حيرة بين شيفولية لانوس ورينو لوجان

[loma7777777]

انا فى حيرة شيفولية لانوس ولا رينو لوجان
ارجو الافادة
انا عارف ان اللوجان كعربية افضل
بس اللانوس عربية ذى الجنية الدهب
واحد صحبى بقولة انا معجب باللوجان قلى كل الى يعجبك واركب الى يعجب الناس
اللانوس عربية منتشرة
قطع غيار رخيص
ة اى ميكانيكى يشتغل فيها
اعادة بيع سريعة لو عايز تبيع الف يشترى وبسعر كويس

[hokajaja]

لالالالالالالالالانوس طبعا
عربية مريحة و صالون محترم وثابته على الأرض وزى ما انت قولت او صاحبك قال زى الجنيه الدهب انا نفسي اركب عربيه مش كتير ركبينها بس للأسف فعلا اركب اللى يعجب الناس مع احترامى الشديد للرينو بشكل عام

[hokajaja]

على فكرة نسيت اقولك ان احنا فى بلد بيحسب قبل ما يركب يعنى هبيعها بكام قبل ما اشترى

[loma7777777]

شكرا للمشاركة يا سلم

[hokajaja]

شكرا للمشاركة يا سلم

يا باشا على ايه احنا اخوات صلى استخارة وفكر كويس وبعد كده قرر بس على فكرة انا مركبتش الرينو بس جربت اللانوس بكل موديلاتها عربيه ما شاء الله عليها الحاجه الوحيدة اللى كانت بتدايقنى منها مكنتش بشوف وش العربيه ومش عارف احفظ ابعادها جايز علشان انا بعشق الهاتش باك بس بجد اللانوس محترمة وجميله وقطع غيرها كتييييييير اوى

[engaass]

انت ايه مواصفاتك فى العربية اللى انت عايزها عشان نفيدك

[Dr_Mido]

انصحك انا بقى نصيحه مخالفه اركب اللى يعجبك انت علشن انت اللى هتتدبس فى اللى هتركبه مش الناس

[loma7777777]

المواصفات اللى انا عيزها :
1 اهم حاجة السعلر لايزيد عن 70 الف
2 لو احتجت ابيع لظرف طارق لاقدر اللة اقدر ابيع بسرعة وبتمن مخسرش معاة كتير
3- وسع العربية والراحة فى القيادة
4- سهولة الصيانة وتكون فى حدود 200 جنية شهريا فى المتوسط
5- ثبات عالى للعربية على الطريق

[ayman1204]

ألكلام النهائي فى
رينو لوجان ودا عن خبرات وبرد بيه عن كل اللى بيقارن بين اللوجان وبينها وبين عربية تانية

اوربي ( فرنسي - رومانى ) تقفيل المغرب
اهم المميزات
اهم واحدة >> عالية عن الارض بطريقة فظيعه مش هتحك مع اى مطب حتى لو محمل 6 فيها والشنطة مالينة على الاخر
مصفحة من تحت كمان ودا مش موجود فى فئتها
العربية الوحيدة اللى تحت الـ 100 الف نازلة بكاوتشات 15
العربية الوحيدة اللى شفتها لحد دلوقتى المرايات بتعتها دينميكية مش بتكسر بتروح مع الخبطة وترجع تانى
عفشة نعمه مالهاش زى
انعم دبرياج هتشوفه فى حياتك
كمبيوتر رحلات ( معرفة استهلاك البنزين ومدة الرحلة وكم البنزين المتبقى .......الخ ) ومش موجود فى عربيات لحد الـ 120 الف
اير باج
مستوى امان 3 نجوم
اوسع شنطة 510 لتر
امان تام على السرعات العالية ودا بتجربة بنفسي على الـ 180 وبغرز وكنا 6 فى العربية والموضوع بالتوقيع
موفرة فى البنزين بسبب ان الماتور 8 صباب ( يفضل بنزين 92)
اوسع صالون فى فئتها واوسع تانك بنزين اكتر من (60 لتر بالاحتياطى )
صاج اللوجان صاج قوى والاقوى برضوا فى فئتها
طبعا فى اوبشنز تانية يختلف على حسب اذا كنت هتجيب هاف او فول اوبشنز
ألصيانة الدورية مع التوكيل كل 5000 كيلو مرة مجانا ومرة بفلوس ودا هيخليك ما تفتحتش كبوت العربية حتى 100 الف كيلو *


العيوب ( ومش هنسميهاعيوب ) هنسيمها حركات غلسة بس هتتعود عليها

الكلاكس فى درع الاشارة
زارير الازار فى التابلوة
ازاز الشباك اللى وراؤ بيفتح لحد التلت ودا علشان الامان للاطفال علشان هى سيارة عائلية
تنك البنزين والشنطة بمفتاح
ترجيع الكراسي بتقعد تلف البكرة
صوت الماتور عالى سنة
الباور تقيل شوية ودا لثبات العربية على السرعات العالية
رعشة بسيطة ببعض الموديلات فى دواسة البنزين اول لما تستلم السيارة وبتختفى لوحدها بعد تليين السيارة اول 5000 كيلو
* قطع الغيار بدات فى الانتشار الفانوس الامامى ب 250 جنية والخلفى ب 150
وجوز المقصات ب 400 جنية

ثمن الفول اوبشنز 70 الف جنية
وتمنها برة تمنها الاصلى 7500 يورو
يعنى انت دافع تمن بالضبط + شوية مصاريف ( تقدر تقول خدمة الشحن ) لان مالهاش جمارك

ودا المصدر
Dacia Logan : Informatii Dacia Logan
نوع العربية

Preference 1.6 MPI 90 CP

بعشقها عشق لولو حبيبتى

وبس يا سيدى وان شاء الله ربنا يوفقك فى اختيار العربية المناسبة لك


-----------------

العربية انتاج شركة داتشيا - رومانيا ( الام ) تم التعديل الشكل الجديد بواسطة شركة رينو الفرنسية



تقرير مفصل عن العربية بالشرح والصور بواسطة الاستاذ نادر نبيل

http://www.nilemotors.net/Nile/90472-2010.html

بتنزل على 5 ماركات فى كل انحاء العالم
فى اسيا وافريقيا والشرق الاوسط Renault Logan وروسيا
فى رومانيا والبرزيل وامريكا الجنوبية Dacia Logan
فى الهند Mahindra Renault Logan
فى اليابان Nissan Aprio
Tondar 90 فى مناطق بدول العالم

دى فيدوهات ليا بالعربية
Logan 180 km/h with 6 Passenger [1] - YouTube

180 و 6 راكب
وغرز بيها على الطريق الصحرواى - مصر اسكندرية

ودا لما عديت الـ 180
Logan 180 km/h with 6 Passenger [2] - YouTube

واتفضل اسال فى اى وقت
ودا قسم اللوجان بالمنتدى

http://www.nilemotors.net/Nile/forum149/

[ahmscu]

بص ياسيدى اسمع وجهة نظرى المتواضعه انا مش هقولك اى واحده الاحسن ومش هقولك مزايا دى وعيوب دى لانى مريت بالمقارنه دى وجبت الوجان فى الاخر لسبب بسيط وهو انه اللوجان ماعليهاش جمارك خالص يعنى انت راكب عربيه بنفس تمن المصنع غير الانوس اللى تمنها متضمن40 فى المايه جمارك يعنى تمنها من المصنع اقل حوالى 40% ده غير انهم لو فكروا يخفضوا الجمارك(وده لازم يحصل) انت هتبقى فى الامان اما لو معاك لانوس فساعتها هتخسر كتير

[newcar2011]

حضرتك عايش فى مصر اركب لانوس انا ماشى بيها 389 الف كيلو ومافيش مسمار اتفك فى الماتور قطع الغيار الاصليه رخيصه مش محتاج ميكانيكى عبقرى يشتغل فيها وتكييف زى الفل وكمان واسعه والانوس فى الجرى لحد 190 ولو عاوز ثبات رهيب ركب جنوط 14 العربيه بتلزق فى الارض

[newcar2011]

دة فديو مقارنه مع انى مش فاهم حاجه
Lanos vs Logan - ذ¢ذµرپر‚-ذ´ر€ذ°ذ¹ذ² - YouTube

[newcar2011]

Daewoo Lanos 5th gear, 130-210km/h - YouTube

[newcar2011]

Lanos 1,5 8V 190km/h - YouTube

[engaass]

المواصفات اللى انا عيزها :
1 اهم حاجة السعلر لايزيد عن 70 الف
الاتنين نفس السعر
2 لو احتجت ابيع لظرف طارق لاقدر الله اقدر ابيع بسرعة وبتمن مخسرش معاة كتير
لانوووووووووس
3- وسع العربية والراحة فى القيادة
لوجان
4- سهولة الصيانة وتكون فى حدود 200 جنية شهريا فى المتوسط
لانوووووس
5- ثبات عالى للعربية على الطريق
لوجان

من الاخر هى اللوجان احسن من الل لانوس كاداء مع العلم انى معايا لانوس 2010 وبصراحة الحمد لله انا لو رجع بيا الزمن هاجيب لانوس برضه بسبب انى برضه عايز عربية صيانتها سهلة ورخيصة لان الواحد مع القسط مش مستحمل تكاليف اضافية طبعا العربية فى الاول بتكون ليها صيانتها الدورية فقط بس هل تضمن ان ميحصلش اى حاجة غير متوقعة
من الاخر ال لوجان احسن كاداء لكن ال لانوس اسهل فى التعامل معاها وفى الاخر لازم تشترى العربية وانت مرتحلها ومتقبلها لانك لو مش متقبل افضل عربية فى الدنيا هتبقى تعبان بيها ولا تنسى الاستخارة وربنا يوفقك لما فيه الخير