كورولا 1300 واللا ممكن حاجة تانية؟

[حلواني]

دلوقتي ان شاء الله ح يكون معايا حوالي 90 100 الف كده . عايز عربية فيها المواصفات دي:
- ناعمة جدا (شرط مهم)
- كراسيها مريحة (شرط مهم)
- واسعة من جوة (عشان العائلة) (شرط مهم)
- سحبها حلو (مش شرط يكون جامد قوي بس يكون كويس)
- مالهاش صوت (شرط مهم)
- اقل استهلاك بنزين (شرط مهم)
- ABS (و لو فيه مثبت سرعة كمان يبقى كويس)

فأنا ميال جدا لكورولا 1300 لانها مع واحد صاحبي و ما شاء الله تقريبا فيها كل المميزات دي . بس انا برضو باسأل هل فيه مقارنة مثلا بينها و بين اللانسر او الماتركيس من حيث اني لو وفرت شوية في السعر و كانت المواصفات قريبة يكون افضل! صحيح الياباني ياباني و الكوري كوري بس انتو جربتو مختلف الانواع و رأيكم يهمني . وبرضو ايه المزايا التانية سواء في الكورولا او غيرها .

شكرا مقدما .

[mohamed el hussien]

ممتازة طبعا
وانا كنت حأقولك لانسر 1600 اتوماتيك بسعر الكورولا 1300
بس انت عايز توفير بنزين وال1600 الاتوماتيك مش موفرة بنزين
فخليك في ال1300

[hazem_khidr]

لو دي متطلباتك بس هات الكورولا بس لو بدور علي ثبات و فراملها مش تمام اوي (موديلات 2001 و 2002 مش كويسه في الفرامل و 2003 و 2004 حلوه و 2005 و 2006 مش اد كده و 2007 مش عارف)
لو حابب عربيه ثابته هات الانسر و تمنها قال بشويه من كده ال 1300 بتاعها

[fahd_628]

اختيار موفق يا باشا

متطلباتك دية يعنى كورولا او ياريس

و مش عارف لية انا بحس انو الياريس اوسع من الكورولا !!!

مش عارف احساسى صح ولا غلط

[bassam nagy]

هيونداى الانترا وهاتوفر وفيها امكانيات حلوة ومتنساش ان الكورولا والانسر شكلهم اتغير وخالص نازلين مصر

[emadfk]

من الاخر اللانسر 1600 هى طلبك اتوماتيك او مانيوال زى ما انت عايز
1- ثبات ليس له مثيل
2- نعومة فائقة
3- واسعاااااااااااااااااااااااااااااااااااااا
4- رياضية
5- يابانى اصلى اصلى
6- كل الكماليات و اكثر

اخوك عماد

[mina_ramsis]

طب خليك فى المانيوال اعتقد انه جبار فى التويوتا ال 1300 اما لو عاوز اوتوماتيك بيتهيألى ال 1600 يبقى فيها مالوش حل هى الصراحة غالية اوى بس عربية تمـــــــــــــــــــــــــــــــــــــــــــــام
انا الصراحة اعتقد ان الاوتوماتيك بيبقى وحش على اى عربية 1300
بالتوفيق ان شاء الله

[محمدايهاب]

أنا معاك تويوتا كورولا أحسن حل و الموصفات إلي انت كاتبها مش موجودة و لا في الالنترا و لا اللانسر و لا الصني
فالكورولا أحسن حل

[M_ashraf]

اعتقد لانسر 1300 زيرو هي الحل عربيه ممتازه وفيها كل طلباتك

[Ahmed Hassan]

لو مش شرط تكون اوتوماتيك هات لانسر 1600 مانيوال بسعر الكورولا 1300 استهلاك البنزين اكتر طبعا من الـ 1300 بس فيه فرق شاسع لأنها مناسبه اكتر للسفر و الضغط على الموتور هيكون اقل. استهلاك البنزين هايكون جيد جدا لو سواقتك هاديه و مش بتشد على النقلات. ربنا يوفقك

[amrrashed]

1) كرولا 1300
2) لانسر 1300 لو عاوز توفر وتاخد نفس المميزات تقريبا

وربنا يوفقك

[حلواني]

جزاكم الله كل خير .

يعني من الواضح ان الكورولا 1300 مش ح تكون كويسة لو اوتوماتيك .. اذن المفروض تكون 1600 .

التكلفة كده ح تزيد قوي . فيبقى تاني اختيار ليا لانسر 1600 . بس هل الاوتوماتيك ح تكون بلاعة بنزين واللا برضو معقولة؟
من ناحية تانية التويوتا شكلها ح يتغير بس هيه نازلة امتى بالشكل الجديد؟ واللا ما حدش بيعرف المواعيد دي؟

[أبو عبدالله]

شهر تمانيه وعليك خير بس سعرها هيبقى عالي هيا وكل العربيات الجديده لأنهم نازلين بأوبشن اعلى شويه
فلو موضوع السعر هيفرق معاك يبقى احسنلك هات دلوقتي وخلاص

وطبعا كل كلامك مطابق مع الكورولا

[إسلام شاهين]

أنصحك بالانسر 1300 عربية ممتزاة وموفرة وكفاية إنها ياباني وموضوع الشكل ده أنا مش شايف إنه مشكلة الشكل الموجود دلوقتي جميل جدا وبالتوفيق إن شاء الله

[limo]

شهر تمانيه وعليك خير بس سعرها هيبقى عالي هيا وكل العربيات الجديده لأنهم نازلين بأوبشن اعلى شويه
فلو موضوع السعر هيفرق معاك يبقى احسنلك هات دلوقتي وخلاص

وطبعا كل كلامك مطابق مع الكورولا

طب لما ينزل الشكل الجديد الشكل الحالى هيفضل موجود بجوار الشكل الجديد زى الانسر كده ؟
معاش سؤال كمان ايه الابشنز الزياده الى هتنزل مع الكورلا ؟
انا مره روحت التوكيل الى فى العباسيه وسألتهم عن الشكل الجديد قالوا انه نازل على شهر 9 او 10 2007 وهتغير كليا من الامام والخلف والمتور هوه هوه ومش هتنزل باور كهربائى والوبشن هيه هيه بس احتمال ينزل فيها حساسات باركنج من الامام والخلف , مش عارف كلامهم صح ولا بقولوا كده علشان اخذ موديل 2007