رينو إسكالا كاملة أم نيسان صنى سوبر صالون

[Mohamedtefa82]

السلام عليكم
أنا محتار بين عربيتين هما يكاد يكونوا واحد بس حبيت أسأل على بعض النقط:-

1. أستهلاك البنزين فى الرينو سكالا زى الصنى ولا أقل و هل تم حل مشكلة البنزين فى الصنى 2012 أم لا؟
2. نعومة العفشة و نوع التعليق الخلفى فى الأسكالا و هل هى أنعم ولا السوبر صالون لأنها رياضية؟
3. الكنبة الخلفية للأسكالا هل هى زى الصنى ولا أوسع؟
4. هل موتور الأسكالا هو نفس موتور الصنى ولا لأ ولو مش هو طب أخبار الموتور أية؟
5. أين يتم تجميع الأسكالا و أخبار تقفيلها أية حلو ولا أى كلام؟
6. الثبات على السرعات العالية بالنسبة للأتنين؟
7. سعر أعادة البيع بالنسبة للأتنين؟
8. هل مستوى أوبشنز الأسكالا زى السوبر صالون ولا أية؟
9. سعر قطع الغيار للأتنين؟
10. تقييم عام للأتنين يعنى لو أنت مكانى تختار أيهما؟

معلش أنا طولت عليكم ياشباب بس أنا النقط دى هاتحسم حاجات كتيرة عندى بجد لأنى فى رأى دول يمكن أفضل سيارة فى حدود ال100 إلف
شكرا لمشاركتكم معى فى الرأى

[Mohamedtefa82]

أيه يا جماعة ولا رد حتى :)

[Mohab.Nabil]

انا مش هقدر افيدك فى استفساراتك بصراحة

لأن عشان حد يجاوب على الاسئلة بدقة لازم يكون جرب الاثنين كويس

بس انا رأيى بصراحة الاسكالا شكلها اجمل من جوة و من برة

و ان كان انتشار الصنى نقطة تحسب ليها

بس انا لو هشترى هجيب اسكالا لون الابيض فيها جميل اوى ماشاء الله

[ahmscu]

انا فى رايى السطحى ان مميزات السكالا انها كماركة احسن طبعا التقفيل غالبا هيكون تركى فهتلاقيه انضف من الصنى لانها مصرى،السكالا عليها خصم على الجمارك حوالى 30 فى المايه وهتقل كمان 10 فى المايه على بداية السنة الجديده،توكيل رينو محترم جدا بس قطع غيارها غاليه حبتين فى التوكيل وبره،الصنى انتشارها اوسع وسعر اعادة البيع اكيد هيبقى احسن من السكالا واكيد قطع غيارها هتبقى ارخص،انا رايى النهائى لو هتشترى عربيه وماتبيعهاش قبل 5 سنين على الاقل يبقى هات السكالا اما لو ناوى تبيع فهاات الصنى لان الرينو عموما مش بياع قوى

[szaalouk]

انا فى رايى السطحى ان مميزات السكالا انها كماركة احسن طبعا التقفيل غالبا هيكون تركى فهتلاقيه انضف من الصنى لانها مصرى،السكالا عليها خصم على الجمارك حوالى 30 فى المايه وهتقل كمان 10 فى المايه على بداية السنة الجديده،توكيل رينو محترم جدا بس قطع غيارها غاليه حبتين فى التوكيل وبره،الصنى انتشارها اوسع وسعر اعادة البيع اكيد هيبقى احسن من السكالا واكيد قطع غيارها هتبقى ارخص،انا رايى النهائى لو هتشترى عربيه وماتبيعهاش قبل 5 سنين على الاقل يبقى هات السكالا اما لو ناوى تبيع فهاات الصنى لان الرينو عموما مش بياع قوى

اولا احب اوضح ان السكالا صناعه كوري في مصنع سامسونج بكوريا الجنوبيه
و سامسونج هي الشريك الثالث لمجموعه نيسان رينو .
الرينو السكالا بتنزل في الخليج بأسم نيسان صني يعني الموضوع كله علامات تجاريه بتوزعها الشركه الأم حسب رؤيتها لكل سوق .
و علي فكره السكالا 2 بتنتج فعلا هناك و هي الرينو فلوينس عندنا .
نيجي بقا لموضوع اخونا صاحب السؤال : انا شخصيا لو مطرحك حاجيب النيسان صني التجميع المحلي ( علي الرغم ان ممكن ناس تقول المستورده تقفيلها احسن ) يمكن يكون الكلام ده في شيء من الصحه لكن انت لو عندك اي شكوي من اي مسمار في النيسان المصري حتلاقي وراك توكيل قوي جدا جدا جدا و مش عاوز اقول اقوي توكيل في السوق
بيراعي العميل الي ابعد المستويات و يحرص علي رضاءه تمام الرضا .
بالأضافه الي القيمه المضافه للسياره عند اعاده البيع فالنيسان سعرها متماسك جدا جدا،
علامه رينو علي العربيه ( علي الرغم انها كوريه ) كفيله بأسقاط السعر جامد
يعني لو عرفت تلاقي واحده كامله موديل 2010 مثلا اعتقد ممكن تلاقيها ارخص من الصني المماثله بحسبه 7 او 8 الاف جنيه فقط للعلامه .
عربيات رينو مش وحشه لكن ملهاش سوق عندنا لانها شويه معقده و محتاجه حد فاهم قوي فيها و انتم عارفين ان سوقنا سوق كلام و لا يهتم بالتقنيات الا فيما ندر .
مثال آخر السوبارو ( عندنا قليله جدا ) مع العلم انها عربيه جباره لكن في اوروبا سمعتها زي الألماظ .
آسف للاطاله و اتعشم اني اكون وصلت معلومه ولو قليله .

تحياتي .....

[Mohamedtefa82]

شكرا لكل اللى رد
و سؤال للأخ Szaalouk لو أنا ما بفكرش فى أعادة بيع تختار سكالا ولا صنى؟
و كمان هل العربية الأسكالا المتقفله فى كوريا موتورها مصنوع هناك ولا هى بس تقفيل؟

[szaalouk]

الأخ محمد
بالنسبه للموتور صناعه كوري ولا ياباني ( دي عاوزه حد بيشتغل في مركز الخدمه و هو اللي حافيدك )
انا لا احب الفتي طالما لا اعرف .
بالنسبه للأختيار علي اساس انك لا تفكر في سعر اعاده البيع لأنك قررت الأحتفاظ لمده ليست قليله
فأنصحط بالجلوس في كل منهما او في عمل تست درايف للعربيتين و تقرر بنفسك لأن المهم جدا راحتك النفسيه كل يوم و انت نازل تركب عربيتك تكون مبسوط و مشتاق لها مش قرفان و نفسك المشوار يخلص بأي ثمن .
عموما التوكيلين بيعملوا تست درايف للعربيات بالحجز فكده اعتقد ان الموضوع حايبقي قرب معاك جدا .

رينو مصر 16202
نيسان مصر 16244

تحياتي

[SonaSteel]

صني

[Sehsss]

اولا احب اوضح ان السكالا صناعه كوري في مصنع سامسونج بكوريا الجنوبيه
و سامسونج هي الشريك الثالث لمجموعه نيسان رينو .
الرينو السكالا بتنزل في الخليج بأسم نيسان صني يعني الموضوع كله علامات تجاريه بتوزعها الشركه الأم حسب رؤيتها لكل سوق .
و علي فكره السكالا 2 بتنتج فعلا هناك و هي الرينو فلوينس عندنا .
نيجي بقا لموضوع اخونا صاحب السؤال : انا شخصيا لو مطرحك حاجيب النيسان صني التجميع المحلي ( علي الرغم ان ممكن ناس تقول المستورده تقفيلها احسن ) يمكن يكون الكلام ده في شيء من الصحه لكن انت لو عندك اي شكوي من اي مسمار في النيسان المصري حتلاقي وراك توكيل قوي جدا جدا جدا و مش عاوز اقول اقوي توكيل في السوق
بيراعي العميل الي ابعد المستويات و يحرص علي رضاءه تمام الرضا .
بالأضافه الي القيمه المضافه للسياره عند اعاده البيع فالنيسان سعرها متماسك جدا جدا،
علامه رينو علي العربيه ( علي الرغم انها كوريه ) كفيله بأسقاط السعر جامد
يعني لو عرفت تلاقي واحده كامله موديل 2010 مثلا اعتقد ممكن تلاقيها ارخص من الصني المماثله بحسبه 7 او 8 الاف جنيه فقط للعلامه .
عربيات رينو مش وحشه لكن ملهاش سوق عندنا لانها شويه معقده و محتاجه حد فاهم قوي فيها و انتم عارفين ان سوقنا سوق كلام و لا يهتم بالتقنيات الا فيما ندر .
مثال آخر السوبارو ( عندنا قليله جدا ) مع العلم انها عربيه جباره لكن في اوروبا سمعتها زي الألماظ .
آسف للاطاله و اتعشم اني اكون وصلت معلومه ولو قليله .

تحياتي .....

[Mohamedtefa82]

شكرا للجميع
أنا شكلى كدة هاختار (الصنى) أن شاء الله و هاصلى أستخارة
أسبابى كالأتى:-
1- موتور يابانى و عفشة يابانى
2- أنا حسبت أستهلاك البنزين هو حتى لو أعلى فى الصنى من الأسكالا هايكون أعلى بكام % مثلا أعتقد عمره ما هايكون أكتر من 10-15% و بالتالى هاتلاقى فرقها فى سعر البنزين مش اللى أنت متخيله
3- فى المقابل الصنى منتشرة يعنى أى حد ممكن يشتغل فيها و ماسكة نفسها فى سعر أعادة البيع عن الأسكالا
لعلى أن شاء الله أكون أخترت الأصوب
ولو حد عنده أقتراح بعربية تانية أفضل من الصنى فى حدود ال 100 ياريت يشاركنا أفكارة

تحياتى للجميع و خصوصا الأستاذ szaalouk

[ahmscu]

renault egypt
على الفيس بوك اسال وهيردوا على اى سؤال بخصوص اى عربيه واى استفسار انت عايزه على بلد المنشا ونصيحه منى اركب العربيه اللى ترتاحلها،لا انا كل الناس قالتلى هات الانوس وجبت برضه الوجان عشان بس ارتاحتلها اكتر وحبتها جدا رغم كل عيوبها وربنا يهديك للى فيه الخير.

[SonaSteel]

اعتقد انك لو زقيته شويه ممكن تفكر في التيدا وخاصة ان نازل عليها عرض ب111000 بدل 115000
وطبعا حدث ولا حرج بالنسبة لاعتماديتها كمالياتها
لو مقدرتش يبقي ان شاء اللصني وصفقة رابحة ان شاء الله
ولا تنسي الاستخارة وربنا ييسرلك كل خير يارب العالمين

[Mohamedtefa82]

والله أنا فكرت فى التيدا بس اللى منعنى غير فرق السعر هو شكل السيدان منها أنا عاجبنى جدا شكل الهاتشباك أنما السيدان بحس أنها مش مظبوطة كدة لكن هى واسعه جدا ما شاء الله أنا ركبتها من جوه و الهاتشباك سعرها عالى 130 الف