاتها تحفه بس هي المشكله ان العربيه تحس انها تقيله فال 1300 بحس انه ضعيف عليها كمان لما تشغل التكييف سمعت كتير انو بياثر علي العربيه احيانا كمان العربيه بتتطفي بس دي موش تجربه شخصيه دا كلام انا سمعته

[som3aa]

الحمد الله ربنا رازقنى مبلغ كويس لشراء سياره جديده بعد المعناه الطويله مع النوبيرا الاوتوماتيك

معاناة ليه مع النوبيرا؟
ممكن تحكى لنا لو سمحت؟

اما فى العربيات دول الصنى (اوتوماتيك) , لو مانيوال يبقى ممكن اللانسر او الصنى قرر انت بس يكون خليجى بضمان

[احمدعبدالعزيز]

[QUOTE=som3aa;270997]معاناة ليه مع النوبيرا؟
ممكن تحكى لنا لو سمحت؟

العربية النوبيرا فى الاوتوماتيك تقيله جدا فى بيعها يعنى انا اخدت معايا فتره كبيرة جدا على ما بعتها واخدها تاجر وخسرنى فيها كتير ولكن السياره زى الفل وكلها مميزات احسن من اى عربية موجوده بالسعر بتعها ولكن ابعد عن الاوتوماتيك .

[اوان الورد]

النيسان الصنى

[sokasoon]

لو 1300 يبقا السيتى افضل بكتير من اللانسر ده رأيى الشخصى

لو 1600 يبقا الصنى وافضل اختيار وبلاش ماتريكس احسن

[احمدعبدالعزيز]

لو 1300 يبقا السيتى افضل بكتير من اللانسر ده رأيى الشخصى

لو 1600 يبقا الصنى وافضل اختيار وبلاش ماتريكس احسن

ليه بلاش الماتريكس مع ان ليها شعبية كبيره عن السيتى .

[waleed24ag]

انا برده مع راي بلاش الماتريكس انا شايف انها غاليه علي امكانيتها بالاضافه ان التوكيل بتعها موش كويس

[bassam nagy]

انسب حاجة فى سرعة اعادة البيع الانسر

[Ahmad Allawy]

ملخص مضاف ايه بعض تعليقاتي لما سبق..

لانسر..
+ ياباني
+ سعر اعادة بيع جيد جدا
+ قطع غيار منتشرة جدا و مش غالية لوجود بدائل للياباني
+ ضريبة و تجديد اقل
+ استهلاك بنزين اقل
+ مساحة داخلية جيدة
- سعرها مبالغ فيه حاليا
- عوامل الامان اقل عدم وجود اير باجز ولا ايه بي اس
- شكل قديم شوية لكنه حلو

تعالي للماتريكس..
+ كوري تقفيل تركي نضيف
+ واسعه جدا من جوة (في ناس اعرفهم مش مرتاحين خالص للقعدة جوة العربية.. الكراسي بيقولوا مش مريحة خالص .. انا عن نفسي ماعرفش)
+ سعر اعادة بيع جيد.. بس اكيد مش زي اللانسر
- شكلها مش مريح نفسيا لبعض الناس
- توكيل بينافس علي لقب اسوأ توكيل يسارات في مصر بجدارة
- قطع غيار مش في انتشار اللانسر لكنا مش غاليةق وي
- عوامل امان مش جيدة لعدم وجود اير باجز ولا ايه بي اس زيها زي اللانسر
- العربية تعتبر ضعيفة جدا كجسم خارجي (تجارب اعضاء هنا في المنتدي..)
- استهلاك بنزين عالي شوية و ضريبة و تجديد و كده

نيجي للصني:
+ ياباني
- تقفيل مصري مش كويس قوي بس وحش في حاجات مش مهمة.. يعني جودة خامات داخلية و حاجات مش مؤثرة
+ سعر كويس
- سعر اعادة البيع مش كويس و متعبة في بيعها..(نسبيا للسابق ذكرهم)
التوكيل ماعرفش عنه حاجة ولو ان مفيش منه شكاوي عنيفة
+ موتور اقوي
- استهلاك بنزين عالي شوية و ضريبة و تجديد و كده
- في شكل جديد نزل برة دلوقتي و احلي من ده شوية..

لو بصينا للسيراتو..
+ كوري 100%
+ هي نفسها الالانترا بس متنكرة..(عشان نفس اساس العربية)
+ توكيبل محترم و كويس
+ عوامل امان اير باجز و ايه بي اس متوفرة
+ ضمان 5 سنين..
- قطع الغيار مش منتشرة قوي برة التوكيل ولو انها هتنتشر تاني اليومين دول
- سعر اعادة البيع برضه مش زي الباقيين بس بدأ يبقي ليها سعر كويس.. عغشان التوكيل

ممكن سعاتك تشوف بقي احتياجانك ايه في العربية.. و تقارنها او تحسبها في المقارنة ي و تشوف ايه هيبقي الانسب ليك..

ومتنساش الاستخارة و ربنا يوفقك..

[mhDeeb]

انا برده مع راي بلاش الماتريكس انا شايف انها غاليه علي امكانيتها بالاضافه ان التوكيل بتعها موش كويس

ممكن يا استاذ وليد تدلنا على السيارة الموجودة بالسوق وتستحق سعرها وغير غالية على امكانياتها

[smsmbakr]

الانسر 1300 حلوة وجامدة ومتينة وشكها جامد

[waleed24ag]

علي حسب اخر معرفتي بالاسعار انا عارف ان الماتريكس سعرها قريب من الياريس المنيول من غير اوبشن و طبعا الياريس احسن من الماتريكس و كمان في الجين تو احسن من الماتريكس و بصراحه كده اي عربيه هتكون احسن من الهيونداي في مصر التوكيل هنا بصراحه سوء سمعه اي عربيه من الماركه دي