محتار فى اختيار العربية

[gbgeorge]

يا جماعة انا محتار فعلا فى اختيار العربية المناسبة انا معايا 30 الف و قدامى بيجو 505 مكيفة موديل 81 و اكسيل موديل 94 مش عارف اختار اية ياريت حد من خبراء المنتدى يدلنى علشان بصراحة مش عارف احدد

[mado83]

حبيب انته فين من زمان
اخوك زيك كده برضو بس المشكله معايا انى القى فيليشيا حلوه يقولولك دى بتسخن
تلاقى لادا حلوه يقولك بيض المقصات 00000 وهكذا
لما خلاص هضرب دماغى فى الحيطه

[gbgeorge]

بس حضرتك انا معايا واحد صحبى كان معاة الفليشيا و كانت كويسة جدا وكان بيشغل التكييف فى الصيف و مكانش بيحصل حاجة المهم تكون مظبوطة لكن بالنسبة للادا انا مبحبهاش و ناشفة فى سواقتها و الدواسات بتاعتها عالية انا سوقتها مرة تيجى تحط رجلك على الدواسة تلاقيها تخبط فى الدريكسيون

[M.Alaa92]

و عاوز عربية وحش بجد و حالتها ممتازة يبقى البيجو بس الضريبة اعلى و خدلك لفة ع قطع الغيار و شوف هل تقدر عليها ولا.

عاوز عربية قطع الغيار عند البقال و صاج ورق و قبات مش حلو بعد 120 يبقى الاكسيل + اعادة البيع